سێ ڕێڕەوێن دبلۆماسی یێن گرنگ و چارەنڤیسساز بۆ ڕۆژهەڵاتا ناڤین د ئێک دەم دا د لڤینێ دانە، د دەمەکێ دا سەرۆکێ ئەمریکا دونالد ترامب راگەهاند کو پێشڤەچوون د هەر ئێک ژ وان دا هاتیە کرن. ترامب ڕۆژا سێشەمبی دێ گەهیتە ئەنقەرە بۆ پشکداریکرنێ د لوتکەیا هەڤپەیمانیا باکوورێ ئەتڵەسی (ناتۆ) دا، و سێ مەلەف دگەل وی هەنە : ئێران، لوبنان، و سووریا. چ ژ وان هێشتا نەهاتینە ئێکلاکرن، بەلێ هەمی د ناڤ بزاڤ و لڤینێ دانە.
دانوستاندن دگەل ئێرانێ هێشتا نەگەهشتینە مەلەفێ ئەتۆمی، کو ئەو ژی پرسا هەرە گرنگە. هەروەسا دەربارەی چارچۆڤەیێ تێگەهشتنێ یێ تایبەت ب لوبنانێ ڤە، ڕاپۆرتان دیار کر کو تنێ سێ رۆژان پشتی راگەهاندنا وێ، هاتیە هەژمارتن کو "نەیێ جێبەجێکرنێ یە". ل لایێ دی، دبیت کۆمبوونا ترامب دگەل سەرۆکێ سووریایێ ئەحمەد شەرعی ل ڕۆژا چارشەمبێ، گرنگترین دیدارا دوقۆلی بیت د ڤێ حەفتیێ دا.
هەروەسا هەر د ڤێ حەفتیێ دا : ڤەکۆلینەکا تایبەت و ب تنێ یا (MBN) دەربارەی مەزنترین کەمپینا دژە-گەندەڵیێ ل عێراقێ ژ سالا 2003 وەرە، و ئەو دانپێدان ب خۆ یا کو هەمی تشت ژێ دەستپێکری، دگەل دەستبەسەرداگرتنا مۆڵک و داراییێن کو بهایێ وان ژ 250 ملیۆن دۆلاران زێدەترە.
هەروەسا هەر د ڤێ حەفتیێ دا : ڤەکۆلینەکا تایبەت و ب تنێ یا (MBN) دەربارەی مەزنترین کەمپینا دژە-گەندەڵیێ ل عێراقێ ژ سالا 2003 وەرە، و ئەو دانپێدان ب خۆ یا کو هەمی تشت ژێ دەستپێکری، دگەل دەستبەسەرداگرتنا مۆڵک و داراییێن کو بهایێ وان ژ 250 ملیۆن دۆلاران زێدەترە.
هەروەسا، ڕێورەسمێن برنا تەرمێ ڕێبەرێ بلند یێ ئیرانێ عەلی خامنەئی ڕۆژا چوارشەمبی دێ د ناڤ ئاخا عێراقێ ڕا دەرباز بن، د دەمەکێ هەستیار دا کو بەری سەرەدانا چاڤەڕێکری یا سەرۆک وەزیرێن عێراقێ عەلی ئەلزەیدی یە بۆ واشنتۆن.
نڤیسین: دیندار سەرگەلی