گرنگيا دەمی (كات) كارتێكرنا كارى دژيانا مروفى دا

ژ دەستپێكرنا هـەر ئەنجامدانا كارەکی دڤێت هزر د ( دەمی ) دا بكەت ژبەر كو كارتێكرنا وێ گەلەك گرنگه دژيانا مه يا ڕوژانه دا ، دڤێت ئەم هزر د دەمی دا بكەين ب هـەمى لايان ڤه ئانكو كا ئه و دەم يێ گونجاى يه بو ئه نجامدانێ يان كا دێ  مه چەند دەمێ پێدڤی هـەبيت بو ئەنجامدانا كارێ مه يێ پێويسته مه دوو كەسێن هـەين يێن جياواز كا چەوا دەمێ خو دبورينن مە هـەميا ( 24 ) دەمژمێر يێت هـەين د ڕوژانا مروڤيدا هەروەسا 

سال پێکدھێت ژ 365  ڕۆژان 

سال پێکدهێت ژ  8,760  دەمژمێرا 

سال پێکدهێت ژ  525,600 خولەک 

سال پێکدهێت ژ 31,536,000 چركه 

ئەگەر سەحکەينێ ( ڕوژ ، دەمژمێر ، خولەک ، چرکە ) مە چەند وەخت يێ هەی بوو پێشخستنا خوو .

ڤێجا ئەو كەسێ تێگەهـشتى دێ وان دەمژمێرا بو خو چەسپينيت و بزاڤێ تێداكەت ، لێ ئەو كەسێ نه زان دێ وان دەمژمێرا ب كارێن بێ مفا ڤه بورينيت و دێ وى دەمی ب بها ژ دەست دەت و پاش پەشيمان دبيت ، ئەفجا پێدڤی يه بزانين كا دێ دەمێ خو دەبنه كيژ كارى و كا كيژك دی يێ ب مفا بيت بو مە . ئەو كەسێن سەركەڤتى و پێگەهشتى هـەردەم بو خو ئارمانجەکێ ددانن و ناراوەستن هـه تا ئەنجام ددەن و دەمێ خو هـەميێ ب پلانا كارێ خوڤه دبورينن. 

هـه روەسا دەمێ ئەم كارەكى دكەين بەرى هـەمى تشتان دڤێت ب ناڤێ خودايێ مەزن و دلوڤان دەستپێ بكه ين و باوەريێ ب خوداى بينين و پاشی باوەريێ  ب خو بينين و باوەريێ ب حەز و شيانێن خو بينين ، خو ئەگەر كه س پشتەڤانيا مروڤى ژى نەكەتن مروڤ دشێت پشتەڤانيا خو بكەت و ببيته پالدەرێ هـێزێ بو نەفسا خو ،

- ژ تايبەنمەنديێن گرنگێن دەمى (كاتى) :- 

⁠١- دەم نعمەته ژ نك خوداى . 

٢- دەم وەكى تيرەيێ هاڤێژه ئەگەر تو نەبرى ئەو دێ تەبريت .

٣- كەس نەشێت دەمى نەبگريت و نه بزڤرينيت .

٤- دەم رێكەكێ يه ئەگەر تو ب باشى رێڤەچووى و ته رێك و پێك كر دێ سه ركه ڤتنێ ژ وێ رێكێ بينى .

٥- دەم ئانكو (ژيانه) ئەگەر ته ژ ده ستدا ئەو ته ژيان ژ ده ست دا و ئەگەر ته دەمێ دەم كونترول كر ئەو ته ژيانا خو هـه تا هـه تايئ كونترول كر ..... هتد .

- هەروەسا ژ بو برێڤەبرنا كاروبارێت روژانه پێدڤی يه پلانەكێ بو هـەر كاره كێ خو ب دانى و ب زانى كا دێ بوچى كەی ؟ و چەوا دەستپێ کەى ؟ و كا دێ دوماهيكا وئ چ بيت ؟ ئەگەر كارێ مه دڤێت پێ رابين يێ مەزن و بەرفرەهبو ، بێ گومان دێ پيدڤی ب هندەك کەسان بى ژ بو هاريكاريێ يان پشكداريێ بەلێ مەرجێ گرنگێ ئەوه ئەو کەسێن  ئەم  دهەلبژێرين دڤێت د ( چالاك و زانا و خوێندەواربن و دويربون ژ تەمبەليێ و بێزاربونێ ) ، و پێكڤه كاركرن و دانوستاندن و گەنگه شەكرن لسەر بابەتى ب رێكەكا راست و دروست و ژ هەمى لايان ڤه مفا ژێ بهـێته وەرگرتن . ئه ڤجا هوسا دێ ئەو وەستيان و كاركرنا ژ دل دێ هەمى ئه نجامەكێ باش و كارەكێ بەركەتی دێ هـێته ئاڤاكرن ئەگەر دەمێ مه يێ رێك و پێك بيت . 

نڤيسەر :- ئيمان خالد