برج دناڤ نەخشا ئەسمانی دا

دناڤ نەخشا ئەسمانی دە هندەك ستێر كوم ڤە دبن بشێوێن جیاواز ژ وانان لسەر شێوێ گیانەوەران و ژ وانان لسەر شێوێ مرۆڤان و هندەكێن دی لسەر شێوێ تشتێن بێ رح و ئەڤ كۆمڤەبونە دبێژنێ برجێن ئەسمانی. برجێن ئەسمانی دابەش دبن بۆ 12 برجا كو ژ رۆژهەلاتی بەرەڤ رۆژئاڤایی ڤە لدیڤ ڤەلڤینا رۆژێ و ددەمێ 12 هەیڤێن سالێ دە، هەر برجەك ژ ڤان برجان ل وەختەكی دیاركری دیاردبیت لدیڤ جهێ جاڤدێری و ڤەلڤینا ئەردی لدیڤ رۆژێ، برج لدیڤ رێزبەندیێ (الحمل، الثور، السرگان، الاسد، العذراء ، المیزان، العقرب، القوس، الجدی، الدلو، الحوت)

برج لدیڤ رێزبەندی و وەرزان و گۆتنێن كەسێن ستێران دخینن:

1- برجێن وەرزێ بهارێ

برجێ حمل ئێكەم برجە ژ برجان و دكەڤیتە دناڤبەرا 21 مارس تا 20 ئەبریل ئەو ژی ژ برجێن ئاگریە و ئەو كەسێن ژ دایك دبن د ڤێ مێژویێ دە خودان كەسایەتیەكا بهێزن و باوەری بخۆ هەیە لدیڤ گۆتنا ستێر خاندنان، برجێ الثور دوەم برجە دكەڤیتە دناڤبەرا21 ئەبریل تا 20 مایو و كەسێن ژ دایك دبن ل ڤێ مێژویێ دە خودان كەسایەتیەكا ئارامن و بهێزن لێ كەسایەتیا وان یا گرتیە، برجێ جوزا سێیەم برجە كو دكەڤیتە دناڤبەرا 21 مایو تا 20 یونیو و كەسێن ڤی برجی شیانێن خۆگونجاندنێ هەیە و داهێنەرن و حەش بەربەستان ناكەن د ژیانێ دە

2- برجێن وەرزێ هاڤینێ

برجێ سەرەتان چارەم برجە و دكەڤیتە دناڤبەرا 21 یونیو تا 20 یولیو و كەسێن ڤی برجی سۆزدارە و هەستدارە و گەلەك خێزانێ بلند دبینن، برجێ شێری پێنجەم برجە و دكەڤیتە دناڤبەرا 21 یولیو تا 20 اغستس و كەسێن ڤی برجی دا ژ دایك دبن خودان كەسایەتیەكا بهێزن و رێڤەبەرن و حەش گرنگیدانێ دكەن و حەز دكەن ببنە بابەتێ سەرەكی و د تازەنە ژ لایێ سەروسیمای ڤە، برجێ عذراء یان سنبلە كو شەشەمین برجە دناڤبەرا 21 اغستس تا 20 سبتمبر دایە و كەسێن ڤی برجی دگرێداینە ب رەفتار و تیتالانڤە و حەش گەنگەشێن درێژ دكەن و حەش هاریكاریێ دكەن.

3- برجێن وەرزێ پایزێ

برجێ میزان كو حەفتەم برجە دناڤبەرا 21 هەیڤا نەهـــ تا 20 هەیڤا دەهـــ و كەسێن ڤی برجی بهیڤی نە و یاریكەرن و مرۆڤدۆستن لێ گەلەك بلەزن د كاران دا، برجێ دیپشك برجێ هەشتێ یە دكەڤیتە دناڤبەرا 21 هەیڤا دەهـــ تا 20 هەیڤا یازدە و كەسێن ژ دایك دبن د ڤی دەمی دە كەسێن هەست سۆزن و بەخشینن لێ د خۆویستن و عنادی نە ، برجێ تیركڤان كو برجێ نەهێ یە و كەسێن ڤی برجی ژ 21 هەیڤا یازدە تا 20 هەیڤا دوازدە نە كو كەسێن ب هەستن و كۆمەلایەتی نە لێ د دەمدەمی نە

4- برجێن وەرزێ زڤستانێ

برجێ جدی كو برجێ دەهێ یە دناڤبەرا 21 هەیڤا دوازدە تا 20 هەیڤا ئێك، كەسێن لدیڤ ڤی برجی كەسێن خودان خەونن و ك

گەلەك بكارن دژیانا خۆ دە، برجێ دەلو كو برجێ یازدێ یە دناڤبەرا 21 هەیڤا ئێك تا 20 هەیڤا دوو كەسێن دناڤ ڤی برجی دا ژ دایك بوین كەسێن خودان بریار و هزرن و دبەردەوامن ب ئێك رێك د ژیانا خۆ دە، برجێ حوت دوماهیك برجە دناڤبەرا 21 هەیڤا دوو تا 20 هەیڤا سێ كەسێن ژ دایكدبن دڤی دەمی دا كەسێن باشن و هەستدارن و خودان خەونن لێ گەلەك بهەستن.

زانستێ نوكە و برج

دزانستێ سەردەم دا ستێرزانی و بیروباوەرێن برجا ژ زانستێن بێ بنەمانە، برجان شكەستن ئینایە د بدەستڤەئینانا هەر بەلگەیەكی زانستی لسەر درستیا وان و جێگیر بویە كو شیانێن دیاركرنا پاشەرۆژێ برێكا بورجا زێدەتر نینە ژ شانسی.

ماك غریفی رابو بڤەكۆلینەكێ لسەر مێژویا ژ دایكبونا 16634 زانایا و 6475 كەسێن سیاسی دا دیاركرن كو ئەڤێن ستێرناس دبێژن دەربارەی كو ژ دایكبویێن بورجێ عذراء دلاوازن ژ لایێ كەسایەتیێ ڤە كو ئەڤ بۆچونە یا خەلەتە و مێژویا ڤان كەسێن هەنێ كو ژ برجێ عذراء وەكی هەر برجەكێ دی یا خەلەتە، ئانكو ستێرخاندن نەیا درستە بۆ تاقیكرنێ. 

ڤەكۆلینەكا دی كو گۆڤارا  Personality and Individual Differences ل سالا 2006 كو 15000 كەس ڤەگرتبون ئەنجامێ وێ دیاربو كو هیچ پەیوەندیەك نینە دناڤبەرا مێژوویا ژ دایكبونا وان و كەسایەتیا وان. 

بەرهەڤكرن/ نورهان علی

ژێدەر/ جوگرافیا ئەسترونومی، دادڤان حكیم عبدلرحمن