ئەرێنی بوون و بەختەوەری و گەشبینی ئەو تشتن یێن مروڤ هەمی لێ دگەرن ، دەمێ توو هزرا خوبكەی باشە ئەڤ لێگەڕیانا ئەز دكەم دێ بەختەوەریێ پێ بینم ؟ بەلكی ببینی و بەلكی نە ؟!بەختەوەری :ئەو هەستەیێ كو بەری توو كارەكی بكەی توو دناڤ خودا هەست ب خوشیەكا نە سروشتی بكەی ، و دەمێ وی كاری ئەنجام بدەی پتر هەست ب خوشیەكێ و ئارامیەكا دەروونی بكەی و پشتی بدوماهیك د هێت ژی ئەڤ خوشیە و ئارامیە بوو تە د مینیت .
ئەز دێ چەند پرسیارا ژ تە كەم توو بەرسڤا خو بدە !
ئەرێ توو !!
دوماهیك جار كەنگی بوو توو دگەل خێزانا خۆ ڕینشتی و تە ئەو كەیف خوش كرین ؟
دوماهیك جار كەنگی بوو تە ڕۆژا خۆ گوهارتی ئانكو كارەكێ نوی كربیت ؟
دوماهیك جار كەنگی بوو تە پەیوەندی ب هەڤاڵەكێ خۆ یێ كەڤن كربیت ؟
دوماهیك جار كەنگی بوو تە پەیوەندیەكا نوی دگەل كەسەك ی/ێ گرێدابیت ئانكو (كەسەك ژنوی نیاسیبیت) ؟
دوماهیك جار كەنگی بوو تە سەرەدانا نیاسێن خو كربیت بێی ئاریشەك یان نەخوشیەك ب سەری هاتبیت ؟
دوماهیك جار كەنگی بوو تە هاریكاریا كەسەكی كربیت یان تە ئێك ژ تەنگاڤیەكێ ڕزگار كربیت ؟
بەرسڤا ڤان پرسیاران بڕاستی بدە و هزرا خۆ تێدا بكە كا ئەڤ كارێن هەنێ مروڤی بەختەوەر دكەن یان نە ؟
مانە مروڤێن ئەرێنی پێدڤیە یێ بەختەوەربیت دا بشێت یێ ئەرێنی بیت ؟
ئەو كارێن دڤان پرسیاراندا من ژ تە كرین ب سانەهیترین كارن كو د شیانێن هەر كەسەكی دا هەیە ڤان كاران بكەت ، ئەگەر توو ڤان كارا دكەی هەوڵ بدە پتر لێ بكە دێ پتر بەختەوەر و پتر ئەرێنی بی ، و هەڵبدە خو ژ كەسێن ڕەشبین و نەرێنی دویربكە چونكی كارتێكرنێ ل مروڤی دكەن و هێزا مروڤی یا ئەرێنێ دكوژن .
ئەگەر توو ڤان كاران ناكەی ، دەسپێبكە و هێدی هێدی ڤان كاران زێدە بكە .
هندەك ڕێكێن دی دبیت پتر دگەل كەسایەتیا تە ب گونجن .
- خەو : هەوڵبدە خەوا خو دروستبكە ب شەڤ چەند زویتر بنڤی باشترە و سپێدەهیا زوی ڕابی داسیستەمێ بەرگریا لەشێ تە و گەشەكرنا هزر و جەستەیێ تە كارێ خو بكەت و دێ سڤكتر و چاڵاكتر بی
- خوارنا ساخلەم : هەوڵبدە خوارنەكا ساخلەم بخو هندی بشێی خو ژ خوارنێن بلەز یێن خوارنگەهان دویر بێخە چونكی هەمی زەیت و چەورینە ، هەوڵ بدە زەڕزەواتی و فێقی و ماسیان و خوارنێن ب مفا و پاقژ بخو ._
- وەرزش كرن : هەوڵبدە ڕوژانە ب كێماهی ڕوژێ نیڤ دەمژمێرێ وەرزشێ بكە ، یان حەفتیێ سێ ڕۆژان هەر چ وەرزش بیت .
- گوهدانا موزیكێ :گوهدانا موزیكێن خوش بكە بلا بوو دەمێن كێم ژی بیت ئەگەر تە دەم نەبیت وان موزیكێن توو حەز ژێ دكەی یێن مێشكێ تە پێ ڤەدبیت توو هەست پێ بكەی هێزەكا ئەرێنی ددەتە تە ._
- گوهوڕینا ڕوژانێت خو: هەوڵ بدە ڕوژانێن تە هەمی وەكی ئێك نەبن گوڕانكاریا تێدا بكە بوو نموونە هەمی ڕوژا ئێڤاری د چیە بازاڕی ، ئەڤێ جارێ ل وی دەمی نە چە ، یان هەمی ڕوژا د ئێك ڕێك ڕا دچی ڤێ جارێ ڕێكا خۆ بگوهوڕە ._
ئەڤە هەمی ڕێكێن ب سانەهی نە و یێن ژیانێ نە ، كونتڕول یا ددەستێن تە دا تە بڤێت ژیانەكا خوش ببەیە سەری و كەسەكێ بەختەور بی ئەڤ ڕێكە و گەلەك ڕێكێن دی ژی یێن هەین تە بەختەوەر كەن دبیت توو بخۆ بزانی چونكی توو پتر د كەساتیا خۆ دا یێ شاڕەزای.
بەختەوەری ئەو نینە تە چ ئاریشە نەبن ، بەختەوەری ئەوە دەمێ ب زانی چەوا دێ سەرەدەریێ دگەل ئاریشێ كەی ، چونكی ئەگەر توو ل هیڤیێ بی هەتا ئاریشە هەمی خڵاس بن ،چ جارا خڵاس نابن و ئەگەر بۆ گریمان بێژین تە چ ئاریشە نەمان ، توو دێ بخۆ ل ئاریشا گەری ، ئێك ژ وان دێ بێژی بوچی من چ ئاریشە نینن ، چونكی مروڤ یێ هوسایە د بنیات دا یێ فێرە یێ هاتیە ڤێ ژیانێ ئاریشە هەبن و مروڤ چارەسەركەت چونكی چارەسەركرنا ئاریشان مروڤی بەختەوەر دكەت و بهێز دكەت .
ساخ و سڵامەت و دەروون تەندروست بن
نڤیسەر: دەروونناس : فرهاد حسین
ژێدەر
- ژێدەرێن ئینگلیزی :
- • “The Happiness Hypothesis” من تأليف Jonathan Haidt.
- • “Stumbling on Happiness” من تأليف Daniel Gilbert.
- ژێدەرێن عەرەبی :
- - "الفرح من الداخل" لـ مارتن سيليغمان.
- - "قوة الآن" لـ إكهارت تول.
- - "كيف تكون سعيدا" لـ سونيا ليوبوميرسكي.