شیانێن نەرم هندەک تایبەتمەندیێن کەسایەتیێنە کو شیانێت کەسی بۆ سەرەدەری کرنێ دگەل دەوروبەرا باشتر لێ دکەن. ل ناڤ جهێ کاری دا، شیانێن نەرم دبنە تمامکەر بۆ شیانێن ڕەق کو شیانێت کاری و پێزانینێن کاری بخۆڤە دگرن. شیانێت نەرم ب ژیرییا هەستیاری دهێنە پیڤان، و ل ناڤ ژیانا کاری و سیکێ دا، ئەو کەسێن کو هەردوو شیان هەبن، یێن گرێدای ب کارێ وان ڤە، و یێن گرێدای ب ژیرییا هەستیاری و شیانێن نەرم، دەرفەتەکا مەزن تر هەیە کو ل کارێ خۆ سەرکەفتی بن.
شیانێن نەرم چنە؟
گەلەک کەسێن خۆدان کار ئەوێن ل کارمەندا دگەرن سەحدکەنە وان کەسا یێن کو شیانێن وانا یێت نەرم باش بن. بۆ نموونە گەلەک خودان کاە دبیت ل هندەک کارمەندێن زیرەک بگەرن یێن کو دشێن کاری ددەمی دا تمام کەن و گیرو نەکەن. هندەک خودان کار یێت دی ل کارمەندێن هوسا دگەرن کو شیانێن دانوستاندنێ و پەیوەندیکرنێ یێن باش هەبن. ل دەمێ کارمەند دگەل کڕیارەکێ دئاخڤن، ئەو کارمەندێن شیانێن وان یێن نەرم باش بن، دشێن ب رێکەکا جوان تر بەرهەمێ کومپانیا خۆ پێشکێشی کڕیاران بکەن. شیانەکێ دی یێ گرنگ ژی ئەوە شیانێت چاڤدێرییا باش بۆ کارمەندێن بچیک تر و گەشەسەندنا شیانێن وانا.
هەر وەسا کەسێن دبنە پێشەنگ ناڤ کارێ خو دا و دبنە رێبەرێن کومپانیا خۆ، بێ گومان شیانێن نەرم یێن بهێز تر پێدڤی دبن. پێدڤییە شیانێن گوتار گوتنێ هەبن، هەر وەسا شیانێن گوهلێبوونێ کو بشێن د کارمەندێن بن خۆ دا بگەهن، و رێبەر و سەرۆکێن کومپانیێن دی ژی بگەهن.
شیانێن نەرم و شیانێن ڕەق:
کارمەند شیانێن ڕەق ب رێکا خاندنێ، و راهێنان، و واستیانا کەسی ب دەست خۆڤە دئینن. شیانێن ڕەق ئەون یێن کو دشیان دا بهێنە پیڤان و پێدڤی یە کارمەند تێدا سەرکەفتی بیت دا کو بشێت کارێ خۆ و رۆلێ خۆ بجهـ بینیت. خودان کار ئەگەر ئەزموونەکێ فەرمی ب کارمەندا بکەن بەری بهێنە وەرگرتن ل کاری دێ ب شیانێن ڕەق ڤە هێنە کرن. شیانێن ڕەق هەر کەسەک دشێت فێربیت و خۆ تێدا شارەزا کەت تنێ دگەل بورینا دەمی، لێ شیانێن نەرم پیچەک زەحمەت ترن کەسەک ب دەستخۆڤە بینیت و دهێنە گهورین دگەل دەمی. بۆ نموونە، ئەو شیانێن نەرم یێت کو نوژدارەک پێدڤی دبیت وەک هەڤسوزیێ، تێگەهشتن ب نەساخی، گوهلێبوون، ئەڤە هەمی ئەو شیانن یێن کو ب رێکا خاندنێ زەحمەتە ب دەست ڤە بهێن. لێ وەک زانستێ پزیشکی، وەک زانستێ پێکهاتەیێن لەشی و کۆئەندام و فەرمانێت هەر پارچەکا لەشی، ئەڤە هەمی ب رێکا خاندنێ و دگەل دەمی ساناهی یە هەر کەسەک ب دەستڤە بینیت.
هندەک ژ شیانێت نەرم یێن پێدڤی بۆ هەر کارەکێ:
شیانێن کارکرن دگەل تیما و هەڤکارییا ئێک و دوو، شیانێت ب دوماهیک ئینانا کاری ب شێوەکێ نموونەیی و ل سەر دەمێ خۆ، شیانێن گوهداری کرنێ، شیانێن خۆ پێشئیخستنێ و فێربوونێ، شیانێت چارەسەکرنا کێشەیان، شیانێن پەیوەندی کرنێ، رێکخستنا دەمی، و گەلەک شیانێن دی یێن نەرم هەنە…
چ بکەم دا شیانێن خۆ یێن نەرم پێشبێخم؟
خۆ فێربکە گوهداری کرنێ، ب رێکا گوهدارییا هەڤال و هەڤبەشێت خۆ ب جوانی و بێ راوەستاندن وهەولدانا تێگەهشتنێ ب ئاخفتنا وانا. هەر وەسا دەمێ خۆ رێک بێخە ب رێکا دانانا فەراتیێ و هندەک ئارمانجێت بەرئاقل بۆ هەر دەمەکێ. دگەل پرۆژەیێن ب کوم پشکدربە، و کاە دگەل تیما بکە دا کو شیانێن پەیوەندی کرنێ و رێڤەبرنا پرۆژەیان باشتر لێ بهێت. هەر وەسا ل راهێنانێن شیانێن گوتار گوتنێ وشیانێن دی پشکدار بە.
ل دوماهیکێ ژی، دبیت بۆ هەمی کەسا یا ساناهی یە شیانێن ڕەق هەبن، لێ شیانێن نەرم ژی گرنگییا خۆ هەیە بۆ هەر کارەکێ. دبیت یا ساناهی نەبیت ڤان شیانان بدەست خۆڤە بینی، لێ هەر چاوا بیت دگەل پراکیزەکرنا ڤان شیانان د ژیانێ دا باشتر لێ دهێن. ژبەر هندێ ژی، هندی بشیێ کار ل سەر چێکرنا دەرفەتان بۆ پێشڤەبرنا ڤان شیانان بکە. سوپاس بۆ خاندنێ و هیڤیا مفای.
نڤیسەر: أحمد مصطفى
ژێدەر: (1)