کولیژە و زانکو دشێن دەمەکێ تژی سترێس بۆ قوتابییان پەیدا کەن، و رێڤەبرنا دەمی دشێت ئێک بیت ژ شیانێن هەرە گرنگ - بەلێ فێڵباز - تۆ تێدا شارەزا ببی. بەژداریکرنا وانەیان، بەرهەڤکرن بۆ تاقیکرنان، پێکئینانا هەڤاڵان و تەرخانکرنا دەمێ خو بۆ ئارامی وکێمکرنا پەستانێ دشێت بلەز خشتەیێ تە تژی بکەت. ئەگەر زووربەیا جاران خۆ ببینی هێڤیێن دەمژمێرێن زێدە بکەی د روژا خودا، ئەڤ ئاموژگارییە دێ رێبەرییا تەکەن بشێی وان کارا ئەنجام بدەی یێن پێدڤییە ئەنجام بدەی د روژا خودا، هەروەسا بشێی دەمەکێ خوش دگەل هەڤال و دوستێن خو ببورینی.
نەهێلە خشتەیێ تەیێ تژی کارتێکرنێ لتە بکەت برێکا ڤان ئاموژگاریێن برێڤەبرنا دەمی!
١- دروستکرنا ساڵنامەیەکێ:
نەمینە مەندەهوش دەمێ تە لاپەرەک هەبیت د دوو روژان دا بگەهینی یاب ژیک خارنا شیڤێ دگەل خێزانا خو دهەمان شەڤ دا تە پلان دانابوو بۆ کومبونا خاندنا گروپی. بخو ساڵنامەیەکێ دروست بکە پێشوەخت تر بۆ هەمی دوماهیک ژڤانان، ئەزموون، بویەرێن جڤاکی، و ئەو ئیلزتیزاماتێن دیتر یێن دەمکی تە هەین.
ساڵنامەیا خو لجهەکێ بدانە وەکی هلاویستنا وێ لسەر دیوارێ مێزا خو یان ژیک ساڵنامەیەکا دیجیتال د موبایلا خودا دروست بکە.
٢- دووبارە بیراخو بینەڤە:
پشتی تە ساڵناما خو دروست کری، جاران بیراخو بینەڤە دا لسەر رێکا خو بەردەوام ببی. وەکی پێشوەخت بدوماهێک ئینانا دەلیلێ خواندنێ یان ژیک کومبوونەکێ بدانە بۆ پروژەیێ خو یێ بهێتن. زانینا دووماهیک ژڤانان یا گرنگە: بەس هەرچاوا بیت، مانا تە لسەر ڤان ئەرکێن بچیک ب هەمان شێوە گرنگیا خویا هەی.
٣- خشتەیەکێ تایبەت دروست بکە:
روژا کەسەکی ژ کەسەکێ دیتر یا جیاوازە، بۆ هندی یێ پشتراستبە ژ وی خشتەی یێت دگەل روژا تە بگونجیت. دەمێ تە هژمارا دەربەست (ئیلتیزام)یێن خویێن بەردەوام کر وەکی کڵاسێن تە و شفتێن تە لجهێ کاری. پشتی هینگێ ڤەکومبوونێن خواندنێ، چالاکیێن دەرڤەی مەنهەجی، کار و ئەرک و بویەرێن جڤاکی لسەر زێدە بکە.
٤- وان ئامیرەییان بکاربینە یێن گونجای بن دگەل تە:
هەروەکی ساڵنامە وخشتەیێ تە، ڤیابیت ئەو ئامیرەیێن تو بکاردئینی بۆ مانا تە لسەر رێکخستنا کاران یا گونجای بیتن بۆ تە. بۆ هندەک قوتابییان پلانێن فیزیکی و لسەر کاغەزان خوشترە، د هەمان دەمدا بۆ هندەکێن دی برێکا دیجیتالێ گونجای ترە.
٥- فەراتی:
جاران راستی گەلەک تشت هەنە د دەمەکێ کێم دا لسەر مە پێدڤییە بدووماهیک بینین، دڤان حالەتان دا چەند خولەکان تەرخان بکە بۆ هەلسەنگاندنا تشتێن فەر و ئەوەلییاتێن خو. هزرا خو بکە کیشک ژڤانێ تە گرنگترە هەروەسا تە چەند وزە هەیە د وی دەمیدا بکاربینی.
٦- دەمەکی بۆ خوشیێ و زەوقی تەرخان بکە:
برێڤەبرنا دەمی تەنها ئەو نینە تو کارێ خو ئەنجام بدەی! بەلکو پشتراستیبوونە کو تو بشیێ خۆ و خوشگوزەرانیا خویا میشکی بدانیە پێشێی. تەرخانکرنا دەمی بۆ نەفسا خو د خشتەیێ تە دا ب بەردەوامی، هاریکارییا تە دکەت بۆ پاراستنا بالانسێ دناڤبەرا تەندروستیا دەروونی و ژیانا تە دا.
٧- ل هاریکاریێ بگەرە:
ئامادەکاری و رێکخستن گەلەک جاران ب زەحمەت دکەڤن. خوشبەختانە، تە کەس یێن هەین ل دەورووبەرێن خو بەردەوام پشتەڤانییا تە دکەن. هەڤکارەکی و گروپەکێ خواندنێ ژێبگرە کو بمینیە دگەل، بیرا هەڤاکارێن خو بینەڤە ئەگەر پێدڤی پتر جهی ببن دەمێ کارکرنێ لسەر لاپەرەکی.
٨- کەسەکێ واقعی ولڤینەر بە:
هندەک جاران بارودوخێن نە چاڤەرێکری دێ هێنە رێکا تە، یان ژیک ب کورتی تە ئەو شیانە نینن وان هەمی ئەرکێن تە داناین د روژا خودا بدووماهیک بینی. یێ ب سەبر و هەدار بە دگەل خو، دەمێ تشت وەکی تە پلان کرین برێڤە نەچن.
شارەزابوون د رێڤەبرنا دەمی دا رامانا هەڤسەنگیێ ددەت دناڤبەرا کار و ژیانا کەسی دا. ئامیرە و ئامرازان بکاربینە، ئەرکێن فەر ل پێشیێ بدانە، داخازا هاریکاریێ بکە د دەمێن پێدڤی دا، بۆ هندێ بشێی بمینی رێکخستی و فشارا دەروونێ لدەڤ خۆ کێم بکەی. کەسەکێ لڤینەر بە، ل بیرا تەبیت یێ توند نەبە لسەر کەسایەتییا خو.
نڤیسەر: چراک موختار
ژێدەر: (1)
