پسیارەک کو ئەز ژ گەلەک نەخۆشێن خۆ دکەم ئەوژی : (ئەو چ تشتە ل دەربارەی مرنێ تە دترسینت ؟)
بەرسڤێن جوراوجور دیڤرا دهێت ژلایێ نەخۆشان ڤە کو گەلە جاران دبیتە هاریکار بۆ کریارا چارەسەریێ .
بەرسڤا جولیای(نمونەک ژوان بەرسڤان): هەمی ئەو تشتێن من نەکرینە . ل ڤێرێ ئاماژە ب تشتەکی دهێتە کرن کو گرنگیا خۆ هەیە لدەف هەمی ئەوێن هزرا خۆ دمرنێ دا دکەن یان توشی دوخەکێ ژ ترس و دوودلیێ دبن لبەرامبەر مرنێ و بدیماهیک هاتنا ژیانێ : پەیوەندییا ئەرێنی یا ترس ژ مرنێ و هەستێ هەبوونا ژیانەکا نەژیای .
ب دەربڕینەکادی ، هەرچەند ژیانە تەیا نەژیای زێدەتر بت دێ ترس و نیگەرانی یاتە لهەمبەر مرنێ پتر بت ، یان هندی تو نەشیابی ب شکلەکێ کامل تەجروبا حەیاتا خۆ بکەی دێ ترساتە پتر بت ژمرنێ .
نیچەی ئەڤ چەندە د دوو دێران دا کورت کرییە (ژیانا خۆ تمام و کامل بکە ) وشنی ( د گاڤ و دەمێ خۆدا بمرە ) .
هەمان ئەو تشتێ زۆربایێ یونانی لسەر پێداگر بوو ب گوتنا (ژبلی قەلعەکا هەرفتی و ڤالا چ بۆ مرنێ نەهێلە )
لڤێرێ مەبەست پێ قەرارا مرنێ نینە چونکە ئەو نە ددەستێ مرۆڤی دایە لێ پتر ئامادەبوون و تێریی و بەرهەڤییە بۆ مرنێ ب ئەکتیڤ کرنا ئیرادەی بۆ تەجروبەکرنا ژیانێ ب کاملی ڤە و دیڤچوونا چارەنڤیسێ یە بێ خەمساری و لادان . ب وێ مەعنایێ مرن دوماهیک کارەک بت کو لسەر تە ئەرک بت تو ئەزموون بکەی . وەکی سارتەر ل دوماهیکا ژیانا خۆ دبێژت ( ئەڤە ئەز ل دیماهیک کارێ خۆ نێزیک دبم و ئەو بتنێ دێ مرۆڤەکێ مری دگەل خۆ بەت ).
"ئیرڤان یالۆم"دەروونپزیشکەکێ وجودیێ ئەمریکیە
نڤیسەر: محەمەد فەقێ
ژێدەر: staring at the sun book