دوو ئەندامە شێوە فاسۆلیایەکەی جەستە چین؟ گورچیلە

گورچیلەکان دوو ئەندامی شێوە فاسۆڵیایین کە قەبارەیان بەقەد مشتەکۆڵەیەک دەبێت هەریەکەیان لەلایەکی بڕبڕەی پشتەوەن و دەکەونە بەشی پشتەوەی خوار قەفەزی سینگ.

*فرمانی گورچیلەکان بریتیە لە:

1.پاڵاوتنی خوێن و دەرکردنی پاشەڕۆکان بەشێوەی میز(لەهەر خولەکێک بەنزیکەیی نیو کوپ خوێن دەپاڵێون!).

2.ڕێکخستنی پەستانی خوێن و ڕێژەی ئاو و خوێیەکان لە جەستەدا.

3.بەرهەمهێنانی هۆڕمۆنی گرنگ لە ڕێکخستی فرمانە ئاساییەکانی جەستە.

*جیاوازی پشت ئێشە و ئازاری گورچیلەکان چییە؟

*ئازای گورچیلەکان لەقوڵایی پشتەوە هەستی پێدەکرێ و سەرووترە لەئازاری پشت.

بەپێچەوانەوە ئازاری پشت زیاتر لەبەشی خوارتری پشتەوە دەبێت.

*هۆکارەکانی ئازاری گورچیلە چین؟

1.بەردی گورچیلە.

2.هەوکردنی گورجیلە.

3.هەوکردنی بۆڕیەکانی میز.

4.کیسی گورچیلە.

5.زەبر و بەرکەوتنی دەرەکی.

6.شێرپەنجەی گورچیلە.

7.گیرانی خوێبەر یان خوێنهێنەرەکانی گورچیلە.

*لەگەڵ ئازاری گورچیلە ڕەنگە ئەم نیشانانە بەدەربکەون:

+ تالێهاتن و ڕشانەوە.

+ گۆڕانی ڕەنگی میز.

+ پەیدابوونی خوێن لەناو میز.

+ زۆر میزکردن و هەبوونی ئازار لەکاتی میزکردن.

+ هەستکردن بە نەساغی و بێهێزی.

* کێن ئەوانەی مەترسی تووشبوون بە کێشەکانی گورچیلەیان زیاترە؟

1. ئەوانەی نەخۆشی شەکرەیان هەیە.

2.پەستانی خوێنی بەرز.

3.ئەو تاکانەی باوانیان نەخۆشی گورچیلە هەیە.

4.قەڵەوی .

5.کەسانی بەتەمەن بەتایبەتی سەرووی 60 ساڵی.

6.شێوازی ژیانی ناتەندروست و خواردنی ناتەندروست.

*چۆن خۆم بپارێزم لە کێشەکانی گورجیلە؟

1. خواردنی تەندروست و تازە ،دورکەوتنەوە لە خواردنە سوێرەکان و ئەوانەش کە یوریک ئەسید زیاد ئەکەن.

2.ڕێکخستنی خەو و کۆنتڕۆڵکردنی کێشی جەستە.

3.دوورکەتنەوە لە خواردنە گازیەکان و چا و قاوە بەڕێژەیەکی زۆر.

4.دورکەتنەوە لە جگەرەکێشان و خواردنەوەی ماددە کهولیەکان.

بێوار جعفر

dexterity medical organization