گوهۆڕین وەک پەیڤەک ژ ڕەگەزێ (غَيَّرَ) هاتییە، واتە گوهۆڕینا تشتەکی یان ڤەگوهاستنەک ژ دۆخەکێ بۆ دۆخەکا دی. دڤێت وەک پرۆسەیەکا مەزن بهێتە دیتن کو تشتێن نوی دئینیتە جهێ تشتێن کەڤن، یان بەرسڤەک بن بۆ ڕویدان و ئەگەرێن جیهانی کو بڕیارێ ددەن ب گوهۆڕینا دۆخەکێ نها بۆ دۆخەکا باشتر و پێشکەفتی. گوهۆڕین د گەلەک جهان دا هەیە د ژیانا مرۆڤی دا — بۆ نمونە، د گوهۆڕینا جلکان، سامانێن مالێ، خوارنێ، شێوازێ ژیانێ و هتد. گەلەک جاران گوهۆڕین دکەڤیتە سەر مرۆڤی ب شێوەیەکێ نەزانی، وەک گوهۆڕینا ڕێکا ڕۆژانە، گوهۆڕینا جهێ ڕوینشتنێ، و وارەکێ دی.
تایبەتمەندیێن گوهۆڕینێ
گوهۆڕین چەند تایبەتمەندیێن گرنگ هەنە:
- پێدڤیبوون (حتمیة):
گوهۆڕین تشتەکێ نەچارییە؛ واتە ژیان بێ گوهۆڕین بلند نابیت، و تشت هەمی دەم ب یەک شێوە نامینن.
- پێشکەفتن (تطور):
گوهۆڕین ڕێکەکە بۆ گەهشتنا ئاستەکێ باشتر، بلندکرنا تشتەکی بۆ دۆخەکێ پێشکەفتی.
- بەردەوامی (استمرارية):
گوهۆڕین چو جار ناراوەستیت، ب ئەگەرا پلانەکا پێشوەخت یان کارتێکرنێن جیهانی.
- گشتیبوون (شمولية):
گەلەک جاران گوهۆڕین ب گشتی ڕویددەت، بۆ نمونە دەمێ کۆمپانیایەک هەمی شێوازێ بەرهەمێ خوە دگوهۆڕیت بۆ دەرئێخستنا بەرهەمەکێ نوی بۆ بازاری.
جۆرێن گوهۆڕینێ
گوهۆڕین جۆرێن جودا هەنە کو دشێن د ژیانا تایبەت و جڤاکی دا بهێنە دیتن:
- گوهۆڕینا پلانکری (التغيير المخطط):
ئەڤ جۆرە ب پلانەکا پێشوەخت کار دکەت و پێدڤییە هەمی ئەندامێن ڕێکخراوێ یان پرۆژێ ب هویری پەیڕەوی بەرنامێ گوهۆڕینێ بکەن.
- گوهۆڕینا پەیوەندیدار/گاڤ ب گاڤ (التغيير التدريجي):
ئەڤ جۆرە گوهۆڕین د ماوەیەکێ دیارکری دا ڕویددەت و ب گاڤان دگەهیتە ئارمانجێ، و گەلەک جاران ئەنجامێن جوانتر و بکارهێنەرتر ددەت.
نمونە: خواندکارەک ژ سەرەتای بۆ ناڤنجی دچیت — هەر قوناغەک تایبەتمەندی و بابەتێن تایبەت هەنە.
- گوهۆڕینا تەمام یان بنگەهی (التغيير الكلي / الجذري):
ئەڤ جۆرە ب ئەگەرا گاڤەکا دەستپێکێ دگوهۆڕیت، گەلەک جاران ب شێوەیەکێ لەز و بێ پلان ڕویددەت، و مرۆڤ دشێت بێزار و گێژ بکەت ژ بۆ چاوانیا ڕاگەهاندنا بڕیاران.
وەرگێران و نڤیسین:تێلی رێکانی
ژێدەر: (1)