بریتیە لە تێکچونێکی پێست کە خانەکانی پێست دووھێند دەبن دە جار خێراتر لە حاڵەتی ئاسایی کە ئەوەش پێستێکی سور دروست دەکات کە ڕوپۆش کراوە بە چینێک مادەی سپی ، کە ئەمەش ئەگەری ڕوودانی ھەیە لە ھەموو بەشەکانی لەش بەڵام ئەگەری ڕوودانی زۆرە لە{پێستی سەر ، ئانیشک ،ئەژنۆ ،بەشی خوارەوەی پشت}،وە ئەم تێکچونە نا گوازرێتەوە لە کەسێکەوە بۆ کەسێکی کە ، ھەندێک جار ڕوودەدات لە ئەندامەکانی ھەمان خێزان ئەویش بەوەی کە بە شێوەی بۆماوەیی ئەگوازرێتەوە لە نێوان ئەندامانی هەمان خێزان.
ئەم تێکچونە عادەتەن ڕوودەدات لە گەنجاندا ,لە حاڵەتی ئاسایی کاریگەری ھەیە لەسەر چەند بەشێکی لەش بەڵام ئەگەر حاڵەتەکە توندبێت لە بەشێکی زۆری لەشدا ڕوودەدات.
نیشانەکانی صەدەف:
نیشانەکانی نەخۆشی صەدەف لە کەسێک بۆ کەسێکی دیکە جیاوازە و بە پێی حاڵەت دەگۆڕێت،باوترین نیشانەکانی نەخۆشی صەدەف ئەمانە دەگرێتەوە:
- سووربونەوە و داپۆشینی پێست بە چینێکی سپی یان ڕەساسی.
- وشکبوون و قلیش بوونی پێست کە لەوانەیە خوێنی لێ بێت.
- خوران.
- بوونی ئازار لەو شوێنەی کە ئەم تێکچونەی تێدا ڕوویداوە.
- ھەڵئاوسان و وشکبونەوەی جومگەکان.
هۆکارەکانی نەخۆشی صەدەف:
- ھۆکارەکەی بە تەواوی نەزانراوە بەڵام ھەندێک لە سەرچاوەکان دەڵێن کە تێکچون لە خانەکانی بەرگری دا ڕوودەدان و ھێرش دەکەنە سەر خانە تەندروستەکان بە ھەڵە ,ئەمەش دەبێتە هۆی چالاکبوونی خانەکانی پێست و نوێ بوونەوەیان بەشێوەیەکی خێراتر لەچاو کاتی ئاسایدا.
- بۆماوەیی.
هەندێک هۆکار کە دەبێتەهۆی زیادبوونی نیشانەکانی صەدەف:
- بوونی برین و هەوکردن لە پێستدا.
- سترێس.
- گۆڕانی هۆڕمۆنەکان.
- جگەرەکێشان و هەڵمژینی دوکەڵەکەی و خواردنەوە کهولیەکان.
- هەندێک جۆری دەرمان وەک دەرمانی لیثیۆم و بەرزە پەستانی خوێن و دژە مەلاریا .
چارەسەر:
نەخۆشی صەدەف چارەسەرێکی بنبڕکراوای نییە چارەسەرەکانی بەئامانجی کەم کردنەوەی نیشانەکانی نەخۆشیەکەو خاوکردنەوەی گەشەی خانەکانی پێستە.
سێ جۆر چارەسەر بۆ تواشبوان بەکاردێت:
- چارەسەری سەر پێست لەڕێگەی (مەڵهەم،کرێم، شامپۆ)
- چارەسەر بە ڕوناکی و تیشک.
- چارەسەر بە دەرزی و دەرمان.
تەندرووست باش بن
سەرچاوەکان: webmd, healthline
ئامادەکردنی:نیگا هیوا محمد
dexterity medical organization