شەترەنج هەردەم
یا بەرنیاسبوو، بەلێ ل ڤان دوو سالێن بووریدا بەرنیاسینا وێ زێدەبوویە نە وەک چ
جارا. یاری ب شەترەنجێ دهێتە کرن و خۆشی ژی دهێتە بووراندن د هەمی پلان دا، ژ گرەند
مەستەر بۆ یاریکەرێ نوی. و ل گەل فێربوونا بساناهی یا یاسایێن وێ و گەهشتنا جیهانی،
شەترەنج شیایە چالاکببیت و ڤێ چەندێ ل دەڤ حەز ژێ کەرێن یاریێ زێدەبکەت.
ل ڤان دوو سالێن
بووریدا، گەلەک ئەگەران کارتێکرن کرییە ل سەر سەرنجڕاکێشانا مرۆڤان بۆ یاریکرنا شەترەنجێ،
لێ گرنگترین ئەگەر ئەڤەنە:
پەتا
ئادارا ٢٠٢٠ هەیڤەکە
دبیت بیرا مە هەمییا باش لێ دهێت. کوڤێد - ١٩ هەمی تشت گرتن، و پترییا جیهانێ ل
مالێن خۆ ڤە مان. پشتی کو بۆ ماوەیەکێ کێم تیکتوک گەلەک بەربەلاڤ بووی، پەتایێ گەلەک
کەس پالدان ژ بۆ پیتەدان بخۆ پێشڤەبرنێ. شەترەنج ژلایێ گەلەک کەسان ڤە وەک ڕێکەکا
هزرییا بزەحمەت دیت بۆ پێشڤەبرنا خۆ و بهێزکرنا مێشکی.
هەروەسا ل دەمێ
پەتایێ، وەرزشێن ئاسایی هاتنە بەتاڵ کرن، ئەڤجا تەماشەکرنا بەریکانێن شەترەنجێ و بەشداربوون
تێدا بۆ ڕێکەک بۆ بدەستڤەئینانا حەزا پێشبڕکینیێ کو تا نوکە ل دەڤ گەلەک کەساین مایە.
ڕاستە بەریکانێن یەکسەرێن شەترەنجێ هاتنە هەلوەشاندن، بەلێ بەریکانە هەر دهاتنە ئەنجامدان
ئەوژی ب ڕێکا ئونلاین (ئەلکترونی) و مرۆڤ دشییا تێدا بەشدارببیت یان ژی گۆهێ خۆ بدەتێ.
ئینتەرنێت
ئاسانەیی، مان
ل مال ژ ئەگەرێ پەتایێ بۆ ئەگەر پتریا مە دەمەکێ زێدەتر ب ئینتەرنێتێڤە ببورینین -
پەیوەندیکرن و کارکرن ل گەل هەڤدوو و هەولا هەستپێکرن ب سروشتییا بەرێ. و ژبەر کو
تو پێدڤی نەدبووی ل پشکدارەکی بگەری بۆ پێشبڕکرنەکا یەکسەر دژی، ئینتەرنێت بوو کلیلەک
بۆ ڤەکرنا دەرگەهێ بناڤۆدەنگیێ بۆ شەترەنجێ. یاری، بەریکانە، و وانێن تایبەتێن
ئونلاین ملیونەها کەس ب شەترەنجێ ڤە گرێدان کو ب چ ڕێکێن دی نە چێدببوو. هەروەسا، یاریکەرێن
زیرەک پلاتفورمێن ئینتەرنێتێ و سوشیال میدییا بکارئینا بۆ بەلاڤکرنا شارەزاییا خۆ
و یەکسەر ل گەل تەماشەڤانێن شەترەنجێ ل سەرانسەری جیهانێ بئاخڤن.
خاپا شاژنێ (کوینز گەمبێت) ل نێتفلێکس
ئەگەر تە تا
نوکە تەماشەی خاپا شاژنێ ل نێتفلێکس نە کربیت، پێدڤییە تو نوکە تەماشەبکەی! چیروکا
زنجیرا تەلەڤزیونییا کو پلا سیێ ژ تەماشەکرنێ بدەستڤەئینایی بەحسی کچەکا بێ سەمیان
دکەت کو دبیتە قارەمانەکا شەترەنجێ، کو پێشبەڕکیێ ل گەل ئالودەبوون و قالبێن هزری یێن
کو دەربارەی یاریکەرا کچ یا شەترەنجێ هاتینە دانان دکەت. چیروکا زنجیرێ وەکهەڤی یا
گەلەک کەسێن دییە، و ب هیڤییانە دێ پالپشتییا پتر کچان کەت بۆ یاریکرنا وەرزشەکا ڕێژا
کوران تێدا زال - بۆ شکاندنا قالبێن هزری یێن یاریکەرێ "ئاسایی" یێ شەترەنجێ،
کو دبێژیت کور بتنێ دزانن ڤێ یاریێ بکەن (بێ گۆمان هزرەکا خەلەتە ژبەرهندێ دبێژنێ
قالبێ هزری).
ل هەرسێ حەفتیێن
دەستپێکێ یێن پشتی کو زنجیرە بۆ جارا ئێکێ هاتییە بەلاڤکرن، ڕێژەیا فرۆتنا سێتێن شەترەنجێ
ب ڕێژەیا ٨٧٪ زێدەبوو، و هەروەسا، ڕێژەیا فرۆتنا پەرتووکێن شەترەنجێ ب ڕێژەیا ٦٠٣٪ زێدەبوو!
نڤیسەر: نورا عبدالسلام
ژێدەر: (1)