ناڤساڵڤەچوون یان دانعەمری قۆناغەکا ھەستیار و زەحمەتکێشە و پێدڤی ب سەرەدەریەکا تێگەھشتی و ڕازیبوونێ یە, دپتریا خێزانان دا کەسێن دانعەمر ھەنە کو چاڤەڕێ سەرەدەریەکا ساخلەم و تەندروستن ژلایێ ئەندامێن خێزانێ ڤە،دڤێت ئەم بزانین چەوا سەرەدەریەكا ساخلەم و باش دگەل وان بكەین و وی ھەستی بۆ وان درۆست نەكەین كو ئەو بۆ مە بارگرانینە
ڕەفتاركرن دگەل دانعەمران
کۆمەکا ڕەفتار و سەرەدەریکرنێ دگەل دانعەمرا ھەیە کو دشیاندایە ب ئەڤان رێکان خزمەتەکا باش دگەل وان بھێتەکرن ل دیڤ پێدڤیێن ئەوان, ژوان ژی وەکو:
دڤێت ئەم شێوازەكێ ئارام و نەرم و دلخۆشكەر بین دگەل وان،ئەم ھاریكاریا وان بكەین ژ لایێ جەستەی ڤە ئەگەر پێدڤی ھاریكارێ بن ئەم ڕاكەین و دانێن
ژ جھێن وان چونكی پتریا ین ڤی تەمەنی دا ژ لایێ جەستەی ڤە ماسولكان ڤە لاواز دبن ئەڤێ چەندێ ئەم بەر چاڤ وەرگرین ھەم ژ لایێ سەرەدەریكرنێ و ھزركرنێ ژی ڤە گەلەك ھەستیارن
نابیت ئەم ھەستێن وان بشكینین و تۆند بین گەل وان ئاخڤتنێ و ڕەفتاران دا چونكی گەھشتینە پایزا تەمەنێ خۆ دا.
دەمەكێ گۆنجای تەرخان بكە ژبو ئارامیا وان
دانعەمری قوناغەکە تێدا حەزدكەن ڕۆژانە كەسەك ھەبیت ل دیوانا وان ڕۆنێت خارێ و سحبەتا گەل بكەت و گۆھداریا وان بكەت و گەل دا دلوڤان بیت و ئاخڤتن خۆش نەرم بێژنێ وی ھەستی بۆ درۆست بكەن كۆ وان بێھیڤی نەكەن دڤی تەمەنی دا ب ھەمبێزەكێ ب ماچكرنا دەستێ وان ب دەستكرنەكێ ل دەستێ وان بدەی ،خارنەك سڤك و ساخلەم بو درۆست بكەی دویربیت ژ خارنێن گران چونكی گەدێ وان ڤی تەمەنی دا نەشین ھند خارنێن گران ھێز بخۆن ،خارنێن سڤك و ساخلەم و گەل ژەمەكا فێقی و زەرزەواتی گەل دا بیت، و ئەگەر حەبا بخۆت پێكۆلێ بكە دەرمانێن وێ /وی دەمێ درۆست دا بدێ و دشێی ھەیڤێ جارەك یان دوو جاران پەستانا وێ /وی یا فشارێ بگری كا جێگرە ژبۆ پشتڕاست كرنێ ،ئەگەر دكتۆری پێشنیار كربیت چەند جارا بگرە دیڤ پێزانینێن نۆژدارێن وان پێزانینا درۆست ژێ وەربگرە.
نڤـــیسین:ھـــەلز ســـمیر