نفشێ نوی یێ کوردی د نوکەدا گوهورینێن هەبوونی یێن کویر دبینن لدەمێ ڤەلڤینێن سیاسی و جڤاکی ئەڤێن کو نفشێ نوو یێ کوردی نەچارکری بەرەف ئاوەرکرن و نیشتەجێبونێن دەرەکی ژڤان ڤەلڤینان بکەن . ئەڤ چەندە نەبوویە ئەگەر بو گوهورینێن جوگرافی بتنێ بەلکو دگەل هندێژی شوکێن رەوشەنبیری و دەروونی ژی بووینە ئەگەرێ چوونا نفشێ نوی یێ عێراقی بو جهەکێ نەدیار ، ئەڤ نفشە رویبری هندەك کەلتورێن نوی بوون و چەمکێن ئازادی و دادپەروەری و هاولاتیبوون دناڤ سیستەمێ جڤاکی و سیاسیدا وەرگرت کو بشێوەیەکێ جیاواز بوون ژ ئەوا وەرگرتی .
ناسناما کەلتوری د کومەلگەها نوکەدا نەیا جێگیرە بەلکو پروسەیەکا بەردەواما کارلێکرییە دناڤبەرا تاکەکەسان و کومەلگەهێ دا ، کو کاریگەریێ لسەر وان گوهورینێن جڤاکی و سیاسی و ئابووری لسەرن کو کومەلگەهـ ئەزموون دکەت . ئەڤ دینامیکیە رەنگەڤدانا وان ململانایە یێن کو نفشێ نوی یێ کوردی ل دەوربەری ڤەدگەریت داکو ئەزموون بکەت ، لدەمەکێ دا کو چارچوڤەکێ کەلتوری و جڤاکی یێ جیاواز دگەل ژینگەها رەسەندا کارلێك دکەن .
ئەڤ ئاریشە نەبتنێ قەیرانەکا دەروونی یان جڤاکی یان ئابووری یە بەلکو ناڤەروکا وێ نوینەراتیا ململانەکا فەلسەفی دکەت لسەر رامانا ناسنامە و سنورێ سەربەخویێ و ساناهیا گوهورینان ، ئەڤەژی پشتی شیکاریا زانستی بوڤێ قەیرانێ و هەولدان بو پێشکێشکرنا دیدگەها بنیاتنەر بو مامەلەکرنێ دگەلدا ل ئاستێ تاکەکەسی و جڤاکی و دەولەتێ دا .
نڤیسین: دیندار سەرگەلی