شروڤا تابلويێ کلاسيک ( تابلويێ موناليزا جيوکندا)

• ژ لايێ هونەرمەندێ ئيتالی ليوناردو داڤنشی ڤە هاتيە چێکرن . 
• د سالا 1503 - 1505  کێشايە هند ژی دبێژن تا سالا 1507 کێشايە ، 77 × 53 cm قەبارە . 

ب ڕەنگێن زەيتی هاتيە چێکرن نها د موزەخانەيا لوڤەرێ دا پاريس هاتيە پاراستن ئەڤ تابلويە ئێکە ژ وان تابلويێن ناڤدارێن جيهانی ، سرا گرنژين و خەمگينيا سەر روويێ موناليزايێ ديار دکەت . 

- هەروەسا هندەک رەخنەگر دبێژن :- 

سەروچاڤێن ژن و مێرەکی تێکەلکرينە و دبيت لايەک داڤنشی ب خو بيت و لايێ دی موناليزا . ئەڤ ژنە هەڤژينا بازرگانەکێ ناڤدارێ ئيتالی بوو ، خەلکێ بندقيە ( ڤينيسيا ) ناڤێ وی فرانسيسکو جيوکندو موناليزا حەز ژێ نەدکر . بەری وی ئەڤيندارا زەلامەکێ دی بوو ، لەوما لايەکێ خەمگينيێ ل سەر روويێ وێ ديارە و لايێ دی دبێژن دەما ليوناردوی رەسم دکر ، کەسەکێ کوميدی و ياريکەر ل بەرسنگی دراما دکر دا گرنژين ل سەر روويێ موناليزايێ پەيدا ببيت . ژبەر وێ ژی گرنژينەکا ب کوتەک و خەمگينيێ روويێ وێ داپوشيە . باوگراند ژ ديمەنەکێ سروشتی پێک دهێت ، جارا ئێکێ يە هونەرمەندەکێ وەک داڤنشی شێوەيێ سروشتی وەک خو رەسم دکەت دەرڤەی باوەريێن دێرا کاتوليکی . ژبەر وێ ژی داڤنشی دبيتە ئێک ژ سەرکێشين سەرهلدانێ رێنايسانسێ ل ئيتاليا . هەروەسا تا نها ئەڤ تابلويە ئێکەم تابلويە د ديروکا هونەرێ شێوەکاری دا خودان باندور و ب هزاران لێکولين ل سەر هاتينە کرن . تا نها ژی بەردەوامە بهايێ ڤێ تابلوی سنورێن بازاری بەزاندينە تا گەهشتيە 600 مليون دولاران و چەند جارا بزاڤا دزينا وی و کوپيکرنا وی هاتيە کرن ، لێ سەرنەگرتيە و بەردەوام ژی مافيا و بازارێن ڤی تابلوی دبەردەوامن .

نڤيسەر :- ئيمان خالد