نھێنێ ببینە (یاسایا ڕاكێشانێ).دژیانا خودا ب كاربینە دێ ژیانەكا خۆش دگەل بورینی.
فێربوون و زانین ڤێ نھێنیێ تو دشیێ
ھەر كارەكی بكەی نەیا گرنگە تو كی بی؟و ل كیڤە دژی؟
یا گرنگ تەكنیك و ڕاھێنان و بەردەوامی بوون ڤێ پەرتووكێ دا گرنگن ئەگەر ئەم درستاھی تێبگەھین ئەم دشێن مفایەكێ باش ل ژیانا خۆدا بكەین و كار پێ بكەین.
بەرییا حەفت سالا بۆ ئیكەم جار من ئەڤ پەرتووكە خوند ئەز ھنگی ھند تێنەگەھشتم ڤێ نھێنیێ چەوایە و چەوا كارێ خۆ دكەت لێ پشتی بۆ جارەكا دی من خواندی بۆمن دیاربوو گەلەك ڕاوێژكار و ڕاھێنەرێن بوارێ گەشەسەندنا كەساتێ دا و كەسین خۆدان كارین مەزن ئەڤان تەكنیك و ڕاھینان ئەنجام ددەن لەورا من فەر ددیت ھووین ژی ژ ڤێ چەندێ بێ بەھر نەبن.
- دێ كورتی باس ھندەك یاساین وێ كەم
یاسایا ڕاكێشانێ دبێژیت:ھــــــەر تـــشەك تشـــتێ وەكی خو ڕادكـــێشیت،ئانكو ئەرێ تە جارەكێ ھزر د تشتەكێ نەخۆش دا كریە كو تە چەند ھزر د وی تشتی دا كربیت پتر پێ نەخۆش ببی؟
ئەركێ مە وەك مروڤ ئەوە ھەردەم ھزر د وی تشتی دا بكەین یێ مە دڤێت ، ژیانا تەیا نوكە رەنگڤەدانا ھزروبیرێن بەرێ یە، وان ھەمی ھزروبێرین گرنگ یان نە گرنگ ڤەدگرن.
چونكی ھزروبیرێن مروڤی دبنە ڕاستی.
ئەگەر تە بڤێت ھەر تشتەكی ژیانا خودا ب گوھوری..كەنال و فوركانس و شەپولا ھزرێن خو بگوھرە.
ئەگەرێ سەرەكی یێ دەستڤەنەئینانا خەلكی بو تشتێ وان دڤێت:ئەو پتر ھزر د وی تشتی دا دكەن یێ وان نەڤیان بو ھەی ژ وی تشتێ وان دڤێت،لەوما بلا تە ئاگەھـــ ژ ھزرێن خو ھەبیت، و گوھـــ ل وان پەیڤان بگرە یێن ھەردەم د سەرێ تەدا دووبارە دبن،ژبەر كو یاسایا ڕاكێشانێ ھەردەم وی تشتی بجھ دئینت یێ تو ھزر تێدا دكەی،فێجا چ ئەو ھزر د باشبن یان ژی د خراب بن،یاسایەكا سروشتیە یا بێ لایەنە باشێ و خرابێ نزانیت بەلكو دێ ھزرێن تە وەرگریت.
ڕۆژانە مروڤ نێزیكی شێست ھزار ھزران دكەت،ئەفجا بزانە كونترولكرنا ڤان شێست ھزار ھزران چەندا ب زەحمەتە،بەلێ ل ڤێرێ ڕێكەكا ب سەناھی یا ھەی ئەوژی كونترولكرنا ھـــەستانە،ژبەر كو ھەستێن مە شیانا ددەنە مە ھەتا بزانین ئەم ھزر د چ دا دكەین،ھەست گرنگترین ئامیرن ھاریكاریا تە بكەن بو پێكئینانا ژیانا تە لەوما تو نەشیێ پاش گوھـــ بھاڤێژی ،ھزرو بێرین تە ئەگەرێ سەرەكی یێن ھەر تشتەكی نە،ھەمی تشتێ تو جیھانێ دا بینی دەرئەنجامێ ھەستێن تەنە ھزرو بیرێن تە ئەگەرێن بەردەوامن بو ھەر تشتەكی.
ھەست دیاردێن سەیرن ژبەركو دەرفەتێ ددەنە مە بزانین ھزر چ دا بكەین،دەما ھەستەكێ نەخۆش بوتە پەیدا بیت ھەستین تە ھەر زیكا دبێژنە تە ھزر دێ چ دا كەی وەك دەما گوھـــ ل دەنگوباسەكێ نەخۆش دبیت ل وی دەمی دێ دلێ تە زیكا لێدەت، لەوما دڤێت ھەر نوكە تو ئاگەھداری ھەست و ھزرێن خوبی و خو دگەل بگونجینی،چونكی ئەڤە ب لەزترین ڕێكە تو بزانی كا تو ھزر چ دا دكەی.
ھەست و ھزر و بیرێن تە دشێن ژیانا تە سەر و ژنوی دروستبكەنەڤە.
دونیـــا یا ژ ھـــزركرنێ پێكھاتی.ئەم نە ب تنێ چارەنڤیسێ خو بەلكو چارەنڤیسێ جیھانێ ژی دروست دكەین.
كورتكرن بەرھەڤكرن:ھـــەلز سمیر