ئێکەمین رێک کو بشێ جیهانێ بگوهۆری پێدڤیە خۆ و هزرێن خۆ بگوهۆری، چونکە هەکە تو و هزرێن تە هاتنە گوهۆرین دێ بیتە ئەگەر کو کارتێکرنێ ل دەوروبەرێن تەژی بهێتە کرن، چونکە تو نەشێ کاتە چەوا دڤێت وەسا بیت، لەورا بزاڤێ نەکە جیهانێ بگوهۆری.
دهێتە گوتن: پاشایەک هەبوو؛ دەستهەلات ل دەولەتەکا گەلەک مەزن دکر، ڤی پاشایی ڤیا ب گەشتەکا پەیادە و درێژ ڕابیت، پاشای گەشتا خوە کر، لێ دەمێ زڤڕی هەستکر پێن وی یێن دئێشن، بەرێخوە دایێ پێن وی گەلەک یێن وەرمتین و ژبەر رێکێ و ئاسێیا وێ گەلەک یێن دئێشین.
پاشای فەرمانەکا شاهانە دەرئێخست،تێدا هاتبوو؛ دڤێت هەموو جادێن شاهنشینێ ب چەرمی بهێنە ڕائێخستن، دا کو جارەکا دی پێیێن وی نەوەرمن!!
لێ بابەت یێ ب زەحمەت بوو، چونکی نەیا ب ساناهی بوو هەموو شاهنشینێ ب چەرمێ ڕابئێخن، ل ڤێرێ وەزیرێ پاشای خودانێ مێشکێ هشیار، بوچونەکا دی هەبوو، ئینا گۆتە پاشایێ خوە: ئەزبەنی ما بۆچی تۆ پێیێن خوە ب تنێ چەرم ناکەی و باش گرێدەی؟ چونکی ئەڤە ب ساناهیترە.
ئەڤە ژی چیرۆکا نەعالا ئێکێ بوو د جیهانێدا!!
ژڤێ چیرۆکێ ئەز دێ پەندەکێ چنم. دەمێ جیهان یا بەرهەڤ نەبیت تۆ ل گەل بچی، بزاڤا گوهۆرینا سروشتێ وێ نەکە، چونکی ئەڤە کارەکێ ب ساناهی نینە، بەلکو شێوازێ خوە بگوهۆرە، لێ دەمێ گوهۆرین ل دەوروبەرێن تە ڕووبدەت ئەڤە یا دشیاندایە و پتر یا ب باندۆرە.
لێ دەمێ بزاڤا گوهۆرینا جیهانێ بکەی، تو داخوازێ ژێ بکەی ل گوری نەڕیتا تە بلڤیت ئەڤە تشتەکە ب دەست تەڤە ناهێت و تو نە شێی بکەی.
ڕافعی د پەرتووکا (وحی القلم) دا دبیژیت: (( ئەرێ ما مرۆڤ د ژیانێدا، نە وەکی پاپۆڕێیە د پێلین دەریایێدا؟!
ئەو هەکە پاپۆڕ بلند و نزم یان ژی خاربوو، ئەو نە ژ وێ ب تنێیە، بەلکو ژ ئەگەرێ ئەڤا ل دەوروبەرێن وێ یە. ڤێ پاپۆرێ چ یاسا ل دۆر ئەڤا ل دەوروبەرێن وێ دهێتە کرن نینن، لێ یاسایا وێ خوەڕاگری، هەڤسەنگی، ڕێکا خوەگرتن و قورتالبوونە. لەورا بلا مرۆڤ گازندان ژ دونیایێ و یاسایێن وێ نەکەت، بەلکو دڤێت خوە ب وەستینیت و حوکمی ل خوە بکەت)).
تۆ خودانێ ژیانا خوە و سەرکیشێ وێیی، بابەلیسک ژی ب فەرمانا مرۆڤەکێ ناهێن و بچن، دا کو ئێکێ ڕازی کەن، ئەو ئەم بخوەینە ئاراستێ پاپۆڕێ دیار دکەین، کابتنی شیرەت دکەین و ئاراستەیی د هەلبژێرین. ئەوێن پەیڤەک و شوون پێیەک د گوهۆڕینا هندەک ڕوودانێن ژیانێدا هەین، دەستهەلاتا وان ل دەستپێکێ یا خودێ بوو، هەتا کونترۆل ل سەر خوە کرین و هەموو دەروونێ خوە ئێخستیە بن دەستێ خوە و بەرێخوە دانە بازنەکێ بەرفرەهتر.. و بەرفرەهتر.
لێ تۆ رابی و هەڤرکیا جیهانێ بکەی، لێ بکیە قیژی، تە چەوا بڤێت یا وەسا بیت، ئەڤە ئاشوپە و وێرەکیەکە کو دبیت تۆ بهایێ وێ گران بدەی.
هندی ژیانا تە یا ڕەق و دژوار بیت، ل گەل بژی، لەعنەتا لێ نەکە و خەبەرا نەبێژێ. خوە بۆ ب دەستڤەئینانا هندەک تشتێن نوو مژوول نەکە، چونکی تشت ناهێتە گوهۆڕین، بەلکو ئەم بخوەینە دهێینە گوهۆڕین.
هەروەک هاتیە گوتن کو نە مروڤ و نە ژی چ کەسێن دی نەشێن جیهانێ ب تەڤایی بگوهۆڕن، چونکە گوهۆڕینا جیهانێ تشتەک ئاسایی نینە، لەورا پیدڤییە ئەم خۆ و مێشکێ خۆ و هزرا خۆ بگوهۆڕین بۆ وێ رێکا ئەم دچینێ ئەڤە یا درست و پیدڤییە.
نڤیسەر: ئامینا ابراهیم.
ژێدەر: کەریم شازلی (هزرێن بچویک بۆ ژیانەکا مەزن)