ل پاژێرێ کەڤن یێ مەککەهێ، زەلامەک دل مەزن و میهرەبان ل سەر باشی و راستیێ دژیا. یێ بەرنیاس بوو ب سەرەدەریا خو یا جوان و رێک و پێک دگەل خەلکی، و کەسایەتییا وی یا پڕ رەوشت و کریارێن باش. ناسناڤێ وی دناڤ خەلکی دا “ألأمين" بوو، ئانکو یێ باوەرپێکری.
بەحس ل سەر کریار و رەوشتێن ڤی مروڤی ل دور مەککەهێ هەمی ل ناڤ خەلکی دا بەلاڤ بوو. باوەرییا ڤی کەسی ب دادپەروەریێ و یەکسانیێ و دگەل دلوڤانییا وی بوونە ئەگەر دلێ گەلەکا بو نەرم بیت و خەلک دەسپێکر ل دیف بچن، چنکی ئەو مروڤ و فێرکرنێت وی یێن ڤیانێ و ئاشتیێ و رێزگرتنێ وەک ئیلهامەک بو خەلکی بی.
دگەل بلند بوونا دەنگێ خەلکێ پشتەڤان بو وی، هوسا دەنگێ وی خەلکی ژی ل مەککەهێ بلند دبی یێت کو دژاتییا وی دکەن. بەلێ پا ئەو کەس بێ کو ژ رێکا خو بلڤلڤیت، بەردەوام بی ل سەر بەلاڤ کرنا ناما خو ناڤ خەلکی دا، ئەو پەیاما کو پشتەڤانییا مافێت کەسێن هەژار و ستەم لێ کری و یێت بێ سەمیان دکر. ئازایەتییا وی ل بەرامبەر نەخوشییا و بەردەوام بوونا وی بێ واستیان ل سەر دیفچوونا دادپەروەریێ بوونە ئەگەر کەسێن پشتەڤانێن وی گەلەک رێزێ لێ بگرن و دل سوز بن بو وی.
ل شەڤەک ژ شەڤا دناڤ هەیڤا پیروز یا رەمەزانێ دا ئەڤ کەسە پەیامەک ژ فریشتە جبریل سلاڤ ل سەر بن وەردگریت، و ئەڤ دەمە ب دەسپێکا پێغەمبەراتییا ڤی کەسی و ژدایک بوونا ئیسلامێ دهێتە دانان. بەلێ ئەڤ کەسە پێغەمبەرێ ئیسلامێ، خوشتڤیێ هەمی موسلمانا، موحەممەد سلاڤێت خودێ ل سەر بن. دگەل هەمی نەخوشییا و ستەمێ و دژواریێ، ئەڤ کەسە یێ رژد و بەردەوام بوو ل سەر بەلاڤ کرنا پەیاما خو، پەیاما دادپەروەریێ و ئێک بوونا خودایێ مەزن.
دەمێ ئەڤ کەسە پشک دار دبیت د ئێک ژ شەران دا دگەل لەشکەرێ موسلمانا وەک سەرکردە، دگەهنە جهەکێ ب داروبار و بیهنا خو ڤەدکەت، ل بن دارەکێ دنڤیت و شیرێ خو ب دارێ ڤە دهەلاویسیت. بەلێ پا وەختێ نڤستنا وی مروڤەکێ گوندی خو نیزیک وی دکەت و شیرێ وی ستینت و ڤەدکەت و ددانیتە ل سەر حەفکا پێغەمبەری سلاڤ ل سەر، و پێغەمبەر هشیار دبیت. ل وی دەمی ئەو زەلامێ گوندی گوتە پێغەمبەری “دێ کی تە ژ من پارێزیت؟”. ب باوەرییەکا مەزن و بێ دوو دلی پێغەمبەر جاب ددەت و دبێژیت “خودێ!”. دەمێ پێغەمبەری هوسا بەرسڤا وی دا، ئەو زەلام کەتە عەردی و شیر ژ دەست دا. شیر دزڤریتە دەستێ پێغەمبەری و لەشکرێ موسلمانا دزانیت و دهێنە نک پێغەمبەری، و وی زەلامی ل وێرێ دبینن. ل وی دەمی پێغەمبەر ل وی زەلامی دبوریت و عەفو دکەت، دگەل هەبوونا هێزا هەمی لەشکرێ موسلمانا ددەستی دا. دەمێ ئەو زەلام ئەڤ دلوڤانی و باشییا پێغەمبەری دبینت سەرسورمان دبیت و دچیت. ل ڤێ چیروکێ بو مە دیار دبیت کو پەیاما پێغەمبەرێ موسمانا موحەممەد سلاڤێت خودێ ل سەر بن پەیاما ستەمکاریێ نەبوویە، بەلکو پەیاما دادپەروەریێ یە.
ژیانا ڤی کەسی و فیرکاریێن وی و کریارێن وی دبنە ئەگەرێ گهورینێ نە تنێ ل جڤاکا مەککەها پیروز، بەلکی ل هەمی وەلاتێن عەرەبی و گەلەک وەلاتێن دی یێن دەوروبەری وان. و چیروکێن وی یێن دل نەرمیێ و دادپەروەریێ دمینن وەک ئیلهام بو هەمی مروڤایەتیێ حەتا نوکە. ئەڤە پێغەمبەرێ مەیە سلاڤ ل سەر بن.
نڤیسەر: أحمد مصطفى
ژێدەر: (1)