دیاردەیا درەنگ نڤستنێ چەندین کاریگەریێن نەرێنی لسەر ساخلەمیا لەشی و هەروەسا دەروونی هەنە. ب بورینا دەمی چێدبیت ببیتە ئەگەرێ زێدەبوونا فشارێن دەروونی، لاوازبوونا سیستەمێ بەرگری یێ لەشی، و هەروەسا نەخۆشیێن دووم درێژ وەکی نەخۆشیێن دلی و قەلەوی.
ئەگەرێن درەنگ نڤستنێ:
- ئامیرێن ئەلکترونی: ب کارئینانا موبایل و کومپیوتەر و تەلەفزیونان ل دەمێ درەنگێ شەڤێ نڤستنێ پاش دئێخیت، ئەو روناهیا ژ ڤان ئامیران دەردکەڤیت کارتێکرنێ ل بەرهەمئینانا هورمونێ میلاتونین دکەت، کو هورمونێ رێکخستنا خەوێ یە ودبیتە ئەگەر مروڤ ب زەحمەتر بشێت بنڤیت.
- فشارێن دەروونی: ترس و دوو دلی، خەم و عاجزی دبنە ئەگەر کو مروڤ ئارام نەبیت و بزەحمەت بنڤیت ددەمێ گونجای دا.
- کافاین و ماددێن هشیارکەر: ڤەخوارنێن کافاین و هشیارکەران ل دەمێ شەڤێ کارتێکرنێ ل شیانێن نڤستنێ دکەت ددەمەکێ گونجای دا.
دەمژمێر چەند بنڤین؟
دهێتە پێشنیارکرن کو ل دەمژمێر ١٠ی شەڤ هەتا ١١ێ شەڤ بنڤین، چونکی ب شێوەیەکێ سروشتی لەش ل ڤی دەمی تە ئامادە دکەت بۆ نڤستنێ.
رێکێن هاریکار بۆ زی نڤستنێ:
- هەولبدە ١٥ هەتا ٣٠ خولەکان بەری وەختێ نڤستنا خۆ بچیە سەر جهێ خۆ.
- هەولبدە روتینەکێ ئارام بخۆ دروست بکە بەری نڤستنێ ل شینا ب کارئینانا ئامیرێن ئەلکترونی، بۆ نموونە کردارا هەناسەکرنا کویر بۆ چەند جارەکان دووبارە بکە، ئەڤەژی وەدکەت لەشێ تە پتر ئارام بیت و زیتر بنڤی و هەروەسا خواندنا پەرتووکان ژی هاریکارە ژ بۆ زی نڤستنێ.
- ژ روناهیێ دویر بکەڤە بەری نڤستنێ، ب کێماتی دەمژمێرەکێ بەری نڤستنێ چ روناهیا بکارنەئینە، ئەڤەژی وەدکەت لەشێ تە هورمونێ میلاتونین بەرهەمبینیت و لەشێ تە ئامادە بکەت بۆ نڤستنێ.
- چالاکی و راهێنانێن روژێ دبنە هاریکار زیتر بنڤی ب شەڤ، ئەڤجا هەولبدە یێ چالاك بە لدەمێ روژێ.
و ل دوماهیێ ئەگەر تو ئێك ژ وان کەسان بی کو گرنگیێ ب ساخلەمیا خۆ ددەی، یا گرنگە خەوا خۆ رێکبێخی و تە نڤستنەکا تەندروست هەبیت چونکی درەنگ نڤستن دبیتە ئەگەرێ چەندین نەخۆشیێن مەترسیدار ل سەر ژیانا تە، هەلبژارتن یا تەیە.
"خۆ پاراستن باشترە ژ چارەسەریێ"
نڤیسەر: هێما کامیران
ژێدەر:
Why We Sleep" by Matthew Walker
"The Sleep Revolution" by Arianna Huffington
"Sleep Smarter" by Shawn Stevenson
"The Sleep Solution" by W. Chris Winter