پێڤەگرێدان :نەخۆشییەكە گرێدای دەروونێ مروڤی یە گرێدایە جورێ ھزركرن و ھەستكرنا كەسی ڤە ژ جورێن وێ ین بەربەلاڤ (پـــێڤەگرێدان دناڤبەرا كەسەكی بۆ كەسەكی دا وەك دایكێ بۆ زارووكێ وێ،گرێدان مروڤی ب ئارمانجەكێ ڤە وەك خواندن،گرێدان كەسەكی گەل جھێ وی یان وەلاتێ وی وەك كەسەك ژ وەلاتێ خۆ دویربكەڤت) ھتد..
بـــوچی پێـــڤەگـــرێدان پـــەیدابیت؟
گەلەك فاكتەرێن ھەین كو ئەڤ كێشەیە دەڤ مروڤی پەیدابیت ژ وانا ژی كێشەین خێزانێ د پەروەردێ دا و جڤاكی و ئەو ژینگەھا تێدا مەزن دبن ئیك ئەگەرێن سەرەكی ئەوە ژ پەروەردا خەلەت دەمێ دخێزانەكێ دا زارووك مەزن بیت و ئەو زارووك گەلەك گرێدای بیت ب خێزانا خۆڤە ئەو زارووك دێ گەلەك ئاستەنگێن ژیانێ سەخت دا بۆریت ژبەر وی جورێ گرێدانێ ب خێزانا خۆڤە ھەی بیتە ئەگەرێ نە پێشكەفتنا وی زارووكی پاشەروژێ دا ،پتریا جاران سەرەدەریا نەدروست یا دایك بابا و پشتگوھاڤێتنا وان و نەگرنگی پێدان ژ لایەنێ ھەست و سوزا ڤە ئەو ڤالاھیا حەژێكرنێ پر نەكربیت تێر حەژێكرن و ڤیان و دلوڤانی پێشكیشی زارووكێن خۆ نەكربن دیڤ ئاستێ ھەڤسەنگیا وان پێدڤیا وان دابینەكربیت ئەو زارووك دێ توشی گەلەك گرفتێن جڤاكی بیت و
دەروونێ وی تێكچیت دێ بیتە كەسەكێ ترسنوك شەرمین خۆپەرست بێ ئارمانج بێ بەرپرسیارەتی و كەسەكێ لاواز پەیدا بیت،و بیت ئەو زارووكە پەنایێ بۆ ھندەك كەسێن خەلەت و ین ژ دەرڤە بەت و گرنگیا خۆ ژ خەلكی وەرگریت و بەردەوام دێ ژ دەرڤە ل حەژێكرنێ ئارامی ڤیانێ گەریت داكو ئەو بۆشاھیا ژیانا وی یا دەروونی پربیت.
ھندەك جاران ژی مروڤی پێڤەگرێدان ب ئارمانجەكێ ڤە ھەیە چ ئەو ئارمانج خاندن بیت یان پێكئینانا پروسا ھەڤژینێ بیت چونكی گەلەك ھزرا وی سەر ھندێ یە كادێ كەنگی ئەو ئارمانجە دەستڤەھێت ئیدی ناگەھیتە وێ ئارمانجا دروست یا ساخلەم یا وی دڤیت چونكی نابیت گەردوونی دا ئەم بھێنە گرێدان ب كەسان و چ تشتان ڤە ژبلی خودایێ مەزن و ڕحا خۆ،ھەر تشتەكێ ئەم دیڤ دكەینە غارێ ئەو تشت دێ ژ مە دیركەڤیت ھەر تشتەكێ ئەم ھەفسەنگێ بێخینێ ئەو تشت پتر دێ گەل ژیانا مە گونجیت.
ل دەمێ پێڤەگرێدانا كەسەكی ب جھەكی ڤە ھەبیت ئەو جھـــ وارێ وی بیت وەلاتێ وی بیت دەمێ پەنایێ بۆ ژ دەرڤەی وەلاتی بەت شوینا ئەو كەس ھزر و ھەستێن وی ھەمی ل وی وەلاتی جێگربن و پاشەروژا وی ھەمی وێرێ بیت ب تنێ ئەو وەك پەیكەرەك دێ دەرڤە ژیت و ھزر و ھەستێن وی ھەمی ل وەلاتی وی بن بوچی ؟چونكی ھێشتا وی پێڤەگرێدانا ھەی و ئەو بەنكێ ئێشانێ قەت نەكریە و چارەسەرنەكریە ئەو گرێدانەژی وەل مروڤی دكەت مروڤ گەلەك نەئارام بیت خۆشی ژیانا خۆ نابەت ژ بەر جورێ ھزركرنا وی و ھەستێن وی نەھەڤسەنگن و نەشێت نھادا بژیت ژبەر كو پێڤەگرێدان نەخۆشیەكا كوژەكە ئەگەر مروڤ خۆ ژ ڤێ بازنێ نەئینتە دەرێ دێ ھەر مینت وان بەرتەنگێن ژیانێ دا نەخاسمە توشی گەلەك گرفتێن دەروونی بیت و جەستەی.
ھنـــدەك ڕێكێن كـــورت ین چـــارەسەرێ:
- دەسنیشانكرنا دەمەكێ تایبەت بخو و دانانا ھندەك ئـــارمانجێن نوی ژیانا خۆدا.
- سنوردانان دنافبەرا تە و وی كەسی یان وی تشتێ تو پێڤە گریدای،بلا تە ھندەك تایبەتمەندی تە ھەبن گرێدای تەڤە.
- شكاندنا ڕوتینێ ڕۆژانە ھەر دەمەكی دا بلا تە ھزرەكا نوی ھەبت ھەر ڕۆژەك و داھێنانەك نوی ھزركا نوی دروست بكەی.
- پێدڤیە بیە ھاڤاڵ گەل ھەست و ھزرین خۆ پشتگونەھاڤێژی ھشیاری سەرەدەرێ گەل ھەر ئاستەنگەكێ دا بكەی.
- پێدڤیە خۆ قەبول بكەی و نوكەیا خۆدا بژی چونكی نوكە دەرفەتەكا نوی و وزەیەكا نویە چ كێشە تێدا نین
- سەردانا ڕاوێژكار یان تایبەتمەندی ڤی بواری دا بكە ،بەژداری كرن كورسان و سمیناران دا.
خـــودایێ مەزن ئـــەم ئـــازادی ب حـــەژیكرن ئـــیناینە دونیایێ ،ھەر كەسێ نافخۆیا خۆدا ھەست ب خۆیەتیا خۆ ئازادیا خۆ بكەت ئەو كەس دێ گەھیتە پلەیەكا بلند ژ حەژێكرنێ و ڕوحانیەتێ.
نـــڤیسین و پێداچوونكرن:ھـــەلـــز سمـــیر حجی