هەستکرن ب باوەری بخوبوونێ پشکەکا هەرە گرنگە د ژیانا هەر مروڤەکی دا ژبەرکو ئەوە دبیتە ئەگەر مروڤ بشێت خو بگونجینیت دگەل هەر کاودانەکێ دهێتە بەر سینگێ مروڤی و سەرکەفتنێ بدەست خوڤەبینیت، بەلێ بەروڤاژی ئەڤێ چەندێ ژی ئەگەر باوەری بخوبوون نەمینیت ب درێژاهیا ژیانا خو مروڤ دێ هەست ب کێماسیێ کەت و نەشیت چ کاران ب سەرکەفتیانە ئەنجام بدەت، ژ شێواز و رێك و رێنمایێن دەروونی یێن گرنگ بو بدەستڤەئینانا باوەری بخوبوونێ ئەڤ خالێن ل خوارێ نە:
1.ئاماژێ ب لایەنێن خو یێن باش بدە.
2.هەستێ (خو لاواز دیتن) د خودا ب گوهورە.
3.خو ژ مروڤێن گرژ و مون دویر بێخە.
4.باشترین هەڤال بە بو خو.
5.بوچوونێن خو یێن رەشبین ب گوهورە.
6.بەرێ خو بدە بەراهیا خو و هاڤریان بو پشت خو ڤەنەدە.
7.بەشەکی ژ دەمێ خو بو خو تەرخان بکە.
8.ئەوا پێدڤی و گرنگ ئەنجام بدە.
9.ڤێ پرسیارێ ژ خو بکە (ئەرێ ب راستی گرنگە؟).
10.بکە کەنی داکو دونیا لگەل تە بکەتە کەنی.
11.فێربە تە هەبونا خو هەبیت.
12.بێژە هندەك کەسان کو ئەو چەند جهێ رێز و سوپاسیێ نە بو تە.
13.لومەی خو نەکە.
14.تێکەلیا کەسێن سەرکەفتی بکە.
15.هاریکاریا کەسێ بەرامبەر بکە.
16.لدویڤ ئەزمونێن نوی دا هەرە.
17.پەیوەندیا لگەل سروشتی چێبکە.
18.دەمێن خو رێك بێخە.
19.هەست و دەروونێ خو بەردەوام تاقی بکە.
20.پەیڤا هەوڵدان بدانە جهێ پەیڤا ئاستەنگ.
21.لڤین و چالاکیێن وەرزشی ئەنجام بدە.
22.پلانا کارکرنا خو بنڤێسە.
23.دگەل خو یێ راستگوبە.
24.هەر دەمێ تە بڤێت بێژە نەخێر.
25.هەست ب گونەهباریێ نەکە.
26.هەر ژ ئەڤرو دەست پێبکە و ئارمانجان بو بدەستڤەئینانا باوەری بخوبوونێ و خەونێن خو بجهبینە.
و دێ گوتارا خو ب گوتنا دوو کەسایەتیێن ناڤدار ب دوماهی ئینم، (ثیودور روزڤێلت) دبێژیت(ئەگەر تە باوەری ئینا کو تو دشێی کارەکی ئەنجام بدەی، ئەو تە نیڤەکا رێکێ بوراند)، هەروەسا (والت دیزنی) دبێژیت(ئەم دشێین هەمی خەونێن خو ب دەستڤە بینین ئەگەر مە باوەری هەبیت کو دشێین ڤی کاری بکەین).
نڤیسەر:دنیا لقمان
ژێدەر:mental health ،نزار عصمت على