بابەتەکێ گرنگ و بھێزە د کومەڵناسی و مافێ مروڤی دا ژبەرکو کاریگەریەکا درێژخایەن لسەر گەشەیا زاروکی ھەیە ژلایێ دەروونی و جەستەی ڤە سەرەرای ڤێ پێشكەڤتنا ئەم تێدا دژین ھێشتا توندوتیژی ژ لایێ خێزانێ وجڤاکی ڤە لسەر زاروکان بەردەوامە
خێزان و زاروك:
ھەر خێزانەكێ دا ژینگەھەكا جیاواز ھەیە و كاودان باردوخێن جودا ھەنە.زاروك د خێزانێ دا ڕولێ خۆ نابینیت و ھەست ب ئارامێ و دلخۆشیا ڕاستەقینە ناكەت ئەگەر قوتان و توندوتیژی ڕاستا وان دا بھێتە كرن ل جھێ ھندێ كو ئاموژگاری و سەرەدەریەكا ساخلەم و جوان دگەل دا بھیتە كرن و ئاگەھداركرن ل سەر تشتێن نەدروست ب شێوازەكێ ئارام و جوان،چونكی زارووك توشی ھەلچوون و جورێن كەساتێ دبن تورەبوون،نەبونا ھەستێ بەرپرسیارەتێ،گازندە ژخۆ كرن،ڤالاھین سوزداری ھتد... ل جھێ ھندێ كو خێزان بیتە پاڵدەرێ سەرەكی ژ بو ئاڤاكرنا زاروكی و شیان و بەھرەین وی،وێ.
ماموستا و پەروەردەكار دگەل زارووكی:
ڕولێ ماموستای ڕولەكێ ھەری گرنگە دناڤ جڤاكی دا ،ئەركێ ماموستای نە بتنێ فێركرنە بەلكو پەروەردەكرنا جڤاكەكێ ساخلەم و خودان ھزرە. ل دەمێ زاروك وانەیەكێ تێنەگەھیت یان نمرەكا كێمتر بەت یان ڕەفتارەكا بێ ئاگەھـــ بكەت ،نابیت ماموستا توندوتیژێ دگەل بكاربینت چونكی ئەڤە دبیتە ئەگەر كو زاروك ھەست ب زولمێ دكەت و بیت دەستا ژ خاندنێ بەردەت و نەڤیانێ ژ خواندگەھێ ڕاكەت،و بیتە كەسەكێ لاواز و ترسنوك و شەرمین دناڤ جڤاكی دا.
گروپێن توندرەو د جڤاكی دا:
ھندەك كەس و گروپ ھەنە كو ڕولێ وان ئەوە زاروكان دكەنە نیچیرا خۆ بۆ ھەر مەرەمەكا تایبەت ب كاردئینن ژوانا ژی بۆ مەبەستێن،ڕەڤاندنا زاروكان،كرین و فروتنا زاروكان،خازخازوكی،كاركرن ژبۆ مەبەستین نەیاسای،دەستدڕێژی كرن ل سەر زارووكی. ھتد... زاروك پاشەروژا مللەتانە و ئاڤاكرنا نفشەكێ نویە ژ بۆ پاشەڕوژێ.
ئەرێ تو وەك تاكە كەس داھاتوێ ڤان زاروكان ل كیژ قوناغێ دا دبینی؟
نڤیسین: ھـــەلز سمیر