پشتی سالا 2003 هەرێما کوردستانێ پلەیەکا بەرچاڤا ئوتونومی و کاریگەریا سیاسی ل ناڤخوەیا وەلاتی دا بدەستڤەئینایە ، د راستی دا هەر ژ دەستپێکێ ڤە بەشداریەکا کارا هەبوو ل دیمەنێن سیاسی یێن نوی یێن عیراقێ دا ، بشێوەیەکێ زور ژ دارشتنا دەستوورێ نوی و دوماهی جار دارشتنا سیستەمێ سیاسی یێ عیراقێ بوو . کوردان پوستێن گرنگ ل حکومەتا فیدرال دا هەبووینە و هەروەسا بەشداری د دانوستاناندا کرییە بو دامەزراندنا حکومەتا جوراوجور و پێکهاتەیان ب درێژاهیا سالان . سەروکایەتیا رەمزی ل عیراقێ لدیف داب و نەریتێ تایبەتێن کوردا .
د بەرەیێ سەربازی دا هێزێن پێشمەرگەی رولەکێ کارا هەبوویە د هیرشا سالا 2003 دا ب سەرکردایەتیا ئەمریکا بوسەر عیراقێ ، و ل سالا 2014 هێزێن پێشمەرگەی رولەکێ کارا هەبوون د شکاندنا تیروستێن داعش دا ل هەمی بەرەیێن جەنگی بتایبەت ل کەرکووکێ کو سەرچاوەیێ هێزا ئابووری یا هەرە بهێزە ل عیراقێ تاکو وەلێهاتی ناڤێ پێشمەرگەی ب هەمی جیهانێ بهێتە نیاسین .
حکومەتا هەرێمێ ژبلی د مامەلەکرنێ دا دگەل وان ئاریشێن سیاسی و سەربازی دا ، د ماوەیێ چەندین سالێن رابردوودا بشێوەیەکێ چالاکانە گرنگی ب ئابوورێ خوەدا و سەرمایێ نیڤدەولەتی بو خوە راکێشایە و هەڤپەیمانێن بازرگانی دروستکرینە . کو هەرێماکوردستانێ باژێر و قەزا و ناحیە حەتا گوندان ژی پێشکەفتنەکا باشا خزمەتگوزاریێن رێک و پرا دیتینە کو ل هەمی عیراقێ ئەڤ چەندە نینە .
ئەم دشێین بێژین ئەگەر رولەکێ باش و کارا بگەهیتە دەستێ کوردان دویر نابیت کورد وەلاتێ عیراقێ بەرەف پێش ببەن .
نڤیسەر : دیندار سەرگەلی