کۆبوونەوەی ئاو لە سیەکان چیە ؟

حاڵەتێکە کە تێیدا ئاو لە ناو سیەکان کۆدەبێتەوە، بەمەش دەبێتە هۆی هەناسەتەنگی، دەبێت زووچارەسەر بکرێت و سەردانی دکتۆر بکەیت.

نیشانەکانی بریتین لە:

1.هەناسەتەنگی کە زیاد دەبێت لەکاتی چاڵاکی یان پاڵکەوتن.

2.ڕاپەرین لەخەو بەهۆی تەنگبوونی هەناسەوە.

3.کۆخە کە بەڵغەم یان بەدەگمەن خوێنی لەگەڵدا دەبێت.

4.هەناسەبڕکێ و خیزەی هەناسە.

5.پێستی سارد و شێدار دەبێت.

6.هەستکردن بە قەلەقی و ماندووێتی.

7.شینبوونەوەی لێوەکان.

8.خێرا لێدانی دڵ.

9.ئاوسانی قاچەکان(ئەگەر درێژە بخایەنێت).

هۆکارەکانی :

ئەم حاڵەتە دەکرێ پەیوەندی بە نەخۆشیەکانی دڵەوە هەبێت یاخود بەهۆی ژەهراوی بوون بەدەرمان یان کێشەکانی گورچیلە یان زیان بەرکەوتن بە سیەکان و چەند هۆیەکی دیکەش ڕوودەدات.

زیانەکانی کۆبوونەوەی ئاو لە سییەکان:

+ قورسی لە هەناسەدان.

+ زیادبوونی پەستانی خوێن.

+ ئاوسانی قاچەکان و پێیەکان و سک.

+ هەڵاوسانی جگەر.

ڕێگریکردن لەم حاڵەتە:

کۆنتڕۆڵ کردنی نەخۆشیەکانی دڵ و گورچیلەکان و ڕێکخستنی شێوازی ژیان بەشێوەی تەندروست .

بۆ نموونە کەم کردنەوەی ئەو هۆکارانەی دەبنە هۆی تووشبوون بە نەخۆشیەکانی دڵ لە ڕێگەی کۆنتڕۆڵکردنی کۆڵستڕۆڵ و پەستانی خوێن، گرتنەبەری ئەم ڕێگایانە بۆ خۆپاراستن:

1.خواردنی ئەو خواردنانەی کە چەوریان کەمە و پڕۆتینی هەمەجۆریان تێدایە و خواردنی سەوزە و میوە.

2.کۆنتڕۆڵکردنی کێشی جەستە.

3. ئەنجامدانی چاڵاکی تەندروستانە.

4.دوورکەوتنەوە لە جگەرەکێشان.

5.کۆنتڕۆڵکردنی ڕێژەی خوێ و دوورکەتنەوە لە خواردنەوە کهۆلیەکان.

6.دووربوون لە خەمۆکی.

ئاماددەکردن: بێوار جعفر

dexterity medical organization