هەر بابەتەکێ ئەم دناڤدا نەچینە خوارێ و کاری ل سەر نەکەین هەتا رادەیەکی ئەم ب چاڤەکێ سادە و ساناهی دبینن، هندەک جاران دهێتە گوتن ئەگەر کارێ من ژیک وەکی فلان کەسی با دا یێ ب ساناهیتر بیت لێ د راستی دا هەر کارەکی تێرا خو گرانی و سڤکی یا هەی، شینوار زان ب کەسێن وێرەک و خودان ئیرادە دهێنە ناڤکرن ژبەرکو بەردەوام ئەو دچنە وان جهێن هزارەها سالایە سەرەدان بو نەهاتیە کرن و ئەو دچن ڤەکولینا ل ڤان جهێن شینواری دکەن چ ئەو شکەفت، گر یان دیتنا شێوازێن خوداوەندێن ل سەرچیایان و شکەفت ب رەخ ڤە و ئەڤە خزینەکا گەلەک باشە و شانسەکێ دیروکی یە ل دەڤ مە پەیدا بوی، کو ل هەرێما کوردستانێ لدیڤ گوتنا دکتور بێکەس بومە دایە دیارکرن رێڤەبەر ل رێڤەبەریا شینوار و کەلەپورێن دهوکێ، ب نێزیکی (5000) جهێن شینواری هاتینە ڤەدیتن ل کوردستانێ و ب خوشحالی ڤە (2700) ل باژێرێ دهوکێ هاتینە ڤەدیتن، وەکی شکەفتا چارستین، خەنس، جەروان، پەیکەرێ هەلامەتا و گەلەکێن دی ئەو دڤێت چەند شارەزابین د کەلەپور و کەلتورێ خودا، نێزیکی سالێن 2012 هندەک کەسێن ئیتالی ل زانکویا ئودینێ ل وەلاتێ ئیتالیا کەسێن شینوار ناس ب هەڤکاری دگەل ریکخراوا هونەرێ گەروک و لێکولین دناڤ جهێن کەلتورێ بەری نوکە دا کرن کا چەوا ژیان ل ڤێرێ هەبو ب چ ژیانا خو دبرە سەری و هەروەسا کەرەستێن وان یێن بکارئینانێ بو رێڤەبرنا ژیانێ چ بون و کا تەمەنێ وێ ژیانا هاتیە ڤەدیتن بەری چەند سالان بویە بەری نوکە تەمەن دەستیپێ دکەت ژ بەری نوکە نویترین بەری (60000) سالایە هاتینە ڤەدیتن و کەڤنترین بەری (120000) سالایە و ب شانازی ڤە کەڤنترین ل هەرێما کوردستانێ یە ئەو شینوارە گوندێ چەرمویە هەتا نوکە هاتیە ڤەدیتن کە تەمەنێ وی گوندی بەریب نوکە ژیانلێ هاتیە دیتن 120000 سالە بەری زاینی، هەروەسا دگەل ڤان ڤەکولینان خول دهێنە دانان و خەلکێ باژێرێن جودا بەشدار دبن و پێزانینا ل سەر بەلاڤ دکەن و سەرەدانا ڤان جهان دکەن و بەردەوام لێکولین یێ دهێنە کرن و جهێن نوی یێن دهێنە ڤەدیتن، یا گرنگە ژیک ل بیرا مەبیت چ زێر و خزینە ل بنوان جهێن شینواری نینن بتنێ بو مەرەما پاراستنێ و پتر ئینانە بەرچاڤا کەلتورێ مە دهێنە نیژەنکرن و بو ماوەیەکی دهێنە دائێخستن وەکی شکەفتا هەلامەتا دنوکە دا یا لبن نیژەنکرنێ وەکی کو چەوا شکەفتا چارستین بو چەندەکێ لبن نیژەنکرنێ بو پاشان گورانکارێن نوی دناڤ دا هاتینە کرن ژ لایەنەکێ دژیک ڤە باشە پتر گەشتیار سەرەدانا وان وەلاتێن شینوار لێ هەین دکەن و بو ئابوریا وەلاتی ئەڤە تشتەکێ باشە، یا ئەز فێربویم دناڤ ڤێ گەشتا شینواری دا ئەوە کا چەند یا گرنگە، دهەر گاڤەکێ دا تشتەکە کو گەلەک تشت یێن هەین و هەتا نوکە چەند گورانکاری هاتینە کرن ل سەر شێوازێ بەرێ و نوکە و چێدبیت ئەڤ ژیانا تو ژیک دناڤ دا ئەگەر ژیان ما ل سەر ڤی ئەردی هندەک کەسێن نوی بهێن و تەبەقەکا دی یا نوی و ئاڤا بکەن و لێگەیانێ بو شینوارێن مە بکەن ل دیڤ شێوازێ ژیانێ.
نڤیسین: نارین محمد