ئەڤ فیلمە ل سالا 2017 هاتییە پێشاندان، کو ل سەر زاروکەکێ یە کو ئێشکەکێ زکماکی هەیە ب ناڤێ (Treacher Collins Syndrome). ئەڤ فیلمە زەحمەتی و نەخۆشیێن ژیانا هەر کەسەکێ دیار دکەت یێ کو سەروچاڤێت وان هەر ل ژدایک بوونێ وەرە دروست نینە و یێ شێوایە، کەسەک کو وەک هەمی کەسێن دەوروبەر یێت نورمال نینە. ئەڤ فیلمە تنێ ل سەر وان کەسا نینە یێت کو نەخۆشیێت روخساری یێت زکماکی هەی، بەلکو ل سەر هەر کەسەکێ یە کو ب زەحمەتیێن ڤێ ژیانێ دەرباسبوویە وەک پلنگبازی، نەقەبوول کرنا خۆ وەک خۆ، نەقەبوول کرن ژلایێ کەسێن دەوروبەر، بێ باوەری، و لاوازی. چیروکەکە ل سەر هەر کەسەکێ ب ڤان کێشەیان دەرباس بوویە، شیا خو ل سەر پسەپینیت و سەرکەفتنێ ل سەر لاوازیا خۆ بینیت. چیروکەکە یا هێزێ و شیانان، هیڤی و مرۆڤایەتییێ، و هەر وەسا رامانا حەژێکرنێ، بەردەوامبوونێ و رژدیێ دیار دکەت.
پشتی ئەڤ زاروکە دهێتە سەر دونیایێ نیزیکی 27 نشتەرگەری بۆ دهێنە کرن بەس دا کو بشێن سەروچاڤێت وی باشتر لێ بکەن، و دا کو هندەک ژ هەستێن وی یێن نیزیک جهێ سەرچاڤا بزڤرن، وەک دیتن و گوهلێبوون. دگەل وان هەمی نشتەرگەرییا، دێمی وی دمینیت گەلەک دویر ژ مروڤێن نورمال، و دمینیت نەدروست هەتا وێ رادەی کو مرۆڤێن دەوربەر وی قەبوول بکەن ناڤ خۆ دا. بۆ ماوەی چەند سالەکا، ڤی زاروکی هەر ل مال خاندنا خۆ دکر، دگەل خێزانا خۆ و دەیکا خۆ، چنکی شەرم دکر بچیتە ناڤ قوتابخانێ و مرۆڤا دا. ئەڤ زاروکە د خاندنا خۆ دا گەلەک یێ ژیر و زیرەکە، و فێری گەلەک تشتا ژ خاندنا خۆ دگەل دەیکا خۆ بوویە. فیلم دەربارەی سالا ئێکێ یا وی ل دەمێ بریارێ ددەت بچیتە ناڤ قوتابخانا دا و ناڤ مرۆڤێن دەرڤەی مالێ تێکەلیێ بکەت. خوشی و نەخشیێن وی ل ڤێ سالێ و چاوا ئەو سال دەرباس دبیت هەمی ل ناڤ ڤێ چیروکێ دا د فیلمی دا دیار دبیت.
ل دوماهیکا فیلمی، ئەو کەس یێ کو باوەری ب خۆ نەبی خۆ نیشا خەلکەکێ بدەت، شیا ببیتە مرۆڤەکێ گەلەک ب هێز و شیان. شیا گەلەک لایەنێن ژیانا خۆ باشتر لێ بکەت، و سەرکەفتن ل سەر ترسا خۆ ژ خەلکی ئینا. ئەم ژ ڤی فیلمی دزانین کو خەلک دشێت گەشەبکەت، باشتر لێ بهێت، و ب شێوەکێ گونجای تر سەرەدەریێ دگەل خەلکی بکەت. هەر کەسەک دبیت لاوازیەک یان ژی لایەنەکێ خراب د خۆ دا هەبیت، لێ هەر کەسەک ژی وەک ڤی زاروکی دشێت باشتر لێ بهێت. ل دوماهیکا فیلمی ئەو کەسێ هند لاواز ل دەسپێکێ دیار دکر شیا وەک ئێکەم قوتابی ل سەر خولا خو ل بەرانبەر سەدان کەسان براوەستیت و گوتنەکێ پێشکیش کەت. چیروکا ڤی کەسی ئیلهامە بۆ هەر بینەرەکێ کو خۆ باشتر بکەت، و خۆ پێشبێخیت هەمی گاڤا، و خۆ بۆ هەر لاوازیەکێ هەبیت نەشکینیت بەلکی سەرکەفتنێ ل سەر بکەت.
نڤیسەر: احمد مصطفى
ترەیلەر یا فیلمی: (1)