پەیدابوونا ھەر تشتەكی سەرھاتیەك ددوفرا ھەیە و یا قەھوێ ژی وەسا، ژێدەر دبێژن جهێ پەیدابونا وێ وەلاتێ (ئەسیوبیا) یە، چاوانیا زانینا ڤێ چەندێ ژی ژ هندێ هاتیە کو دبێژن شڤانەک هەبوو ناڤێ وی کالی بوو، هەر رۆژ پەزێ خۆ دبرە چەرانێ و شڤانتیا پەزێ خۆ دکر، ل نێزیک هندەک دارێن مەزن و دبن وان دارێن مەزن دا دارێن قەهوێ هەبون، کو هێشتا مرۆڤا نەشیابوو ڤەبینن.
ڕۆژ هاتن و بۆرین، ڤی شڤانی ددیت هەر دەمێ پەزێ وی نێزیکی ڤان داران دبیت، گەلەک چالاک و بهێز دبن. شڤانی پرسیار ژ خۆە کر کا بۆچی هەر وەختا پەزێ من نێزیک ڤان داران دبن چالاک دبن؟
گۆتە خۆ کا ئەز ژی تام بکەم و بزانم کا دێ چاوا بیت.!
دەمێ دەست هاڤێتییە كتەكێ ژێ و خواری، دیت کو تامەکا تایبەت و خۆش یا هەی و هێزێ ب مرۆڤی ددەت.
ل وی دەمی ل ئەسیوبیا کەنیسە خودانا دەستهەلاتێ بوو و بریارێن گرێدای خەلکی هەر ژ وێرە دەردچون و کەسی نەدشیا ژ دەف خۆ چ کاران بکەت، تا رازیبونا کەنیسێ لسەر وەرنەگرتبا، ژبەر ڤێ چەندێ شڤان رابوو چەند كتەكێن قەهوێ دگەل خۆ برنە دەف زاناێن ئاینی ل کەنیسێ و گۆتێ کا بۆچونا وان چیە لسەر وێ ڤەدیتن یان بدەستڤەئینانا نوو.
زانایێن ئاینی ئەو حەبکێن قەهوێ ژ شڤانی وەرگرتن و تام کرنێ دیتن کو کاریگەریا هەی لسەر کێم خوارنێ و کێم نڤستنێ و وەدکەت کو مرۆڤ برسی نەبیت و خەوا مرۆڤی نەهێت.
زاناێن ئاینی بریار دا کو هەمی دارێن قەهوێ بهێنە کۆمکرن، لێ لدەمێ کۆمکرنا وان دا دیتن کو دارەکا زیانبەخشە و نەیا هندێ بوو بهێتە خوارن یان ڤەخوارن بۆ مرۆڤان، پشتی زاناێن ئاینی دیتی کو دارەکا زیانبەخشە بریارا قەدەغەکرنا وێ دان، و داخاز کرن کو هەمی ئەو دارێن هاتین کۆمکرن بهێنە سۆتن. لێ لدەمێ سۆتنا وان دا بێهنەکا گەلەک خۆەش و جیاواز ژێ هات دەمێ ئەو بهنە چویە زاناێن ئاینی داخاز کرن، کۆ ئەو ئاگر بهێتە ڤەمراندن پشتی ڤەمراندین شلەهیەک رێژت ژ بن وان داران، کەسەکی ژ وان یێن ئامادە تامکرە بیچەکا وێ شلەهیێ، دیت کو تامەکا گەلەک تایبەت و خۆەش یا هەی، لێ هەر کەنیسە لسەر بریارا قەدەغەکرنا وێ بوو و لێڤەنەبوو ژبەر دوێ باوەریێ دابون کو زیانبەخشە، لێ هەر دناڤ کەنیسێ دا زانایێن ئاینی بیێ کو خەلک پێ بزانن بکار دئینان ژبەر هاریکاریا وان دکر تا بشێن بەردەوامیێ بدەنە عیبادەتێ و بشێن بمینن هشیار بدرێژیا شەڤێ.
رۆژ هاتن و بۆرین خەلکێ دەڤەرێ ژی بڤێ چەندێ زانی و ئەڤ ڤەخوارنە بەلاڤبوو و هەمیان حەژێ کر و تا نوکە ژی قەهوێ ئەو سەرەنجراکێشیە مایە.
نورهان عەلی
ژێدەر/ كورس القهوة المختصة و مميزاتها علي منصة إدلال