چ تشت نەهاتینە بو خراب کرن و زیان ڤێ کەفتنا مە هەکەر مە بخو دەست دگەل دا نەبن، ژبلی قەدەرا خودێ نڤیسای مەرەما من نە ئەوە بەلێ تو دشێی چەندین تشتێ دژیانا تەدا هەتا نوکە ریدای هزرا خو تێدا بکەی کا ئایا تە دەست دگەل دا هەبویە یان نە، خو دسەردا نەبە ب بهانەیا من دەم نەبو یان خودێ حەسنەکر راستە ئەگەر خودێ حەسنەکەت هندی ئەم بزاڤا بکەین ناچێبیت بەلێ تە هەمی هێزا خو و هندی ژتە هاتی تە هێزا خو دایە کاری دوبارە یان هەما تو رابویە ڤە و پێ تە هلنگفت و تە گوت ئاها نێ من دزانی ئەڤە نە رسقێ منە بومن چی نابیت یان دلێ من دگوتە من، تەماشە بکە کەس هندی تە زیانێ ناگەهینتە تە، حەتا تە چەند رێگر ژی هەبن تو بریارێ د دەی کا ئەو چەند تە ب ئێشینن دەمەکی ئەگەر ئێکی رەفتارەکا نە جوان بەرامبەری من کربا دا ب روژا کەم و بێژم بوچی؟ بوچی ئەڤە دگەل من کر؟ ئەرێ ژ راستا ما ئەزا مستاهلی هندێ بوم ئەڤە بهێتە سەرێ من یان دگەل ڤێ بکەت؟ لێ نوکە مێشکێ من مەزن بو و تێگەهشت کو ئەز ئەزم و ئەوێن ڤان رەفتارا دکەن نە ئەزم و ئەو وەسا یێن فێربوین، واعی بون ئارامترین ژیانە دەمێ حەتا رادەیەکێ باش تو دگەهیێ و لدیڤ پێزانینێن من کەس دڤێ ژیانێ دا نینە کو ب تەمامی واعی ببیت ژبەر کو ژیان روژانە گەلەک جورێن نوی یێن بوار و سەربورا دئینتە هەبونی و مروڤ هند یێ بلەز نینە کو دهەر تشتەکی بگەهیت ب شێوازەکێ دروست، تو نوکە ئەوا/یێ ڤی بابەتی دخینی چ تەلەفون، لاپتوب، روژنامە یە، ئەرێ تە دەرفەت بخو دروست کریە بو خاندنا ڤی بابەتی یان هەما ئەو بخو هاتە بەر دەستێ تە و تە بابەت هەتا ڤێرێ خاند؟ ب هەروە نەبە ئەڤ دەمێ تە نوکە هەی دبیت تە سباهی نەبیتن، پارچەیەک ژ تێگەهشتنا پەرتوکا نارین موحەمەد "بڕیاردان سەرێن رێیان ڤەدکەت"، تو بریارێ د دەی کا خەلک و تو چەوا خو بینن ڤێ یاسایێ ژبیر نەکە.
نڤیسین: نارین موحەمەد