بریارا 2250 ل دانیشتنا 7573 ل سالا 12/9/2015 هاتە ب رێڤەبرن ،ئەڤ بریارە ژلایێ ئەنجومەنێ ئاسایشا نەتەوەیێن ئێکگرتی ڤە هاتە پەسەندکرن ، ل ئوردن ئەڤ پروژە هاتبوو پێشکێشکرن.کو ب پێنگاڤەکا مێژویی دهێتە دانان د بوارێ رولێ گەنجاندا د بەرەڤ پێشبرنا ئاشتی و ئاسایشێ دا. ئەڤ بریارە د چارچوڤەیي ئەو هەڤریکیێن رووبەرویی جیهانێ دبن زێدەتردبن.ژوان ژی شەرێ چەکداریی ،توندرەویا توندوتیژی و هەرەشەیێن ئەمنی یێن دی.ئارمانج ژ بریارنامێ بەشداریکرنا گەنجانە د پروسەیێن بریاردانێدا کو پەیوەندی ب ئاشتی و ئاسایشێ ڤە هەیە، هەروەسا دانانا بەشداریێن ب بها دناڤ ڤان بواراندا. (15 پازدە )دەولەت ئەندامن دڤێ بریارنامێ دا کو (5 پێنج ) ژوانا رسمی نە و (10 دەهـ )ژوانا نە رسمینە ، یێن رسمی ( UN ،رووسیا ،فرەنسا،چین،بریتانییا).یێن نەرسمی( شیلی،نیوزلەندا،ئوردن،لیتوانیا،مالیزییا،أنغولا،نیجیرییا، اسپانییا،فنزولا،تشاد).
بریارا 2250 کومەلەک خالێن سەرەکی ب خوڤە دگریت کو گرنگییا گەنجان دەردئێخیت، دڤان خالاندا:
- بلندکرنا بەشدارییا گەنجان : ئەڤ بریارنامەیە داخواز ژ وەلاتێن ئەندام دکەت بەشدارییا گەنجان د پروسەیێن بریاردانێ دا بەرزبکەن. ژ وان ژی د بوارێن سیاسی ،کومەلایەتی و ئابووری دا.
- رێگریکرن ل توندرەویێ: ئەڤ بریارە جەخت ل سەر گرنگییا پالپشتیکرنا ئەوان بەرنامەییان دکەت کو گەنجان دکەنە ئارمانج بۆ رێگریکرن د بەشداریکرن ژ توندرەویا توندوتیژییێ، ب رەخساندنا دەرفەتێن پەروەردەیی و ئابووری.
- ب هێزکرن و هشیاری: بریارا ٢٢٥٠ هاندانا هوشیارییا گەنجان دکەت ژ ماف و ئەرکان ،هەروەسا پالپشتییان بۆ دابین دکەت بۆ بەرەڤ پێشبرنا شیانێن سەرکردایەتیکرنا خو.
- هاریکاری دگەل لایەنێن پەیوەندیدار: داخواز ژ کومەلگەهێن نیڤ دەولەتی دکەت،دگەل رێکخراوێن نەحکومیژی،هاریکارییا گەنجان بکەن و پالپشتییا دەستپێشخەریێن وانا بکەن.
- کومکرنا زانیارییان: بریارنامە جەخت ل سەر گرنگییا کومکرن و روونکرنا زانیارییان دکەت بۆ تێگەهشتن ل کاریگەریییا گەنجان د پروسەیێن ئاشتی و ئاسایشێدا.
چەوانییا جێبەجێکرنا بریارا 2250:
بۆ جێبەجێکرنا بریارا 2250 پێدڤی ب هەولێن هاوبەش هەیە دناڤبەرا حکومەتان و کومەلگەها مەدەنی و کەرتێن تایبەت دا.
دەولەتێن ئەندام دڤێت پێنگاڤێن چالاك بن بۆ دارشتنا سیاسەتەکێ کو بوچوون و کارلێکێن گەنجان بخوڤە بگریت.هەروەسا پێدڤییە رێکخراوێن نیڤ دەولەتی پشتگیرییا ئەوان بەرنامان بکەن کو بەشدارییا گەنجان بەرەڤ پێشدبەت.
بریارنامەییا 2250 نونەرایەتییا وان خالێن زڤرینێ دکەت ژ چەوانیا بەرێخودانا گەنجان د چارچوڤەیێ ئاشتی و ئاسایشاندا. بۆ بەرزکرنا بەشداریکرن و بهێزکرنا وان، دشێن گهورینێن ئەرێنی دناڤ کومەلگەهێن خودا بدەستڤە بینن. پالپشتیکرنا گەنجان و چالاکرنا رولێ وان وەبەرهێنانە بۆ ئایندەیەکێ ئارامتر و سەقامگیرتر. ژ بەر زێدەبوونا کێشەیێن جیهانی،دبیتە تشتەکي زوورێ گرنگ کو دەنگەکی بدەینە گەنجان گوهـ ل هزروبیرێن وان بگرین،ژ بەرکو ئەون یێن کو دێ سەبەهی رەنگەکێ دی و مێژوویەکا دی دیرۆکەکا دی تومارکەن.
نڤیسەر: نرمین نذير