لێگەرییانا هاوسەنگیێ د جیهانەکا ماددی دا

 

دجیهانا ئەڤروکەدا، بەکاربەری(کونسیومەریزم) ل هەمی جهایە؛ دریکلامان دا، سۆشیال میدیایێ دا، و ترێندێن بەردەوام دا ئەوێن مە پالدەن بۆ کرێنا زێدەتر پێدڤیاتییان. د دەمەکیدا مینیماڵیزم، لڤینەکە هاندانا سادەکرنا ژیانێ دکەت بکێمترین سامان، و هاوسەنگیەکێ بومە پێشکێش دکەت. بەلێ ئەڤ هەبوونا کێمتر یا تشتان دشێت بیتە ئەگرێ تژێکرنا پێدڤیاتیێن مە؟

هزرکرنا مینیماڵستی:

مینیماڵیزم بریتیە ژ عەقلیەتا گرنگیپێدان ل سەر تشتێن هەرە گرنگ برێکا کيمکرنا مولکیەتێن ماددی و ب مژیلاهی. ئەڤێ لڤینێ سەرنجەک بدەست خوڤە ئینایە، ژبەر خەلک بەردەوام ل رێکەکێ دگەرن بۆ رزگاربوونێ ژ بازنا ب بەردەوامی بدەستڤەئینانا زێدەتر تشتان.  گەلەک کەس هزر دکەن ب بدەستڤەئینانا کێمتر دبیتە ئەگەرێ هەبوونا پتر وزێ، دەمی، ئارامی و ئازادییەکا زێدە یا دشێن پتر گرنگیێ ب پەیوەندی، هەڤسوزی، خوشگوزەرانییا خو بدەن. 

مینیماڵستی بەرامبەری بەکاربەری:

بەکاربەری پالدانا وێ هزری دکەت یا دبێژیت؛ بەختەوەری دهێت ژ سەرچاوێ هەبوونا زێدەتر تشتان. بەلێ ڤەکولین دیاردکەن کو هەبوونا زێدە، بەختەوەریێ زێدتر لێناکەت بەلکو دراستیدا دبیت فشارێ دروست بکەت. 

مینیماڵیزم دبەرامبەر دا، چالنجا بەکاربەریێ دکەت. شینا بشێوەیەکێ ئیمپاسیڤانە تشتان بکری، مینیماڵیزم پسیاردکەت ئەرێ ژراستا کرینا تشتێن نەپێدڤی دشێت بهایێ ژیانا تە زێدەتر لێ بکەت؟ ئەڤ رێبازە رێکێ ددەتە مە ئەزموون و پەیوەندیێن خو لسەر تشتێن ماددی ل پێشیێ بدانین. 

بیرۆبوچوونەکا کەلتوری: مینیماڵزیم د جڤاکێ کوردیدا

روویێ مێژوویی دا، جڤاکێ کوردی بهایێ سادەیی، پێچێبوون، وپەیوەندیێن جڤاکی یێن بهێز ب سەر سامانێن ماددی دا داناینە. دناوچێن گوندەواری ژێک دا، کورد بەردەوام ژییاینە ب هەبوونا تشتێن کێمتر و زێدەتر گرنگیپێدان ب پەیوەندی و چالاکیێن جڤاکی. دگەل مۆدێرنبوونا پارێزگەهێن وەکی هەولێر، سلێمانی، و دهوکێ، فشار کەتیە لسەر هەمبێزکرنا کونسیمەریزمێ و پاراستا ڤان بهایێن کەلتووری. مینیمالیزم بتایبەتی دجڤاکی کوردیدا هاوسەنگیەکێ پێشکێش دکەت، یارمەتییا خەلکێ کورد دکەت تامەکێ ژ ژیانا مۆدێرن وەربگرن بێی کو ل لێگەرییا هەبوونا زێدەتر تشتان بەرزەببن.   

مینیماڵیزم ئەو نینە کو ڤیابیت تە کێم تشت هەبن و بەکاربەری ژی د بنەرەت دا یا خەلەت نینە. بەلکو هەردووک وانەیان پێشکێشی مەدکەن د لێگەریانا هاوسەنگیێ دا. ل جیهانەکێ یا بەردەوام مە پاڵددەت بۆ بدەستڤەئینانا زێدەتر، مینیماڵزیم مە هانددەت کو سەرنجا مە لسەر وان تشتان بیت یێن ژراستی ژیانا مە دەولەمەنتر لێدکەن. ئارمانجا راستەقینە ئەوە کو مولکیەت و هەلبژارتنێن خو رێکبێخین دگەل وان تشتێن کو ژ راستیدا د گرنگ وەک دەم وپەیوەندی و مەبەستێن مە. هەرچاوان بیت، دمینتە لسەر پێناسەکرنا مە بۆ تشتێن مە پێچێدبیت و رێک دان بۆ ژیانەکا ب رامان تر.

نڤیسەر: چراک موختار

ژێدەر:

The Art of Simplicity: How to Live a More Meaningful Life by Dominique Loreau