ناڤەروکـ
پەرتوک یا
پێکهاتی ژ هەشت بەشان کو تێدا نڤیسەری هەولدایە ب شێوەکێ گەلەک ژیواری بەحسێ
خاڤبونا کەسایەتیێن سەردەم بکەت و ئەگەرێ لاوازی و زوی شکەستنا وان بومە بدەتە دیارکرن. سەبارەت
نڤیسینێ و زمانێ پەرتوکێ ب راستی من ب زمانێ عەرەبی خواندیە و خوشیەکا زێدە ژ
زمانێ وێ بریە.
هزرا من سەبارەت
بابەتێ پەرتوکێ
-
بوچی ئەم
لاوازتر لێهاتینە و پتر د بەرهەڤین بشکێین
ژ خالێن
گرنگ د ڤێ پەرتوکێ دا گرێدانا بابەتێ دەروونیە ل سەر دەمێ نها یان بەری چەند
سالەکان دگەل سەردەمێن بوری برێکا ئینانا هندەک ئایەتێن قورئانێ و سەرهاتیێن ب مفا
و ب هزرامن ئەڤە دبیتە پالدەر بو تاکێ موسلمان باشتر تێبگەهیت کو دشیاندایە ئەم د بهێز و ئارام بین بێی کو مە
پێدڤی ب زانستەکێ دەروونی هەبـیت کو ژلایێ مروڤان هاتیە رێکخستن لسەر هندەک
بنەمایێن سست و خاڤ.
لڤێرێ دخازم
هندەک بابەتێن وی بەحسکری بکورتی بو هەوە بنڤیسم دا پێکڤە مفاوەرگربین:-
بەشێ ئێکـێ نفشێ
پرتێن بەفرێ یێن تەنک
·
لڤی بەشی
بومە بەحس دکەت کا چەوان پەیوەندیەکا سەرڤە سەرڤە یا حەژێکرنێ دناڤبەرا دوو کەسان
دا زی گەشە دکەت و بدوماهیک دهێت و لدویڤدا هەردوو لایەنێن ڤێ پەیوەندیێ دێ
دەستپێکەن چنە د بازنەکێ دا ژ خەموکی و ئاریشێن دەروونی ژ ئەگەرێ ڤێ پەیوەندیا
ڤالا.
·
نموونا دووێ
گرنگیا زێدە یا دەیبابان ب زاروکان ل قوتابخانێ و بو وان ئاساییە ماموستایەکی
پاشڤە ببەن و بشکێنن سەرا زاروکێ خو بێی لدویڤ راستیا بابەتان بچن. و ئەڤ چەندە
زاروکی لاوازتر دکەت ل داهاتوی شیان نابن چ هەلویستێن خوراگر هەبن د رویدانێن جودا
دا.
·
لاوازیا
دەروونی نە سروشتە بەلکو پەروەردەکرنە و خوگونجاندنا(کێشمانەیا) دەروونی پێنگاڤ
پێنگاڤ دروست دبیت
بەشێ دووێ ب
ناڤێ دیناتیا نوژدارییا دەروونی
·
ئەڤ بەشە ب
تمامی بەحسێ دەمێ مە یێ نها دکەت. ئەرێ کی ژمە توشی شوکان(صدمات) نەبویە د ژیانا
خودا؟
ئەرێ پەیڤا
صدمة لسەر چ دهێتە دانان؟
د نوکە دا هەلویستێن روژانە دەرکەفتنا هەڤالەکی بێی تە، نە ئینانا دیاریا ل روژبونان ئەڤە یێن دبنە شوک بو مروڤان کو پێ ب ئێشن دەوونێ وان تێکبچیت
·
خالا دیتر
یا گرنگ: مودێلا تێکچونێن دەروونی
هەر
شێوازەکێ کەسایەتیێ دەستەواژەکێ بو هاتیە دانان و ژنوکە وێڤە زاروکێ لڤوک دناڤ
پولێ دا نە بتنێ زاروکەکێ چالاکە بەلێ دێ بێژین ئەوی ADHD
یاهەی
·
پەرتوک و
ژێدەرێن زانستێن دەروونێ ب کورتی "ئێک ژ ڤەکولینان نیشان کریە وێ چەندێ کو
54% ژ نڤیسەرێن بەلگێ چارێ DSM - 4 گرێدانین راستەوخو ب
کومپانیێن دەرمانان هەبون"
بەشێ دوماهیێ یێ کو دێ بەحس کەم ئەوژی بەشێ پێنجێ ب ناڤێ بریارێ یان حوکمی لسەر کەسێن دیتر نەدە
·
نڤیسەرێ
ئەمریکی جاسون کروز دبێژیت من ب زێدەهی یا ژ سنێلەیان گوهـ لێ بوی دبێژن بریارێ
لسەر من نەدە یان ژی هندەک دێ بێژن من نەڤێت بریارێ لسەر فلان کەسی بدەم بەلێ پا
ئەگەر ئەوا تو دبێژی راستی بیت بوچی تودێ هزرکەی کو تو کەسەکی حوکمی لسەر مروڤا
ددەی.
·
مانا
سنێلە چەند کەسان ل دەروبەری خو دبینین تەمەنەکێ مەزن هەیە بەلێ هێشتا لدویڤ تشتێن
بێ رامان دچیت و دهەمان دەم دا دێ حێجەتان بو شاشیێن خو گریت بو نموونە ڤەکولین
دبێژن تا ژیێ 25 سالیێ تیفکلێ مێشکی گەشا وی ژنوی تەمام دبیت، ئانکو رێ پێدایمە
خەلەتی و شاشیان بکەم تا وی تەمەنی ژی و ئەڤ چەندە گەلەکا بێ رامانە.
·
د ئیسلامێ
ژی دا حوکمکرنا کورە یا رێ پێنەدایە پێغەمبەر سلاڤ لێ بن دبێژیت "إني لم أؤمر
أن أنقب عن قلوب الناس ، ولا أشق بطونهم" بەلێ ب ناڤکرنا هەر ئاموژگاریەکێ ب
حوکم و بریاردان لسەر کەسان دبیتە ئەگەر مرنا لادان ژ خەلەتیێ و گازیکرن بو
ئەنامدانا خێرو چاکیێ
بسم اللە
الرحمن الرحیم
﴿ وَلْتَكُنْ
مِّنْكُمْ أُمَّةٌ يَدْعُونَ إِلَى
الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ ﴾
صدق اللە العظیم
هەلسەنگاندن
پەرتوک یا پڕە
ژ هزرێن نوکە دسەرێ گەلەک ژمەدا دزڤرن بو نموونە چەوا ئاریشێن دەروونی سزایێ
یاسایی لسەر تاوانباری کێم دکەت، بوچی جڤاک دل نەرمە دگەل و چ وەل مەکریە زووربەیا
جاران ئەم ب هەستان سەرەدەریێ بکەین خو ئەگەر د کرینا هندەک پێدڤیاتیێن مالێ ژی دا
بیت. لەوا بومن پەرتوکەکا سڤک بو ژلایێ زمانی بەلێ تێر بو ژلایێ هزری و ژوان
پەرتوکایە دشیاندایە پتر ژ جارکێ بخینی و دیسان مفای ژێ وەرگری.
نڤیسەر: دعاء طارق
ژێدەر: پەرتووکا لاوازیا دەروونی یا دکتور اسماعیل عرفة (194 پەڕ)