کیفی ددان بەکاردێت بۆ جێگرتنەوەی و ڕوپۆشکردنی بەشی دەرەوەی( مینا) ی ئەو ددانانەی زیانیان پێگەیشتووە ، وە ماوەی مانەوەی 5-15 ساڵە ئەم کاتەش بەندە لەسەر ڕێژەی لێکخشاندن و داخورانی ددانەکە (wear-tear).
ھۆیەکانی بەکارھێنانی کیفی ددان
- جێگرتنەوەی ددانی لاواز و زیان پێگەیشتوو .
- بۆ زەردەخەنەیەکی جوانتر
- بۆ ڕووپۆشکردنی ددانی چاندراو
جۆرەکانی کیفی ددان چین؟
- زڕگۆن zircon crown : بە ئاماژەی ناوەکەیدا دیارە پێکھاتووە لە زڕگۆن کە بەرگەی پەستانی زۆر دەگرێت سەرەڕای تەنکیەکەی .
- سیرامیک Ceramic Crown : کە پێکھاتووە لە سیرامیک یاخود پۆرسیلەین( Porcelain) ، وە زۆرترین و باوترین جۆرەکانی مینای دەستکردە لە بەر گونجاوی ڕەنگەکەی .
- سیرامیک و کانزا Porcelain fused to metal : پێکھاتووە لە سیرامیک و جۆرێکی دیکەی کانزا ، نرخەکەی لە چاو جۆرەکەی پێشووتر Ceramic Crown ھەرزانترە بەڵام کێشەکەی ئەوەیە ڕووپۆشێکی جوان نادات بە ددانەکە یاخود بە شێوازێکی تر بەشی خوارەوەی ددانەکە کە کانزایە ڕەنگێکی مەیلەو ڕەشی ھەیە ، بەڵام دەتوانرێت ئەم ددانە بۆ دانەکانی بەشی پشتەوە (Posterior teeth) دابنرێت.
- ددانی ئاڵتونی Gold Crown : پێکدێت لە مس (Copper) و نیکڵ ( Nickle ), یەکێک لە سوودەکانی ئەم ددانە ئەوەیە کە زۆر بەھێزە بەڵام ئەم جۆرە زۆر بە کارنایەت تەنھا لەسەر داخوازی نەخۆش نەبێت بەھۆی گرانی نرخ و نەگونجانی ڕەنگەکەی.
- E - Max : پێکھاتووە لە دووانە سلیکاتی سۆدیۆم (Lithium disilicate) کە ڕەنگەکەی ھاوشێوەی ڕەنگی مینای ددانە .
بە ھیوای تەندروستیەکی باش
ئامادەکردن: دییە سەرکار احمد
dexterity medical organization