روندکێن عەورێن دهی ل سەر ریێن بەلگان بون ژبەر خەمل و باژنا داران دارستان ب خەملتر و برەوشتر دیار دکر هەر چپکەکا خوناڤێ ژ دێمێ بەلگەکی هاتبا خارێ و کەتبا سەر لەشێ وێ ئەوێ وەک زاروکەکێ خو بلند دکرو ژ خوشیان د لەیزی تبلێن خویێن نازک ل چبکێن خونافێ ددان و تام د کر هەر دەمەکێ باران هاتبا وێ تام دکرە روندکێن عەوران کا ئەف جارە چ تامە گەهشتە سەر لێفا ریباری و پرچێ خویێ ئارمیشی فەکر و ب ئافا ریباری شل کر بێهنا گەردونی ژ پرچ و لەشێ وێ د فری دارستان هەمی پر کربو ژ بێهنا خو پرچا وێ دگەل بای یاری دکرن هەناسێن وێ هەر تشتەکێ لفوک ئارام دکر. ب تنێ دلێ وی نەبیت ب لەزتر خو د قوتا هەروەکی دفێت ب دەرکەفیت و ل دیڤ وان هەناسان بگەریت رابو سەر پێن خو ژوێ شکەفتا لایێ ریباری دەرکەفت و ل وێ نێری دگەل خو گوت جوانیا ئەسمانی هەمبێزا ئەردی یا کری ژ جوتبونا وان ئەف بونەوەرە یا ژێ درست بوی گەلەک دفیا خو نێزیکی وێ بکەت بەلێ ژ درندایەتیا خو دچافێن وێ دا د ترسیا ئەو دناف گوتنێن خودا نوقوم ببو ئاسانێ چافێن خو ل دەوروبەران خشاندن هەردوو ستێرێن وێ رژیانە سەر وی گورگێ رساسی یێ لبەر دەرێ شکەفتێ ل وێ د نێریت وەک بیها دناف ئافێ د لەرزی ب لەز رابو ب غاردان لسەر چەقێن داران و کورێن گیانەوەران دا خو گەهاندە مالا خو یا دناف دلێ دارستانێ دا ئێدی لامان ببو جهێ ترسێ بو هەمی خەلکێ وێرێ لامان نەدشیا ژ ئاسانێ دیر کەفیت ئاسان روژا شەشێ چو دا هندەک دارا ژ ناف دارستانێ بینیت لامان ل بەرانبەر وێ دەرکەفت ئاسان. کەتە سەر چوکێن خو و هەیف دناف دەستێن خودا فەشارت. لامان ب لەشێ خویێ مەزن فە نێزیکی وێ بوو بهێن کرە ناف پرچا وێ و دێمێ خو ب دێمێ وێ یێ هەیف دا خشاند ئەو ژ ترسان پیچەک مابو بێ هوش بیت لامانی د گوهێ وێدا گوت دێ ژبەرتە و ل سەر عەشقا تە مرم ژ من نە ترسە بەلکی یا سەیر بیت
بوتە کو گورگەک ل کچەکێ عاشق بیت بەس ژ روژا من تو دیتی گەردون هەمی د چافێن من دا بویە تو روژ دەرباس بون ئێدی هەمیان ل سەر عەشقا وان د ئاخفت ئاسان دگەل لامانی فێری هەمی هویرکاتیێن دارستانێ بو ل شەفەکێ هەمی خەلکێ هوزێ بریار دا بچن بو کوشتنا لامانی و دناف شکەفتێ دا گولە باران کر دەمێ زفرین ئاسان یا دیار نەبو ل ناف هەمی دارستانێ گەریان یا بێ ئەنجام بو چون دا شکەفتێ ب پشکنن دبینن هەردو یێن د هەمبێزا ئێکدا هاتینە کوشتن دەمێ خینا وان ماچی ئاخا دارستانێ کری هەر ئەفینەکائەستەم هاتە هەبونێ و ئێدی شێر ل خەزالان عاشق د بون بالندە ل ماسیان .
نڤیسەر: رێزان جعفر