دکەل زێدەبونا ئالوزیا شەری دناڤبەرا ئیران و ئیسرائیل دا ب تایبەتی پشتی دروستبونا هێرشێن لێکگوهارتی 2025-2024 ترس پەیدا دبیت ددەڤەرێ دائەگەر هات و رێگەڤتن نەهاتە کرن برێکێن ئآشتیانە دناڤبەراهەردوولایەنان دا برێکێن دبلوماسی و شەر بەردەوام بوو دبیت ئەڤ ململانێیە ببیتە شەرەکێ هەرێمی یێ ڤەکری دڤی حالەتی دا پرسیارەکا گرنگ دهێتە ئازراندن ،ئەرێ دێ شەر بەرەڤ هەرێما کوردستانێ هێت وهەرێما کوردستانێ تێکەلی ڤی شەری بیت ؟لگورەی هندێ هەرێما کوردستانێ دەڤەرەکا ئستراتیجیە و پێک دهێت ژ خالێن سەربازی یێن ئەمریکی و هێزێن سیاسی یێن هەمە جور .
ل چاچوڤێ شەری دا و دیتنا دویر بو شەری ترس پەیدا دبیت کوردستان تێکەلی شەری ببیت و کوردستان ببیتە مەیدانەك بو ململانێ نەراستەوخو
هەستیاریا جهێ جوگرافی یێ هەرێما کوردستانێ
هەرێما کوردستانێ دکەڤیتە دناڤبەرا ئیران ،تورکیا ،سوریا دا ئەڤە وەدکەت کوردستان ببیتە خالەکا دەربازبونێ یا گرنگ بو میلیشیات وچەکی وبەرژەوەندیێن هەرێمی ،دهەمان دەم دا خالێن سەربازی بو هەڤپەیمانێن نیڤ دەولەتی ژوان ژی هێزێن ئەمریکی دبیتە ئەگەرێ مەترسیێ و ئارمانجەکا پێشبینیکری یا میلیشیاتێن سەر ب ئیرانێ ڤە.دکەل هندێ دا دەستهەلاتێن ل هەولێر و بەغدا گەلەك جاران داخاز کر کو عیراق نەچیتە دناڤ ململانێین وەلاتێن جیران دا بەلێ پا کەتوارێ سیاسی و ئاسایشی یا ئالوزە.
هەروەسا راپورتا کەنالێ جەزیرە (project force )ئاماژە دا ب هندێ لەوانەیە ئیران ئەردێ کوردستانێ بکاربینیت وەک مەیدانەکا ترساندنێ یا نەراستەوخو ل دژی هێزێن ئیسرائیلی و ئەمریکی ،دکەل هندێ ژی (علی خامنەی) گەلەک جاران ئاماژە دایە ئەگەر هات و هەست پێکر ئەمریکا پشتەڤانیا ئاشکەرا و راستەوخو یا ئیسرائیلێ دکەت ئیران دێ وان خالێن سەربازی و قونسلخانێن ئەمریکی ل هەر دەولەتەکا ل روژهەلاتا ناڤەراست دا ژناڤبەت
شلوڤەکرنا سیناریویان
سیناریویا ئێکێ :سەقامگیریا هوشدارکری
ئەگەر تەهران پارستن لسەر رێکخستنا خویا سیاسی و ئاسایشێ کر دکەل بەغدا و هەولێرێ کوردستان دێ یا دویر بیت ژ هەر ئالوزیەکێ ئەڤ پشبینيه 60% يه
سيناریویا دووێ :هێرشێن تولڤەکرنێ یێن سنوردار
ئەگەرئیرانێ هەست پێ کر هێرشێن ئیسرائیلێ ب پشتەڤانیا ئاشکەرا یا ئەمریکا یە ،لەوانەیە میلیشیاتێن سەر ب ئیرانێ ڤە جهێن ئەمریکی ل کوردستانێ بکەنە ئارمانج و ژناڤببەن ئەڤ پێشبینیە 30%یە
سیناریویا سیێ :بەلاڤبونا شەری کو هەرێمێ ژی بخوڤە بکریت
ئەگەر روژهەلاتا ناڤەراست هەمی تێکەلی شەری بو و ئەڤ شەرە بەرەڤ شەرەکێ هەرێمی یێ ڤەکری یێ گشتگیر جوو ل وی دەمی هەرێما کوردستانێ ژی دێ بخوڤە کریت و هەرێم ژی یا سەقامگیر نابیت. ئەڤ پێشبینیە 10% يه
دوماهیك
هەرچەندە هەرێما کوردستانێ دنوکە دا نە مەیدانەکا شەری یا راستەوخویە دناڤبەرا ئیران و ئیسرائیل دا بەلێ پا گورەنکاریێن سەربازی یێن بەردەوام و بلەز لەوانەیە کوردستانێ ژی تێکەلی شەری بکەت ،لەورا یا پێدڤیە لسەر دەستهەلاتێن کوردی و عیراقی ڤان خالان لبەر چاڤ وەرگرن
- بەرفرەهکرنا هەماهەنگیا ئاشتیێ بکەن دکەل هەڤپەیمانێن نیڤ دەولەتی
- خو دیرکرن ژ هەر لایەنکریەکا ئاشکەرا بو هەر لایەنەکی
- پێگیری ب سەروەریا عیراقێ ژلایێ هەمی لایەنان و رەتکرنا بکارئینانا هەرێمێ وەک مەیدانەکا سەربازی
- باشکرنا پەیوەندیێن دبلوماسی دکەل ئیران و ویلایەتێن ئێکگرتی بو دیرکەڤتن ژهەر شاش تێگەهشتنە کێ .
نڤیسین :نور جندی صادق
ژێدەر: پشتبەستن هاتیە کرن لسەر رویدانێن گەتوارێ نوکە و هەروەسا پروکرامێ (project forces) ل کەنالێ جەزیرە.