ئەڤ دوو دەستەواژە مە هەمیان گوهلێ بوینە لێ هەر ئێك لدەمەكێ جودا. رادیۆ ئالاڤەكێ گەهاندنا پێزانینایە تایبەتمەندە ب شیانێن خۆ بۆ ڤەگوهاستنا دەنگ و میوزیك و دەنگوباس و پێزانینان ب باشی. رادیۆ ل دوماهیا چەرخێ نەهێ ژ لایێ زانایێ ئیتالی گولیلمو ماركونی ڤە هاتیە پێشنیاركرن و بەرهەمهێنان . هاتنا تەكنەلۆژیایێ كارتێكرنەكا نەرێنی لسەر رادیۆیێ كر كو بو ئەگەرێ كێم بكارئینانا وێ و ڤەدیتنا رێكێن ساناهیتر و بمفاتر بۆ بدەستڤەئینانا پێزانینان ژ رادیۆیێ لێ ئەڤە رامانا هندێ نادەت بهەمی ڤە كارتێكرنا نەرێنی بوو ، بەروڤاژی چەند لایەنێن باش ژی هەبوون وەك پەیدابونا پلاتفۆرما رادیۆیێ ل موبایلێن زیرەك دا. لێ ل ڤان دوماهیان زێدە گوهـــ ل دەستەواژا بۆدكاست دبین كو ئەو ژی بەرنامەیەكێ راگەهاندنێ یە پشت ب انتەرنێتێ گرێددەت بۆ بەلاڤكرنا ناڤەرۆكان بدەنگی. پێكدهێت ژ زنجیرەكا پێكڤەگرێدای ژ ڤیدیویان كو گوهدار دشێن بۆ خۆ دابەزینن یانژی ب هەبونا انترنێتێ دشێن گوهدار بن . تایبەتمەندە بجۆراوجۆریا بابەتێن خۆ وەكی بابەتێن رەوشەنبیری و بابەتێن زانستی و دەنگوباسان و هۆنەری و وەرزشی و تەكنەلۆژی و گەلەكێن دی. بۆدكاست ب بەروڤاژی رادیۆیێ بەردەوام دپێشڤەچونان دایە ژ ئەگەرێ تایبەتمەندیێن خۆ كو مرۆڤ دشێت گوهداریا بۆتكاستان بكەت ل هەر دەمەك و جهەكێ مرۆڤی بڤێت ب بەروڤاژی رادیۆیێ كو هەر هێلەك تایبەتە ب دەڤەرەكا دەستنیشانكری ڤە . گوهدارێن رادیۆیێ نەشێن گوهداریا بەرنامە و بابەتان بكەن ل هەر دەمەكێ وان بڤێت بەلكو دەمێن دەستنیشانكری یێن هەین . هەروەسا دشێی بۆدكاستا لسەر هەر بابەتەكێ تە بڤێت ببینی ئەڤە ژی ژ ئەگەرێ گرنگیدانا زۆر ب بۆدكاستێ كو ب بەروڤاژی رادیۆیێ كو یا بەردەوامە لێ داهێنانێن مەزن و ئەو تایبەتمەندیە نینن كو سەرنجا گوهداری بۆ خۆ رابكێشن .
تەكنەلۆژیایێ كارتێكرن ل سەر رادیۆ و بۆتكاستێ هەردویان هەبوو هەتا كو تەكنەلۆژیا بوو ئەگەرێ داهێنانا بۆتكاستێ.
بەرهەمهێنەرێ بۆدكاستێ یێ ئازادە دهەلبژاردنا بابەتان دا و كا ئەو كەس د چ بوار دە یێ شارەزا بیت دێ ناڤەرۆكێن خۆ لسەر وی بابەتی دروست كەت . مەرەم پێ ئەوە كو یێ ئازادە دهەلبژاردنا ناڤەرۆك و دەمێ بەرهەمهێنان و بەلاڤكرنێ دا. هەروەسا هەگەر بەرهەمهێنەرێ بۆدكاستێ بڤێت دێ ناڤەرۆك كورت بیت یان درێژ بیت، هەروەسا جوداهیەكا دی كو گوهدارێن رادیۆیێ بتنێ دشێن برێكا پەیوەندیا تلەفونێ داخوازێن خۆ بگەهیننە رادیۆیێ ب بەروڤاژی بۆدكاستێ كۆ گوهدارێن بۆدكاستێ دشێن بگەلەك رێكا خۆ بگەهیننە بەرهەمهێنەری و پرسیار و داخوازیێن خۆ ژێ بكەن وەك نمونە دشێن برێكا هەمی پلاتفۆرمێن تۆرێن كۆمەلایەتی یان ژی ئیمێلان .
بەرهەڤكرن/ نورهان علی