زێدەگاڤی د بەراوردكرنێدا، ئێكە ژ ئەتاكێتێن زمانڤانی كو رۆهنكرن و كورتكرنێ بۆ ئاخفتنێ زێدەدكەت و ئاخفتنێ كاریگەرتر لێ دكەت. ل دەمێ بەراوردكرنا دوو تشتان یان زێدەتر، دشێین چەند رێكان بۆ دەربرینا جوداھیان بكاربینن. بەلێ بەراوردكرنا تاكەكەسی ئێكە ژ سادەترین و دروسترین جۆرێن بەراوردكرنێ. ئەڤ شێوازە پشتبەستنێ لسەر بكارئینانا فۆرما راستەوخۆ دكەت، بێی كو پێدڤی ب بنیاتەكێ ئالۆز هەبیت. ل جهێ كو بێژین (ئەڤ چیرۆكە سەرەنجراكێشترە ژ وێ چیرۆكا دی)، دشێین بێژین (ئەڤ چیرۆكە سەرەنجراكێشترە) و بڤی شێوەی رستە كورتر و رونتر بوو، بێ كو رامانا خۆ ژ دەست بدەت.
گرنگیا بەراوردكرنێ ل شیانێن گەهاندنا هزران دایە بشێوەیەكێ بلەز و ب رۆنی پەیڤان كورت دكەت و ئالۆزیا زمانڤانی كێمدكەت، ئەڤە ژی وەدكەت كو یا گونجای بیت ژبۆ بكارئینانا وێ د نڤیسانێن ئەدەبی و رۆژنامەڤانی دا، هەتا كو ل دانوستاندنێن رۆژانە ژی دا. زێدەبەراوردكرنە ئەو یا كو ئەم دبینن ب رۆنی ل شعران و گۆتارێن بهێز دا كو پشتبەستنێ ب كورتكرنا دەربرینان دبەستیت.
بۆ نموونە هەگەر بەراوردكرنێ دناڤبەرا دوو باژێران دا بكەین و بێژین (هەولێر ژ دهوكێ مەزنترە)، لێ بەلێ ل دەمێ زێدەگاڤی دبەراوردكرنێ دا دشێین بتنێ بێژین (هەولێر مەزنترە)، كو هێشتا رستێ رامانا خۆ یا تەمام پاراست، لێ بشێوەیەكێ راستەوخۆتر. ئەڤ شێوازە نە بتنێ هەر رستەیەكا بوو كورت دكەت، بەلكو جۆرە تەئكیدیەكێ ژی ددەتە رستێ، هەر وەك كو ئاخفتنكەر بهەمیڤە پشتراستە كو هەولێر مەزنترە بێی كو پێدڤی ب رۆنكرنێن پتر بیت. گەلەك جاران بكارئینانا بەراوردیان هەلبژاردنەكا زمانڤانی یا زیرەكانەیە، ژبەر كو وەدكەت كو تێكست ب ساناهی بهێتە گۆتن و شیانان ب ئاخفتنكەری دبەخشیت كو بلەز دەربرینێ ژ خۆ بكەت بێی ئالۆزی.
و ل دوماهیێ، هەرچەندە دبیت زێدە بەراوردكرن وەك تەكنیكەكا زێدە بهێتە بەرچاڤ، بەلێ بشێوەیەكێ ستراتیجی بكاردهێت بۆ گەهاندنا هزران بشێوەیەكێ بهێز و كاریگەر.
نورھان عەلی
ژێدە:
1- “العقل الباطن” (The Power of Your Subconscious Mind) من تأليف جوزيف مورفي