هەژی ئاماژێیە کۆ ڕاوێژکاریيا تاکەکەسی ئێکە ژ رێکێن ل ڕاوێژکاریێدا، ڕاوێژکاری شێوازەکێ گرنگە ل گۆهرینا ڕەفتار و دەروونێ تاکی، واتە دۆخی، پسپۆڕێن بوارێ ڕاوێژکاریيا تاکەکەسی دهێنە بکارئینان ل گەلەک حاڵەتێن تاکەکەسیدا کۆ بەرنگاری دبییت.
هەروەسا هاریکاریکرنا تاکەکەسان ل دەمێ پرۆسەیا ڕاوێژکاریێدا دهێتە ئەنجامدان ل قوتابخانێ یان فەرمانگەها وى ب خۆ، یان ب وێ رامانێ کۆ ڕێنمایکرنا ئێک ژ نەخوشێن دەروونى یە ب شێوەکێ روبەروو د ئێک دەمدا، و هەروەسا کاریگەریيا وێ ب شێوەیەکێ سەرەکی گرێدایە ب پەیوەندیێن ڕاوێژکاری و پیشەیی دناڤبەرا ڕاوێژکاری و ئەوکەسێ دهێتە ڕاوێژکرن، ب واتەیا هندێ پەیوەندییەکا پلان بۆ داڕێژتی دناڤبەرا ئەوان دوو لایەنێن کۆ ژ چوارچوڤەیێ واقیع و ل ژێر ڕۆشناهیا نیشانان و ل سنوورێ کەسایەتی و دەرکەفتان رویددەتن و گەشەدکەت، ڕاوێژکاریا تاکەکەسی لوتکەیا پرۆسەیا ڕاوێژکاریێ یە.
ڕاوێژکاریا تاکەکەسی:
ڕاوێژکاریا تاکەکەسی ئێکە ژ شێوازێن ڕاوێژکاریا دەروونناسی کۆ ل سەر بنەمایێن پەیوەندیا دناڤبەرا ڕاوێژکارێ دەروونناسی و ڕاوێژکرى ب مەبەستا هندێ پێشکێشکرنا خزمەتگوزاریێن ڕاوێژکاری ل دەمێ روینشتنێن ڕاوێژکاریدا، هەروەسا پێتڤی ب تەرکیزەکا تایبەت و نهێنی تەمامەتی هەیە، هەروەسا دەرفەتەک ددەتە ڕاوێژکاری کۆ ئاریشەیێن خۆ بئێخیتە بەرچاڤ.
تایبەتمەندیێن ڕاوێژکاریا تاکەکەسی:
هەژی گۆتنێ یە کۆ ڕاوێژکاریا تاکەکەسی وەک هەر ڕاوێژکاریەکا دیتر هندەک سالۆخەت هەنە ئەڤێن خوارێ ژ گرنگترین سالۆخەتێن ڕاوێژکاریا تاکەکەسی نە:
- روینشتن ل ڕاوێژکاریا تاکەکەسیدا د ناڤبەرا ٤٥-٥٥ خولەکاندایە.
- تەرکیزکرن ل سەر ئێک کەسە، کۆ ئێک ڕێبەر هەیە.
- کارلێککرن ل ڕاوێژکاریا تاکەکەسیدا د ناڤبەرا دوو لایاندایا.
- ڕاوێژکاریا تاکەکەسی ب ئاخفتنێن نهێنی ب تەمامی دهێتە نیاسین.
- ئاخافتنکرن ل سەر ئاریشێ ل ڕاوێژکاریا تاکەکەسیدا یا کویرە.
- ل پرۆسەیا ڕاوێژکاریا تاکەکەسی دویڤچوون یا ب ساناهیە.
ئەرکێن ڕاوێژکاریا تاکەکەسی:
هەژیە بێژین کۆ دشیاندایە ئەرکێن سەرەکی یێن ڕاوێژکاریا تاکەکەسی بڤی شێوێن خوارێ بهێتە کورتکرن:
- داڕشتنا پلانا کارکرنێ یا گونجای.
- لێکدانا کێشەیان.
- ئاڵوگۆڕیا زانیاریان دناڤبەرا ڕاوێژکاری و کەسێ ڕاوێژ دگەل دهێتەکرن و لڤاندنا نافخۆی یا نەخۆشی.
گرنگترین مفایێن ڕاوێژکاریا تاکەکەسی:
هەروەسا زێدەباری هەبوونا گەلەک مفایان د ڕاوێژکاریا تاکەکەسی دا، لێ بەلێ ئەم دشێین ئەڤێن خوارێ ژ گرنگترین خالێن مفایێن ڕاوێژکاریا تاکەکەسی بدەینە نیاسین:
- پێتڤیە ل سەر بنەمایێ پەیوەندییەکا پیشەیی یا باش و بهێز بیت د ناڤبەرا ڕاوێژکاران و ئەو کەسێ ڕاوێژ گەل دهێتە کرن.
- پێتڤیە پێشوەخت پلان بۆ بهێتە دانان نەک ب ڕێکەفت.
- چارەسەریا کێشێ دڤێت ل خودان ئاریشان بهێتە سەرچاوە گرتن واتە خودانێ کەسێ نەخۆشێ دەروونی نەک ئەو ڕاوێژکارێ کۆ بئێخیتە بەرچاڤ.
- پێتڤیە زانیاری و داتایێن کەسێ نەخۆشێ دەروونی ژلایێ ڕاوێژکارێ کەسي نەخۆش ژ بۆ چاولفپێکەفتا تاکەکەسی بهێتە کۆمکرن و بهێتە ئامادەکرن.
- لڤاندنا پاڵدەرێن ڕاهێنەری، و ڕوونکرنا ئاریشەیان، و داڕشتنا پلانێن کارکرنێ یێن گونجای.
- ڕاوێژکارێ دەروونی هاریکاریا کەسێ نەخۆش دکەتن بۆ دانانا ئارمانجێن تایبەت بۆ کارکرنێ بۆ بدەستڤەئینانا ب رێکا پرۆسا ڕاوێژکاری.
- ڕاوێژکاریا تاکەکەسی و چارەسەریا دەروونی دەرفەتەکێ ددەتە کەسێ نەخۆشێ دەروونی بۆ هندێ لگەڵ ڕاوێژکارێ دەروونی ئاخفتنێ بکەت ل سەر هندەک ژ ئاریشێن کەسی کۆ بۆ وی گرانە ب تەنێ بەرنگار ببیتن.
- هەروەسا هاریکاریا کەسێ نەخۆش دکەت کۆ ل ژێر ڕۆشناهیا پەیوەندییەکا پیشەیی کۆ ب ئەخلاق و بناغە زانستی و پیشەی ب ڕێڤەدچیت، و بەحس ل وان سەختییان یان ئاریشەیان و گرفتان بکەتن کۆ بەرنگار دبیتن.
کەیسێن بکارئینانا ڕاوێژکاریا تاکەکەسی:
هەژی گوتنێ یە کۆ ئەو حاڵەتێن ئاریشە هەین کۆ زۆربەیا وان تاکەکەسی و گەلەک تایبەتن. هەروەسا ئەو کەیسێن کۆ دشیاندانینە ب رێکا ڕاوێژکاریا گڕوپانڤە یا ب کۆم ب شێوەیەکێ کارتێکرنەکا ب مفا و سەرەدەری دگەلدا بهێتە کرن
ڕێکارێن ڕاوێژکاریا تاکەکەسی:
هەژی ئاماژێیە کۆ ڕاوێژکاریا تاکەکەسی دهێتە نیاسین ل بکارئینانەکا کریاری یا هەمی ڕێکارێن پرۆسەیا ڕاوێژکاری، کۆ دڤێت ڕاوێژکار لێ تێبگەهیت، ل ئێکەم چاڤپێکەفتنێ دا دەست پێدکەت حەتا تەمامبوون و بدویڤچوونا پرۆسەیا ڕاوێژکاری.
شێوازێن ڕاوێژکاریا تاکەکەسی:
هەروەسا پرۆسەیا ڕاوێژکاریا تاکەکەسی ل دیف ئەوان شێوازێن کۆ هاتینە بکارئینان جێوازن، گرنگترین ژوان بریتینە ل:
- ڕاوێژکاریا ڕاستەوخۆ: ئەڤ شێوازێ ڕاوێژکاریێ سەرنجێ دئێخیتە سەر ئاریشا کەسێ نەخوش و زێدەتر سەرەدەریێ لگەڵ لایەنێن دەروونی یێن ئاریشان دکەت، نەک لایەنێن سۆزداری، ڕاوێژکار ڕۆڵێ ئەرێنی و چالاک دگێریت، ڕۆڵ هەیە و بەرپرسیارێتیا تەمام ل ستۆ یێ خۆ دگریت ل ڕاوێژکاریێدا.
- ڕاوێژکاریا نەڕاستەوخۆ: ئەڤ جۆرێ ڕاوێژکارییێ یێ گرێدایە ب ڕاوێژکار و شیانێن گەشەکرن و باشتربوون و بدەتسئینانا خۆی، ئەگەر ڕاوێژکار مفا ژ شیانێن ل بەردەست وەربگریت، دشێتن بخۆ ئاریشا خۆ چارەسەر بکەت، بەروڤاژی، تاکەکەس پێتڤی ب کەسەکێیە کۆ پاڵنەرەک بیت بۆ تێگەهشتن و پشتبەستن شیانێن وی، ئەڤەژی ب رێکا دامەزراندنا پەیوەندییەکا کیرە د ناڤبەرا ڕاوێژکار و کەسێ ڕاوێژ دگەل دهێتەکرن، کۆ دناڤبەرا وان ڕێز و هەڤبەش سۆزداری و هاندان هەیە، کارلێک و تێگەهشتن دوور ژ بانگەواز و ئامۆژگاری و دەرێخستنا حوکمێ تاوانبارکرنێ یان تۆمەتبارکرنێ بۆ هندێ ڕاوێژکار بشێتن هەستێن خۆ دەربێخیت و ب ڕوونی ئاخفتنێ ل سەر ئاریشێ بکەت و ب ئازادیا خۆ بگەهیتە چارەسەریا گونجای بۆ، بەرهندێ ڕاوێژکار چ چارەسەرێن ئامادەکری پێشکێش ناکەت.
نڤیسین: ايمان احمد عبوش
ژێدەر:
- التوجيه والإرشاد النفسي - للدكتور / حامد عبدالسلام زهران .
- محاضرات مادة التوجيه والإرشاد - للإستاذ الفاضل / عبدالرحمن درباش.
- التوجيه والارشاد النفسي - للدكتورة / سهير كامل .
- إيمان العتوم. الارشاد النفسي من خلال الارشاد الفردي. .2021 ,11 يونيو. https://e3arabi.com/educational-sciences 5
- دكتور/ أحمد زغبي. غیر محدد. تقنيات الارشاد الفردي. 2019