لەوانەیە ڕۆژێک لە ڕۆژان ناوی مێننجایتس ( ھەوکردنی پەردەی دەوری مێشک و دڕکەپەتک )و بەرگوێ کەوتبێ بابزانین مێننجایتس چییە؟
نەخۆشی مێننجایتس بریتیە لە ھەوکردنی پەردەی پارێزەری دەوری مێشک و دڕکەپەتک کە ناسراوە بە مێنینجیس (meninges)
ئەکرێ توشی ھەر کەسێک بێت بەڵام زۆرترباوە لە مناڵان و گەنجان ئەم نەخۆشیە نەخۆشیەکی مەترسیدارە و پێویستی بە چارەسەری بە پەلە ھەیە چونکە ئەکرێ ببێتە ھۆی مردن.
لەنیشانەکانی ئەم نەخۆشیە:
- تا
- سەرئێشەی توند
- ھەستیاری بەرامبەر ڕووناکی
- سەرلێشێوان
- ھێڵنج و ڕشانەوە
- ماندووبوون.
- کەمبوونەوەی ئیشتیھای خواردن
چۆن ئەم نەخۆشیە ئەگوازرێتەوە:
ھۆکاری نەخۆشی مێنێنجایتز بەگشتی (بەکتریا ,ڤایرەس،کەڕوو)، بەکتریەکە کەمترە لەچاو ڤایرەسیەکە بەڵام ترسناکترە.
ڕێگاکانی گواستنەوە:
- پژمین
- کۆکە
- ماچکردن
- ھاوبەشیپێکردنی فڵچەی ددان و کەوچک و چەتاڵ جگەرە..
چارەسەری نەخۆشیەکە:
ئەوکەسانەی کە گومانی توشبوون بەم نەخۆشیەیان لێئەکرێت تاقیکردنەوەیان پێئەکرێت لە نەخۆشخانەیا بۆ دڵنیابوونەوە لە ئەگەرتوشبوونی بەم نەخۆشیەو ھەروەھا دیاریکردنی ھۆکارەکەی کە ڤایرەسیە یان بەکتریاییە.
چارەسەریەکان ئەمانە ئەگرنە خۆیان:
- پێدانی ئەنتیبایۆتیک
- پێدانی موغەزی
- پێدانی ئۆکسجین لەڕێگەی فەیس ماسک.
ئامادەکردنی: ماریا احمد محمد
dexterity medical organization