دێ بو هەوە باس ل چیروکا زەلامەکێ کەم، یێ توشبوی ب خەموکیەکا دژوار و بێهیڤیبویەکێ توند، ئەو هوسان یێ بویە کەسەکێ بێ خەم تاکو ئاگەهـ ژ کەسانێن دەوروبەرێن خۆ نەمایە، دراستی دا ئەو کەسەکێ زور نورمالە، لێ مروڤێن دەوروبەرێن وی ئەوی دبینن ڪو زەلامەکێ بکەنی یە !
خویایە بەری نوکە تە یا هەست ب ڤێ چەندێ کری، کو هەردەم پێکولا بڪەی یا دروست ئەنجام بدەی، بەلێ خەلك رێکێ ل تە دگرن و رەخنێ ل تە دکەن.
بۆ نموونە :
ئەگەر تو کەسەکێ دیندار بی دێ خەلك بێژن ( و خۆ کرە مەلا و شێخ)( خۆ کرە شەریفێ مەکەهێ )
یان ژی، پێکولا بکەی ببیە خوێنەرەکێ توخ و هەردەم پەرتووکا بخوینی دا کۆ زانینێ وەربگری.
دێ بێژن ( خۆ رەوشەنبیر ددانیت و ئەو بخو تشتەکی نزانیت)
یان ژی تە دڤێت هەمی هەولێن خۆ بدەی ببیە کەسەكێ باش وژدان و مروڤبونا خۆ ئارام بکەی، ئەو دێ تە ب خشیم وەسف ڪەن !
و گەلەک نموونێن دی ب ڤی ئاوای.
ل شەڤەکێ ژ شەڤان وی زەلامی بریارەکا گەلەک گرنگ دا، بریارەکا وەسا گرنگ دا کو یا پێدڤی بو ژ مێژە دابا !
وی بریار دا خۆ بکوژیت !
و ب تەمامی ژ وان ئازارێن ئەو تێدا رزگار ببیت
ئەو ئازارێن وەل وی کری کو هەست پێبکەت خو چرکەکا ب تنێ ژی ژهەژی هندێ نینە کو بۆ بژیت !
ئەرێ دژیانا تە هەمییێ دا چ جاران ئەڤ هەستە ل دەف تە پەیدا نەبوویە ؟!
تە هەست بهندێ كریە کۆ تۆ خۆ رزگار بکەی ژ دونیایێ ژبەر وان هەمی گڤاشتنێن وێ، یان وان گڤاشتنێن ل دەوروبەرێن تە؟ و هەر روژ ؟!
ئەو زەلامە درێکا خودا بۆ داکو ب زڤریتە ماڵ و داوی بژیانا خۆ ببینت و ب تەمامی خۆ ژێ رزگار بکەت،
د ئەوی دەمی دا کچەکا بچویك دریێیا خۆ دا دیت کو یا دکەتە هەوار و بۆ دایکا خۆ گازی دڪەت،
ئەو زەلام وەسا ب وێ کچێ حەسیا کو یا د رەوشەکا دژوار دا، و دبیت دایکا وێ دبەر مرنێ دابیت !
بەلێ زەلام وەسا کەفتبوو د بێهیڤیاتیێ دا تا وی ڕادەی بۆ وی ئەو کچە خەم نەبو، بۆ وی هەر تشتەکێ دونیایێ خەم نەبو،
هزرا وی بتنێ ل سەر تشتەکێ بۆ ئەو ژی خۆ ژ ژیانا خۆ رزگاربکەت،
دەمێ ئەو گەهشتیە ماڵ دەبانجە یا خۆ ئینا دەر یا بەری دوو هەیڤا کڕی ژبوی خۆ پێ بڪوژت،
دەبانجە هەلگرت و خۆ بەرهەڤکر بۆ وی دەمێ چاڤەریکری کو خۆ پێ بکوژیت،
بەلێ پا هەر د وی دەمی دا دەست ب هزرکرنا وێ کچا بچویك کر، کو وێ دکرە هەوار و گازیا خۆ دگەهاندە وی و وی چ تشت بۆ نەکرن، ل وی دەمی وەل هات ئەو گەلەک ل سەڕ کوشتنا خۆ دوودل ببیت!!
بەلێ پا!؟ ئەوی هەر خو کوشت، وی خۆ دخەونێ دا کوشت و خۆ دیت کو یێ ژ
تابوتا خو دەردکەڤیت و دچیتە جهەکێ گەلەك سەیر، جهەک ژ جوانترین جهێن وی دژیانا خو دا دیتی، پری دار و رویبار و چویچك، پڕ ژ مروڤان! بەلێ مروڤێن جودا ژ وان مروڤێن وی دڤیا خۆ ژبەر وان ب کوژیت، یێن کو دڤیا خۆ ژ وان رزگار بکەت،
ئەڤ مروڤێن وی دیتی هیچ کەرب و کین د دلێ وان دا نەبوو ! نە درەو نە خرابی و هەر تشتەکێ نەباش ل دەڤ مروڤان.
هەردەم ب گرنژین بوون، پربوون ژ پاقژیێ،وان هیچ خەمەك نەبوو!
ئەڤ مروڤە ب وی ئاوای بوون دێ بێژی بتەمامی ل بهەشتێ بون، ئەو وەکی فریشتان دژیان،
ئەڤ جورێ سەیر یێ مروڤان وەل ڤی زەلامی کر هەمی خەمێن خۆ ژبیر بکەت و هزر د ئازار و خۆ کوشتنێ دا نەکەت.
بو جارا ئێکێ یە هەست پێدکەت کۆ حەز ژ مروڤان دکەت و دڤێت ببیتە بەشەك ژوان، بەلێ پا تشتەڪێ گەلەك سەیر چێبوو !
مروڤ پیچ پیچە ل دویڤ دەمی هاتنە گوهرین، وان دەستپێکرن و حەز ژ درەوکرنێ بکەن و سێرا درەوێ دیت، لدیڤ دا شەهوەت ژ دایكبوو و غیرەت و دلرەقێ ژ شەهوەتێ ژ دایك دبن، بلەز خوین بۆ جارا ئێکێ کەفت، ژێك ڤەبون و ژئێك و دوو دویر بوون، خۆ کرنە كوم لێ هەر ئێك ب دژی یێ دی، لومەی ئێك دکر ئێك و دوو پاشڤە دبر، وان دەست ب ئازار دانا گیانەوەران کر، گیانەوەر بەرەڤ دارستانا پاشڤەچون، ئەرد بتنێ بۆ مروڤان ما، دەست ب خەباتێ کر پێخەمەت ژێكجودابونێ، ئەو بونە تێهنیێن ئازار و نەخوشیان و دگوتن راستی نەشێت جهێ خو بگریت، چەند ئەو پتر شەر خواز و خراب بوون، ئەوان پتر بەحسێ برایەتیێ و مروڤایەتیێ دڪر.
و هوسا خەونا وی هوسا دژوار و نەخوش بو کو دا هاتە گوهرین بو کابوسێ لێ ب خوش بەختانە ئەو ژ خەو هشیار بو، هشیار بو هەر ل سەر هەمان کورسی، ب مەندەهوشیەکا مەزن هزر د خەونا خودا کر پاشان ئێك سەر ئەو دەبانجا دناڤ دەستێن خودا هاڤێتە دویر، ئەڤێ خەونێ وەل وی کر ئەو جیاواز هزربکەت، و خۆ ژ هزرا خۆ کوشتنێ دویربکەت.
ئەوی گوتە خۆ ئەڤێ خەونێ راستەکا گرنگ بو من دا دیارەكرن، کو د بنارەت دا هەڕ تاکەك یێ بێ زیان و باشە ! لێ لدویڤ دەمێ یێ هاتیە گوهرین، یێ هاتیە گوهرین ب وان کارێن مروڤێن دەوروبەرێن وی دکەن،و وێ پاقژیا مروڤی تێکەلی پیساتیا خۆ دکەن!
لێ ئەز دشێم بیرا وان ل بنەڕەتیا وان بینم بلا هەر ئەو بمن بکەنن،راستە یا بزەحمەتە وەل وان بکەم باوەر ژمن بکەن کو ( نەشێم باوەر بکەم و چ جاران باوەرناکەم خرابی سەروبەرەڪێ ئاسایێ یێ مروڤان بیت، و ئەڤە ژی ئەو بیروباوەرا من بو یا هەمی مروڤان پێ دکرە کەنی، بەلێ ئەز دێ چەوا شێم هاریکاریا وان کەم کۆ ئەو ڤێ چەندێ باوەربکەن کۆ من راستیا ڤەدیتی !
پاشان وی بریار دا رێکەکێ بۆ خۆ بدانێت و مزگینیا راستیێ بۆ مروڤان ب دەتە دیارەکرن و شیرەت لێدکرن دگەل ڤێ چەندێ حەز ژوان ژی دکر، دەستێ هاریکاریێ بۆ وێ کچکێ درێژبکر، یان هەر تاکەکێ پێدڤی یاریکاریێ بیت.
ئەوی دگوت ( تێگەهشتنا ژیانێ ژ ژیانێ بلند ترە، و تێگەهشتنا یاسایێن بەختەوەریێ ژ بەختەوەریێ بخۆ بلند ترە).
ئەڤجا تو وەك مروڤ وێ بڪە یا لسەر تە پێتڤی خو ئەگەر مروڤ بتە بکەنە کەنی.
نڤیسەر: وجدان فیصل
ژێدەر: خەونا زەلامەکێ بکەنی - The Dream of a Ridiculous Man - داستۆیەڤسکی