ئەركێ مرۆڤان ئەوە كو د بەختەوەر بن ل سەر ڕوییێ ئەردی. پێدڤیە ئەو ڕێكێن بەختەوەرییێ بزانن و ل ھەر جھەكێ ئەو لێ بن ناڤێ وێ دوبارەبكەن. ئەو كەسێ خودایی د ئەڤێ ژیانێ دا نەبینیت، ئەو وی د ژیانا بھێت ژی دا نابینیت، ئەم نەھاتینە ڤێ ژیانێ وەكی كەسێن دەرئیخستی و نەفرەتلێكری، بەلكو ئەم یێن ھاتینە وەكی زارۆكێن گەمژە دا كو ئەم ژ جوانییا ژیانێ و نھێنیێن وێ فێری پەرستنا ڕوحێ یا ھەرساخ و نەمر بین. ھەروەسا ل وان تشتێن ڤەشارتی بگەڕین، یێن كو د ناڤ ناخێن مە دا.
د ئەڤێ پەرتوکێ دا نـــڤیسەر تـــیژكێ د ئــــێختە سەر ھەمی لایەنێن كۆمەڵگەھێ تایبەت دابونەریتێن نە رەوا د جڤاكێ مەدا ژ لایەنێ دەروونی و روحێ و ڤیانێ و ئەو زوڵم و زورداریا ل مە دھێتە كرن ژ لایێ خێزانێ و كەسێن دەستھەلاتدار.
ھەبونا سیستەمێ چیناتێ و قەید و زنجێرێن ل دور تاكی كرینە ڕێسا و سەپاندین و قولاچكێن تاری دا ژیانێ دبینن ژیان ل دەڤ وان یا كریە دوزەخ ژ ھەر تشتی بێ بەھركرینە ژ ھەمی مافێن مرڤایەتێ و ئازادیێ.
ئــــــەی ئــــــازادی،كوراتییا ڤان كوراتییا دا ئەم یێ گازی تە دكەین، ئەم نوكە یێن ڕاوەستیاین و كراسێن بابوباپیرێن مە ییێن ب لەشێن مە ڤە ھاتینە گرێدان،ئەوێن خوین پێڤە ھاتییە ڕادانو ھەستێن مە یێن تۆزەوی بووین ب ئاخا گۆڕێن وان.
ئەگەر مرۆڤی ئارامیا دلێ خوە بەرزە كر،دێ ل كیڤە بینیت و دێ چ تشت جھێ وێ گریت؟
ئــــــامادەكرن:ھــــــەلز سمـــیر
ژێدەر: ڕوحێن یاخیبوویی یا نــــــڤیسەر:جـــبڕان خەلیل جبڕان