ناڤ ئەو پەیڤە یا مروڤی پێ ددەتە نیاسین ، هەر ژ دەمێ زاروک ژدایک دبیت ناڤ و ناسنامەک بو دهێتە دانان زاروک ئینان بو سەر دنیایێ وناڤ دانان لسەر بەرپرسیارەتیەکا مەزنە پێدڤیە ناڤەکێ گونجای و ب رامان بدانین داکو ل پاشەروژێ ناڤێ وی کارتێکرنێ لسەر دەرون و کەسایەتیا وی نەکەت .
ئەگەر ژ کەڤن دا بەرێ خو بدەینێ ژ چەرخێن کەڤن مللەتێ کورد ناڤێن کوردی لسەر زاروکێن خو ددانان بو نموونە (سینەم، زەمرید، جازیا، زینێ، ئاڤدەل، میرخان، مشەختی ...هتد) ، ڤان ناڤان هەمیا رامانێن خو هەبوینە لێ سەردەم بو سەردەمی جێوازی کەڤتیە ناڤان دا و ب تایبەت د سەردەمێ نوکەدا ئەم تێدا دژین لێ هەتا ئەڤرو ژی هندەک خێزان هەنە بو ریزگرتن و ژبیرنەکرنا خوشتڤیێن خو پشتی مرنا وان ناڤین وان دووبارە رادکەنەڤە و لسەر زاروکێ خو ددانن ، ڤێ چەندێ ژی بێگومان باشی و خرابیێن خو هەنە ئەڤرو ژیان وەکی جاران نەمایە خەلک ناڤێن نوی و سەردەم ل زاروکێن خو دکەت گەلەک ئەگەر هەنە بو دانانا ڤان ناڤا وەکی ئەگەرێن خێزانی و کاریگەریا درامایێن بیانی و تەکنولوژیایی و چاڤلێکرن کومەکا بوچونا ،خەلک نوکە ل ناڤین کورت و سڤک و خوش دگەریت و خێزان ل وان ناڤا دگەریت یێن کێم و کەسێ بکارنەئیناین بو نموونە ( نیلا، میلا،ئاڤار، تینا، لینا ...هتد) لێ دراستی ژی دا ژمارەکا زورا ڤان ناڤان رامانێن وان د رون و ئاشکەرا نینن وەکو من پسیارا هەڤالان کری دبێژن ناڤێن بەرێ بو ڤی سەردەمی دگرانن و دبیت دەمێ ئەڤ زاروکە مەزن ببیت ناڤێ وی ب دلێ وی بخو ژی نەبیت و کاریگەریی لسەر دەرونێ ویژی بکەت وبەرەڤ هندێ بچیت ناڤێ خو بگوهوریت یان ئەوبخو ناسناڤەکی بخو بدانیت ، چونکی ناڤێ مروڤی کاریگەریێ لسەر کەسایەتیا مروڤی دکەت یان ل ناڤ هەڤالان و خێزانێ دا هەست ب دل تەنگی و نەخوشیێ بکەت دەمێ ب ناڤێ وی یێ نەبدلێ وی گازی دکەنێ لێ ئەو ناڤێ وی یە ژلایی دەرونیڤە دێ تێکچیت و ئەگەر ئەم هزربکەین و بێژین دێ ناڤێ کەسەکێ مری دانینە لسەر زاروکێ خو بو هندێ ساخکرنا بیرهاتنا کەڤنا خوشتڤیین خو و هەردەم لسەر هزرا مەنە وددلێ مەدانە لێ ژلایێ ئاینی ڤە لازم نەکریە ناڤی راکەین راستە رێزگرتنە لێ دبیت ئەو ناڤ لسەر ڤی سەردەمی نەگونجیت.
بوچوونا من ژی دگەل هندێ مە هەلبژارتنا ناڤێ زاروکی بەرچاڤ وەربگرین ودگەل سەردەمی بگونجیت ودەمێ مەزن دبیت شانازیی ب ناڤێ خو بکەت ویی پری رامان بیت ولدیڤ زمانێ رەسەنێ زاروکی بیت و رەگەزێ وی جونکی مە ناڤ هەنە بو هەردوو رەگەزا دهێنە بکارئینان و دەیک و باب وخێزانا مەزن پێکڤە بریارەکێ بدەن بو ناڤەکێ سەرنجراکێش و ب رامان بو زاروکێن خو دا ل پاشەروژێ زاروکێن وان شانازیێ ب ناڤێ خو ببەن و ددلخوش بن دژیانێ دا.
نڤیسەر: دلخاز جمیل