چ خێر د زێدەئاخفتنێدا نینە، کێمتر باخڤە و پتر کار بکە شوونا وی دەمێ تو دمینییە بێ کار زکری بکە ئەگەر تو موسلمان بی، ئەگەر نە؛ کارێن باش، فێربوونێن نوو، هزر د شاشییێن خۆدا و فێربوونا وێ یا تە ژ مێژەیە هیڤی دخواست دەم بۆ تە چێ بووبا دا تە خۆ فێر کربا، چ جاران پیشە و میهنە ب دووماهی ناهێن... قەت نە سووچێن جهی و دەوروبەرانە، هەمی سووچێن تەنە، بۆ وێ یا کو مە دڤێت ئەم هەمی ڕێگران ڕادکەین و یا دلێ مە ل سەر نەبیت ژی ڕێگران بۆ پەیدا دکەین.
ئەگەر ئەم زکری بکەین د کاریدا خێرا مە دێ لێکدانی دو بیت کار + زکر ئەڤە نعمەتەکا گەلەک مەزنە تو خۆ فێر بکەیێ، تە دەم نینە بەلێ دەمێ هەیی هەر خولەکەکێ دەلیڤە بۆ مە چێ بوو ئەم تەلەفۆنا خۆ هلبگرین و تەماشەیی وێ تۆڕا جڤاکی بکەین!؟ یا مایە ب دووڤ ڤی و وێ هەڤە یان بچن وە چ زانی تو و هەڤالێن خۆ بۆ ئێک ڤەگوهێزن، کارکرن ب خۆ خێرەکا گەلەک مەزنە، دا وێ خێرێ بۆ خۆ بهێلین، بەردەوام ئەم پێدڤینە کەلوپەلان بۆ قەسرا خۆ یا دنیایا دی ببەین و ئەڤە ب زکری دهێتە ئاڤاکرن: (سبحان الله، الحمد لله، لا ٳله الا الله و الله اکبر) هەرگاڤا تو ڕاوەستایی ئەو ژی دێ هێتە ڕاوەستاندن.
هینگێ هەتا ڕادەیەکێ باش تە ئاریشە و کەرب و کین د کاریدا نابن، ئەگەر تو فێر نەبوویی خۆ فێری هندێ بکە، ئەگەر تە کار نەکرییە ئەڤە بۆ تە شیرەت بەری دەست پێ بکەی، بلا بۆ تە ببنە دەرس و ل دووڤ هەرە، ژ بیر نەکە ئەڤ دنیایا ئەز و تو تێدا مە د گەلەک باردۆخاندا دەرباز دکەت، ئەگەر تو چ جاران کار نەکەی ژی، ئەم ڤان گۆتنان بۆ کاری ب تنێ نابێژین، بەلکو بۆ مالێ، بۆ مرۆڤێن خۆ، بۆ هەڤال و هەڤپشکێن خۆ ژی.
هوون تیمەکن، خۆ د ناڤ تیمێدا نەکەنە گرووپ، دو دویە و سێ سێیە و بزاڤان بکەن کەسێن دی بێشینن، هەر جهەک، وەلاتەکێ سەرکەفتی و هەر جەنگەکێ ب هێز تیمەکا خۆڕاگر و ئێکگرتی د ناڤدا هەبوویە، تو ب تنێ ب زەحمەتر لێ دهێی ژ بەر وێ بارگرانییا ڤـ تە... ڕاستە تو گەلەک یا بـهایی، لێ ئەگەر تیم بیت چەندین جاران ژ وێ بهێزترە یا تو ب تنێ ڕادکەی...
ئەگەر تو پرسیارێ ژ من بکەی و بێژییە من، مانێ تو جهێ من بایی دا دین بی. نە! ئەز دین نەبووم، ڕاستە نە یا ساناهییە بۆ دەمەکی، لێ هندەک جاران خودێ تە د هندەک کاودانێن ب زەحمەتدا دبۆرینیت داکو بۆ تە ببنە سەربۆرێن مەزن و ل سەر کەسێن دی بەلاڤ بکەی، ئەز ژی بۆ دەمەکی د ناڤ کۆمەکا ژەهراویدا بووم ژ هەمی لایانڤە هێرش بۆ من دهات، ل وان ڕۆژان من بەردەوام لاڤە ژ خودێ دکرن کو ڕێیا دورست نیشا من بدەت بێی کو ئەز کەسێ بریندار بکەم، ئەز بچمە کاری بەرسڤا وان بدەم یان ئەز بمینمە بێدەنگ.
ئەوێ دەست پێ دکەت تو دەست پێ نەکە ژ بەر کو وی ل بەر نینە ڕابوستیت یا تو دکەی و بێژی بۆ تە بهێلیت تو وی بهێزتر لێ نەکە ب بەرسڤدانا خۆ بەرانبەر وی.
نڤیسین: نارین محەمەد