ستراتیژیێن هێلانا جگارەکێشانێ

کاریگەریێن فیزیایی یێن جگەرەکێشانێ لسەر لەشی

جگارەکێشان زیانێ دگەهینتە هەمی ئەندامین لەشی ب هەبوونا 7000 و زێدەتر ژ ماددەیێن کیمیایی، ژوان ژی 70 و پتر ماددەیێن پەنجەشێرێ نە.

کاریگەریێن ئێکسەر

نیکوتین د10 چرکەیاندا دگەهیتە دەماغی، دەردانا دوپامینی چالاك دکەت و دبیتە ئەگەرێ خۆشی و ئالودەبوونێ.
دوانە ئوکسیدی کاربون ب خانێن سورێن خۆینێ ڤە دهێنە گرێدان، گەهاندنا ئوکسجینی ب ڕێژەیا 50% کێمدکەت دماوەیێ 8 دەمژمێراندا.

ژناڤبرنا کوئەندامێن لەشی

کوئەندامێ هەناسێ: مویێن سیهان ژناڤدبەت ئەوێن کو بکارێ پاقژکرنێ ڕادبن، ئەڤەژی دبیتە ئەگەرێ پەیدابوونا بەلغەمی و دبیتە ئەگەرێ کوخکا دووم درێژ. ڕێژا توشبوونێ ب نەخۆشیا COPD زێدەدکەت (ب ڕێژا 50% ژ کەیسان پەیوەندی ب جگارەکێشانێ ڤە هەیە) و هەروەسا ڕێژا توشبوونێ ب پەنجەشێرا سیهان زێدەدکەت (ب ڕێژا 80-90% ژ کەیسان).
زڤڕۆکە کوئەندام: نیکوتین بوریێن خۆینێ دگریت، پەستانا خۆینێ و هەروەسا لێدانێن دلی زێدەدکەت. ناڤپووشێ خوینبەران ژناڤدبەت، کو دبیتە ئەگەرێ پەیدابوونا جەلتا دلی. ڕێژا توشبوونێ ب جەلتا مێشکی دووجار هند دکەت و جەلتا دلی سێجار هند دکەت.
کوئەندامێ بەرگریێ: بەرگریێ لاوازدکەت، توشبوونێ ب نەخۆشییان زێدەدکەت (نەخۆشیا سلە یا سیهان) و ساخبوونا برینان گیرودکەت.
کوئەندامێ زاوزێ: نێر: ژمارا سپێرمان کێم دکەت، مەترسیا لاوازیا ئەندامێ زاوزێ ب رێژەیا ٪50 زێدەدکەت. مێ: نەزوکیێ زێدەدکەت، زڤرۆکا هەیڤانە تێکدچیت، ئاریشەیێن دووگیانیێ.
ئەندامێن دی: پیست: پیست زیکا دقورمچیت ب هوکارێ کێمبوونا هڕکرنا خوینێ و تێکشکاندنا کولاجینی. چاڤ: دوو تا سێ جارا هند مەترسیا نەخۆشیا ئاڤا سپی یا چاڤی زێدەدبیت، و دبیتە ئەگەرێ تێکچوونا هندەك پێکهاتەیێن چاڤی. هەستی: چڕییاتی و بەرگریا هەستی کێم دکەت، مەترسیا توشبوون ب نەخۆشیێن هەستیان زێدەدکەت.

شێوازێن هێلانا جگارەکێشانێ و ڕێژەیێن سەرکەفتنێ

هاندان: چ پێنەڤێت داکو دکارەکیدا بسەرکەڤی یا پێدڤییە تە هاندەر هەبن و د ژینگەهەکا گۆنجایدا بژی، ئانکو هەولبدە ژ وان کەسان دوویر بکەڤی یێن کو جگارەکێش بن، و نەچیە وان جهان یێن جگارە لێ هەبن. هەولبدە زانینا خۆ زێدەبکەی دەربارەی مەترسیێن جگارەکێشانێ چونکی هندی پتر مەترسیا وێ بزانی دێ پتر ژێ دوویر بی. و هەروەسا بلا یا بەرچاڤبیت کو جگارەکێشان کارەکێ کرێت و بێ ڕەوشتییە و کەسێن دەورووبەر ژی تووش دکەت. ڤێجا ئەگەر گرنگیێ ب تەندروستیا خۆ نەدەی، تەندروستیا کەسێن دەورووبەر تێکنەدە.
ستراتیژیێن کاریگەر یێن جگارەهێلانێ: چارەسەریا تێکەل وەکی ڕاویژکاریا دەروونی و هندەك دەرمان وەکی Varenicline, Bupropion کو ئەڤەژی چار هند بەختێ سەرکەفتنێ زێدەدکەت. ئەڤە دبیتە هاریکار کو ئەڤێ دیاردەیا نەجوان ب شێوەیەکێ بلەز و ب تەمامی بهێلی.
جێگرێ نیکوتینی: ‌‌علك، لسقا نیکوتینی ئەوا بکاردئینن بۆ پیستی، هندەك دەرمان وەکی Lozenges کو ڕێژا هێلانێ دوو هند جاران زێدەدکەت.