ئان سولیڤان مامۆستایا خاتینا بلیمەت هێلین کلبرە ئەوا کۆرە و کەر و لال، زارۆکا هێلین کچەکا کۆرە و کەر و لال دژیێ حەفت سالیێ دا نەدشیا دەربرینێ ل حەزێن خۆ بکەت ژبلی گرینێ و تۆرەبونێ و چەندی دهات نەدشیا داخازێن خۆ ب ئاماژا بۆ دەیبابێن خۆ دەست نیشان بکەت.
ل ڤێرە خاتین ئان سولیڤان کو ژیێ وێ هنگی بیست و ئێک سال بوو ل هێلینێ دبیتە خودان و هەمیی ژیانا خۆ تەرخان دکەت ژ بۆ قورتال کرنا کچا کۆرە و کەر و لال.
لدەستپێکێ پرەنسیپێن ملکەچی و گوهداریێ نیشا هێلینێ ددەت و پاشی ناڤێ هندەک تشتێن بەرچاڤ نیشا ددەت و ب ئاڤێ ناڤێ هندەک تشتا لسەر دەستێ وێ دنڤیسا و هێدی هێدی فێری نڤێسینێ کر و بڤی رەنگی هەمی پیتێن ئەبجەدی نیاسین و پاشی ب سیستەمێ مجسم فێری خواندن و نڤیسینێ کر و ئان سولیڤان دا تلێن هێلینێ دانیتە سەر لێڤێن خۆ دا ژێدەرێ پیتا بنیاسیت هەتا بڤی رەنگی شیا ژێدەرێ هەمی پیتان بنیاسیت ب ڤی رەنگی هێلینێ دگەل مامۆستایا خۆ پەیوەندی ب زانکۆیێ ڤەکر و هەر گۆتنەکا مامۆستایا زانکۆیێ دگۆت: ئان سولیڤانێ ب کورتی لسەر دەستێ هێلینێ دنڤیسا و دەمێ دزڤرنە مال دا ئان سولیڤان پێداچونەکێ دگەل هێلینێ کەت و وانێت وێ رۆژێ هەمیا ب شێوازێ مجسم بۆ شرۆڤە کەت.
ب ڤێ چەندێ ئان سولیڤان بویە پارچەیەک ژ لەشێ هێلینێ و نەشیا بێ وێ بژیت و ب شکوداری ڤە گۆت: ئان سولیڤان شیا هەمی حەزێن من دناخێ مندا بنیاسیت و دەست نیشان بکەت و هشیار بکەت و وەرارێ پێ بدەت، پشتی ڤێ دەستکەفتا پیرۆز و زێرین و شکودار خاتین ئان سولیڤان فێری گرنگترین پرەنسیپێن فێرکرن و پەروەردەیا کۆرە و کەر و لالا.
بڤی رەنگی ب هەزاران کەس ژ ڤی کراسێ بێزاریێ رزگار کرن و پشکورین پەردا سەر هزاران دێمێن گریێ داگیر کری.
و لسالا 1936 خاتین ئان سولیڤان دچیتە بەردلۆڤانیا خودێ پشتی وێ نمونەیەکا شەنگ ب کەساتیا خۆ وەک ژنەکا ئارام کێش و بهێن فرەهه بۆ مرۆڤایەتیێ و هەمی ژنا پێشکێش کری.
بەرهەڤكرن: نورهان عەلی
ژێدەر:
کتێبا سەرهاتیێن شێرە ژنان ژ بەرهەڤکرنا: صادق عبدالخالق شوشي