ئەو ناڤونیشانێ گەلەك ژ مە ژێ رەڤین و حەز نەكری چیرۆكا لپشت ڤی ناڤونیشانی بزانیت. ئەڤ رۆمانە ژ :
نڤیسین/ هاجەر عەبدولسەمەد
وەرگێران ژ عەرەبی/ زینە شاكر
ژ وەشانێن پەرتووكخانا خانی
هزرا سەرەكی بەحسێ هندێ دكەت كا چەند جڤاك و ژینگەها دەوروبەرێن مە كارتێكرنێ لسەر مە دكەت، ڤێجا چ كارتێكرن ئەرێنی بیت یان نەرێنی.
دشێت وەسا ل مرۆڤی بكەت هندەك بریارێن خەلەت بدەت بۆ تا هەتایێ ژیانا خۆ و هەمی كەسێن دەردۆرێن خۆ تالان بكەت.
كارەكتەرێن ڤێ رۆمانێ ژ وەلاتێ مسرێ نە، لەیلا رۆلێ سەرەكی دڤێ رۆمانێ دا دگێریت، كو لەیلا ئەو ژنە بوو یا هەڤژینێ وێ ئەو هێلای بێی هیچ ئەگەرەك و خیانەت لێ كری. دڤێ رۆمانێ دا گەلەك ب وردی بەحسێ ژنا بەردای دهێتە كرن كا توشی چ دەردەسەری دبیت پشتی ئەڤ ناڤە دهێتە سەر ، هەروەسا وێ چەندێ ژی دیاردكەت كو هندەك ژن هەنە گەلەك نەدادیێ لسەر خۆ قەبول دكەن پێخەمەت ئەڤ ناڤە نەهێتە سەر ژ ترسا بریارێن جڤاك لسەر ددەت.
رۆمانەك تژی ژ روودانان، كاروانێ ژیانا لەیلایێ وێ ژ مسرێ دئینیتە تركیا و ل دیڤدا بۆ سوریێ دناڤ مالێن داعشا دا و دیڤدا رەڤین ژ ناڤ داعشا بۆ یەمەنێ و ژ یەمەنێ بۆ سعودیێ چاڤەرێ خۆشتڤیێ خۆ یێ داعش، ئەو كورێ جڤاكی نەچار كری برەڤیت و خۆ بكەتە د ڤێ دۆزەخێ دا. لڤێرێ رۆمان بدوماهی ناهێت، بەلێ یا مای دێ بۆ وە هێلم تا رۆمانێ بخوینن.
ژیان یا دادپەروەر نەبوو دگەل لەیلایێ تا وەلێكری بێژیت:
'' هەمی یا ئەز دزانم و هەست پێ دكەم، دلێ من یێ هەرفتی، نە حزژێكرنێ دكەت و نە كەربێ رادكەت، یێن وەكی من دڤێ ژیانێ دا دهەلاویستی نە، نە من دڤێت دناڤ ڤێ ژیانێ دا بژیم و نە یا پێتڤی دكەم دا كو ب مرم و ئارام بم''
بەرهەڤكرن/ نورهان علی