هەوکردنی گوان لە مانگادا

هەوکردنێکە کار دەکاتە سەر چارەگێک یان زیاتری گوانی ئاژەڵەکە،وە یەکێکە لە باوترین ئەو نەخۆشیانەی کە کاردەکەنە سەر ئاژەڵی شیری و بەنزیکەیی لە هەموو جۆرەکانی مانگادا ڕوودەدات، هەروەها نەخۆشیەکی درمیشە و لە مانگایەکی تووشبوەوە بۆ مانگای ساغ دەگوازرێتەوە.

هۆکارەکانی تووشبوون:

1. هۆکاری سەرەکی توشبوونەکە چەند جۆرێکی بەکتریا(Pasteurella، multocida...)و ڤایرۆس و کەڕوون(Aspergillus fumigatus،A.midulus...) کە لە ژینگەی دەورووبەری یان لەسەر پێستی ئاژەڵەکە لەدەورووبەری کلک و گوان و ژێرەوەی سکی ...دا دەژین.
2. یەکێکی تر لە هۆکارەکانی توشبوون پیسیی دەستی دۆشەرەکەیە یان پیسیی دەمەکانی مەکینەی دۆشینەکە.
3. هۆکارێکی تر بەکارهێنانی هەڵەی مەکینەی دۆشینە کەدەبێتە هۆی درووست بوونی برین یان قڵش لەگواندا دەگونجێت ئەمە هۆکارێکی هاتنە ژوورەوەی وردبینەزیندەوەرەکان بێت...

هـەوکردنی گوان دووجۆرە:-

1. هەوکـــردنـــی بـــیـــنـــراو(ئاشکرا).
2. هەوکـــردنـــی نادیــــــــار(نائاشکرا).

نیـــــــــشانەکانی هەوکردنی بـــیـــنـــراو (ئاشـــکرا):

1. گەرم داهاتنی شوێنەکە.
2. سوورهەڵگەڕانی شوێنەکە.
3. هەڵئاوسانی نائاسایی شوێنی تووشبوونەکە.
4. شیر بەشێوەیەکی نائاسایی ڕەنگی دەگۆڕێت بۆ سور یان زەرد وەهەندێ جاریش بۆنی شیرەکە نائاسایی دەبێت یاخود شیرەکەی لەپک لەپک (لیق وەک جێڵ)دەبێت...

نیشانەکانی هەوکردنی نادیار(نائاشکرا):

ئەم جۆرەیان بەبێ نیشانە دیارەکانی هەوکردن ڕوودەدات، بۆیە زەحمەت دەبێت بۆ پزیشکی ڤێترنەری کە نەخۆشیەکە لە مانگای توشبوودا جیابکاتەوە.باشترین ڕێگای دیاری کردنی نەخۆشیەکە بەم شێوەیە:

بەتێکردنی کهول ئەثیل(70%) لەڕێگەی سرنجەوە بۆ کونی گوانی مانگاکەوە و دواتریش سوکە مەساجێک بۆ گوانەکە لە خوارەوە بۆ سەرەوە بۆئەوەی دەرمانەکە باشتر بڵاو بێتەوە بەم شێوەیە جۆری هەوکردنەکە دەگۆڕێت و دەبێتە هەوکردنی بینراو(ئاشکرا)،لەگەڵ ئەوەشدا کە شیرەکەی دەبێتە (جێڵ) پاش کارلێک کردن لەگەڵ شلەی تاقیکردنەوەکە.

بۆ ڕێگریکردن لە تووشبوون بە هەوکردنی گوان:-

1. پێویستە پاکو خاوێنی ژینگەی دەوروبەری ئاژەڵەکە ڕابگیرێت.
2. دوورکەوتنەوە لە گۆڕینی لەناکاوی ئاوی خواردنەوەی مانگاکان.
3. پێویستە ڕۆژانە هەموو مانگاکان بپشکنرێن بۆ ئەگەری بوونی هەر هەوکردنێک لە گوانیاندا.
4. پاککردنەوی گوانەکە بەرلە دۆشینی مانگاکە.
5. پێویستە ڕاستەوخۆ پەیوەندی بە پزیشکی ڤێترنەریەوە بکرێت لەکاتی بوونی هەوکردن لە گوانی مانگادا و نابێت لەلایەن خاوەن ئاژەڵەوە بەناشارەزایی چارەسەر بکرێ

ئـــامـــــــــادەکـــردنـــی:-

-محمد مامە موسی

dexterity medical organization