گەندەلی ئەو نەخوشیە یە کو حەتا نوکە چەندین دربێن مەزن و کوژەك ل وەلاتان داینە و دهەمی بیاڤان دا تایبەت ئابووری و کارگێری ، ل وەلاتێن جیهانا سیێ واتە دەولەتێن نوکەدا گەندەلی دگەل پێشکەفتنا سیستەمێن جیهانی و ئەلکترونی پێشدکەڤیت . گەندەلی ئێکە ژوان دیاردەیێن وەلاتێن کو بەهرا پتریا وەلاتێن جیهانێ دهێنە دیتن ب تایبەت وەلاتێ عیراقێ ، و هەروەسا بوویە نەخوشیەکا بەربەلاڤ دڤی وەلاتی دا ژبەرهندێ رێژا هەژاریێ و بێکاریێ د بلندبوونێ دایە و ئالوزیێن دارایی و ئابووری روژ ب روژ بەرەف پێشدچن . واتەیا پوخت ژبوو گەندەلیێ خولادان ژ رێکا راست و تێکدانا هەڤسەنگییا کارکرنێ ل دام و دەزگەهان دا ، و هەروەسا دژی چاکسازی و پاکسازیێ یە .
تێگەهێ گەندەلیا کارگێری :-
کەسەك پوستێ خو بکاربینیت ژبو ئەنجامدانا کار و پێدڤیێن خو یان کەسەکێ یان کومەکا کەسان بوی مەرجی کەسێ بەرامبەر کوژمەکێ پارەی یان بەرتیلەکێ بدەتێ . و هەروەسا بهندێ ژی دهێنە پێناسەکرن کو کەسەك درست کارێ خو ئەنجام نەدەت و لدیف یاسایا کاری نەچیت ، هەروەسا گەندەلیا کارگێری پشتبەستنێ نادانیتە سەر پلەیا کاری بەلکو دانیتە سەر سروشتێ وی کەسی ئەڤێ ب کارێ گەندەلیێ رادبیت و ئەڤە بهندێ ڤە یا گرێدایە کو کەسێ دەولەتێ پارەی وەرگریت بەرامبەر کارێ کری .
تایبەتمەندیێن گەندەلیا کارگێری :
- رێز ل یاسایا کاری نەگریتن .
- کاری دروست و بشێوەیەکێ پێتڤی ئەنجام نەدەت .
- فەرمانبەر ، ئەو کەسێ تشتەکێ بدەستخوڤەبینیت ب رێکا گەندەلیێ .
- ئەڤ جورە گەندەلییە بشێوەیەکێ نهێنی و بەرزە دهێتەکرن .
ئەگەرێن بەلاڤبوونا گەندەلیا کارگێری ل عیراقێ ؟
- دانا پلە و پوستان بو کەسێن نەژهەژی .
- داکەفتنا روولێ راگەهاندنێ د دیفچوون و ئازراندنا بابەتێن گەندەلیا کارکرنێ.
- هەڤدژیێن ئایینی و مەزهەبی و نەتەوەیی.
- نەبوونا شەفافیەتێ و دیفچوونێ.
- هەڤرکیێن ناڤخووی.
رێکارێن بەرهنگاربوونا گەندەلیا کارگێری ل عیراقێ چنە ؟
- کەسەکێ ژهەژی پلە و پوستی وەربگریت .
- خەلاتکرنا هەر کەسی یێ کو بزانیت گەندەلیا یا د دەزگەهەکێ دەولەتێ دا هەیە .
- دانانا یاسایێن توند و دژوار دژێ گەندەلیێ و بەلاڤکرنا ناڤێ وی د هەمی دەزگەهێن راگەهاندنێ دا .
- رولێ راگەهاندنێ دڤێت یێ بهێزبیت ژبو بابەتێن گەندەلیێ و بەردەوام بابەتان لسەر گوتوبێژ بکەت .
 |
| نڤیسەر: دیندار سەرگەلی |