ل ڤێ پاچە نڤیسینێ دێ 40 ناڤێت زاروکان یێت کوردی یێت کوران پێشکێشی هەوە کەین کو ژ پەرتووکا فەرهەنگا هیزار (ناڤێن کوردی) هاتینە وەرگرتن، کو ب پیتا ب دەسپێدکەن.
1. بابان: ناڤێ میرگەهەکا کوردان بوو، ناسناڤێ ئیبراهیم پاشا یێ میرێ بابانە، کو ئاڤاکەرێ باژێرێ سلێمانیێ بوو
2. باخەوان: باغڤان، باخچەڤان، وەرراز
3. بادین: بەهدین، بێهدین، دینێ باشتر، باشترین دین (مەبەست ژێ دینێ زەرەدەشتی یە)
4. بادینان: بێهدینان (ئەو کەسێن ئۆلێ وان باشترین ئۆل)
5. بارام: کوردیکرنا پەیڤا (بهرام) یا فارسی یە، ئانکو: سەرکەفتی. یێ ب جوانی و باشی هاتیە پەروەردەکرن.
6. بارزان: بەرزانی، بەرزایی، بلنداهی، بنەمالا مەلا مستەفا یێ بارزانی سەرکردە و بابێ روحی یێ مللەتێ کورد
7. بارۆڤ: بایێ ب هێز، بارانا کو بایەکێ بهێز دگەل دا بت
8. بازیان: جهێ کو بەرسینگێ وێ ڤەکری بت، ناڤێ جهەکی یە ل نێزیک باژێرێ سلێمانیێ
9. باژار: شار، باژێر، سویک، بازار، جهێ کڕین و فرۆتنێ
10. باستان: دێرین، کەڤن، کەڤنار
11. باشوور: ئێک ژ چوار سەمتانە(ژێری، خوارێ)
12. باڤی: باهیڤ، باهیو، یێ خەلکێ گوندێ باڤا بت
13. باڵا: بەژن، بەژن و بال، سەری، ژۆری
14. باڵندە: فڕندە
15. باڵوێز: بالیۆز، سەفیر
16. باوەر: بڕوا، ئیمان، کەرتک، سنورێ نێڤبەرا دو زەڤیان دا
17. بایەخ: پویتەپێکرن، گرنگی پێدان
18. بەختەوەر: بەختیار، خۆشبەخت
19. بەرەڤان: ناڤبژیڤان
20. بەروار: سەیرانگەها چیای، چوانترین پشک ژ دانگا چیای
21. بەرهەڤ: ئامادە، ل کار، کارکری، خوە خڕخوەش کری
22. بەرهنگار: بەرهەلستکار
23. بەسۆز: ژ نیڤا دلی، سۆزدار، خودان پەیمان
24. بەندی: دیل، ئێخسیر، گرتی، یێ خەلکێ گوندێ بەندا بت، کو گوندەکێ دۆسکیانە سەر ب پارێزگەها دهۆک ڤە
25. بەنگین: سالار، مەزن، بەختەوەر، گەنج، سنێلە، هەڤالێ مەمۆی بوو د چیرۆکا مەم و زینا ئەحمەدێ خانی دا
26. بەیار: زەڤیا نەکێلای، زەڤیا نەچاندی
27. براخاس: هەڤالێ ژیر و زانا
28. برادۆست: هەڤالێ ژ دل، ناڤێ هۆزەکا کوردانە، ناڤێ دەڤەرەکێ یە، ناڤێ چیایەکێ یە ل کوردستانا عیراقێ
29. بریکار: نوینەر، سپارتەدار، وەکیل
30. بریندار: زامدار، درب ڤێ کەتی، کەسێ کو لەشێ وی برین لێ هەبن، دلکول، کۆڤاندار، دلکەسەر
31. بزاڤ: بزاو، بزوتنەوە، جوڵانەوە، لڤین، هەولدان، تێکوشین، خەبات
32. بلند: بەرز، بالا
33. بۆتان: هۆزەکا کوردانە، دەڤەرەکە ل کوردستانا تورکیا (جزیرا بۆتان)، میرگەهەکا کەڤنا کوردان بوو، زاراڤەکێ زمانێ کوردییە
34. بیرباش: بیرپاک، بیرچاک، هزرپاقژ، هزرمەند
35. بیرکار: بیرمەند، هزرڤان، هزرمەند، بیرگەش، کەسێ کو کارێ وی کارەکێ هزری و مژویلاهی بت
36. بیرگەش، بیرمەند، بیرهات: هەمان رامان
37. بینەر: تەماشەڤان، مێزەکەر، کەسێ کو دبینت
38. بێزار: کەسێ کو خوە ژ کرنا کارێن کرێت بدەتە پاش، وەستیای، بێهێز
39. بێکەس: تنێ و بێ پشتەڤان، بێ خودان، بێ کەسوکار، ناسناڤێ هۆزانڤانئ ناڤدارێ کورد (فائق بێکەس)ە
40. بێوار: بێ جهـ، بێ وەلات