زۆر ژ قوتابیان دەمێ دەست ب خواندنێ دکەن هەست ب ئارەزوویەکا زۆر دکەن بۆ خەوێ، تەنانەت ئەگەر پێشتر هەست ب ماندیبوونێ نەکربیت. ئەڤ ڕوویدانا بێزارکەر دبیتە هۆکارێ ئاڵۆزکرنا پرۆسەیا فێربوونێ. بەلێ هۆکارێ ئەڤێ چییە؟ کومەك ژ ئەگەرێن جوراوجور هەنە ژوانژی ئەگەرێن بایولوجی و ئەگەرێن ژینگەهی.
هندەك ژ وان ئەگەران:-
- ماندیبوونا دەروونی و بارگرانیا شیانێن مێشکی
خواندنێ هەولەکا مێشکی یا زۆر دڤێت کو دبیتە هۆکارێ ماندیبوونا مێشکی. تەکەزا درێژخایەن سەرچاوەیێن زانینێ یێن مێشکی بەتاڵ دکەت و دبیتە هۆکارێ ماندیبوونا دەروونی. ب هەمان شێوەیێ ماسولکەیان، مێشک پشتی بکارهێنانەکا درێژخایەن ماندی دبیت و دبیتە هۆکاری خاڤبوون و خەوێ وەك ئامرازەك بۆ دووبارە بهێزبوونێ.
- بابەتێن بێزارکەر
ئەگەر بابەت یێ سەرنجڕاکێش نەبیت یان دووبارە بیت، دبیت مێشکێ تە تەکەزا خۆ ژدەست بدەت و ببیتە هۆکار کو هەست ب خەوێ بکەی. تاکڕەویا ئاستێ دۆپامینی کێم دکەت، کو دەمارە ڤەگوهێزەرەکە پەیوەندی ب هاندان و هۆشیاریێ ڤە هەیە، د ئەنجامدا دێ هەست ب خەوێ کەی.
- خرابیا کوالێتیا نڤستنێ یان کێمخەوی
ئەگەر بشەڤ بێهنڤەدانا پێویست وەرنەگری، جەستەیێ تە دێ لدویڤ خەوێدا گەریێت دڕوژێدا بتایبەتی لدەمێ چالاکییێن کێم وزە وەك خواندنێ یان ئامادەبوون د وانەیاندا. تەنانەت کێمخەوی ژی دبیتە هۆکار کو ئاستەنگ پەیداببن دخواندنێدا.
- چالاکیێن جەستەیی یێن کێم
ڕوینشتن بۆ ماوەیەکێ درێژ زڤڕوکا خوینێ و چوونا ئۆکسجینێ بۆ مێشکی کێم دکەت. نەچالاکبوون دبیتە هۆکارێ هەست کرنێ ب سستیێ و چالاکبوون هۆشیاریێ زێدەدکەت.
- ژینگەهەکا زۆر گەرم و ئارام
خواندن ل جهەکێ زۆر گەرم وەك کورسیا نەرم، ڕووناهیا کێم، یان ژوورەکا گەرم دشێت مێشکێ تە بخاپینیت بۆ گرێدانا ئەڤێ ژینگەهێ ب خەوێ ل شوینا تەکەزکرنێ.
- کێم ڤەخوارنا ئاڤێ یان خۆراکێن خراب
مێشکی پێویستی ب ئاڤ و خۆراکێ ب مفا و پێدڤی هەیە بۆ هندێ کو ب باشترین شێوە کار بکەت. ژدەستدانا دانێن خوارنێ، خوارنا کاربۆهیدراتێن زۆر یان ڤەخوارنا کێم یا ئاڤێ دبیتە هۆکارێ ماندیبوونێ.
دێ چەوا هشیار مینی ددەمێ خواندنێدا؟
- - بێهنڤەدانێن کورت وەربگرە(5 هەتا 10 خولەکان ددەمژمێرەکێدا)
- - جهێ خواندنێ بگوهورە
- - ئاڤێ بەردەوام ڤەخو و خوارنێن سڤك و ساخلەم بخو
- - تەکنیکێن چالاك یێن فێربوونێ بکاربینە وەك (پوختەکرن، وێنەکێشانا هێلکارییان، خواندن ب دەنگێ بلند)
- - بشەڤ باش بنڤە (7 هەتا 9 دەمژمێران بۆ پتریا کەسان)
- - وەرزشێن کورت ئەنجامبدە (پیاسە)
دەرەنجام:
خاڤبوون و خەو ددەمێ خواندنێدا بوویە ئاریشەیەکا بەردەوام یا خوێندکاران. داکو ژئەڤێ ئاریشەیێ ڕزگاربی یا پێدڤیە هندەك تەکنیکێن خواندنێ یێن چالاك بکاربینی وەك نڤیسینا تێبینی و خالێن گرنگ یانژی بکارئینانا قەلەمێن ڕەنگاو ڕەنگ وهەروەسا نەخشەکێشان و دروستکرنا هێلکاریان. یا گرنگە ساخلەمیا لەشێ خۆ و خەوا خۆ بەرچاڤ وەربگری.
نڤیسین: هێما کامیران
ژێدەر: (1)